Majma uz Zawaid Wa Manba ul Fawaid

1400 - وَعَنْ خُزَيْمَةَ بْنِ ثَابِتٍ، «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " لِلْمُسَافِرِ ثَلَاثَةُ أَيَّامٍ وَلَيَالِيهِنَّ، وَلِلْمُقِيمِ يَوْمٌ وَلَيْلَةٌ، يَمْسَحُ عَلَى خُفَّيْهِ إِذَا أَدْخَلَهُمَا وَهُمَا طَاهِرَتَانِ» ". قُلْتُ: رَوَاهُ أَبُو دَاوُدَ وَغَيْرُهُ خَلَا قَوْلِهِ: إِذَا أَدْخَلَهُمَا وَهُمَا طَاهِرَتَانِ. رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ أَبِي لَيْلَى مُحَمَّدٌ، وَهُوَ سَيِّئُ الْحِفْظِ.

حضرت خزیمہ بن ثابت رضی اللہ عنہ نبی اکرم صلی اللہ علیہ وسلم کا فرمان نقل کرتے ہیں:مسافر کے لئے مدت تین دن اور تین راتیں ہوئی اور مقیم کے لیے ایک دن اور ایک رات ہوئی وہ اپنے موزوں پرمسح کرتا رہے گا جبکہ اس نے پاؤں اس (موزے) میں اس وقت داخل کیے ہیں جب وہ دونوں باوضو ہوں‘‘۔(علامہ ہیثمی فرماتے ہیں): میں یہ کہتا ہوں : یہ روایت امام ابوداؤد نے نقل کی ہے تاہم انہوں نے یہ الفاظ نقل نہیں کیےہیں۔"جب اس نے ان دونوں کو باوضو حالت میں داخل کیا ہو "یہ روایت امام طبرانی نے معجم کبیر میں نقل کی ہے اس کی سند میں ایک راوی ابن ابو لیلیٰ محمد ہے اور وہ خراب حافظے کا مالک ہے۔

النَّبِيِّ ← خُزَیْمَۃَ بْنِ ثَابِتٍ

1401 - وَعَنْ يَعْلَى بْنِ مُرَّةَ قَالَ: «كُنَّا إِذَا سَافَرْنَا مَعَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - لَمْ نَنْزِعْ خِفَافَنَا ثَلَاثًا، فَإِذَا شَهِدْنَا فَيَوْمٌ وَلَيْلَةٌ». رَوَاهُ الطَّبَرَانِيُّ فِي الْكَبِيرِ، وَفِيهِ عُمَرُ بْنُ عَبْدِ اللَّهِ بْنِ يَعْلَى، وَهُوَ مُجْمَعٌ عَلَى ضَعْفِهِ.

یعلی بن مرہ بیان کرتے ہیں: ہم لوگ جب نبی اکرم صلی اللہ علیہ وسلم کے ساتھ سفر کرتے تھے تو تین دن تک موزے نہیں اتارتے تھے اور جب ہم مقیم ہوتے تھے تو ایک دن اور ایک رات تک( موزے نہیں اتارتے تھے)۔ یہ روایت امام طبرانی نے معجم کبیر میں نقل کی ہے اس کی سند میں ایک راوی عمر بن عبد اللہ بن یعلیٰ ہے اور اس کے ضعیف ہونے پر اتفاق ہے۔

يَعْلَی بْنِ مُرَّةَ

1402 - وَعَنِ ابْنِ مَسْعُودٍ قَالَ: لِلْمُسَافِرِ ثَلَاثَةُ أَيَّامٍ وَلَيَالِيهِنَّ، وَلِلْمُقِيمِ يَوْمٌ وَلَيْلَةٌ. وَسَافَرْتُ مَعَ عَبْدِ اللَّهِ بْنِ مَسْعُودٍ، فَكَانَ يَمْسَحُ عَلَى خُفَّيْهِ ثَلَاثًا. رَوَاهُ الطَّبَرَانِيُّ فِي الْكَبِيرِ، وَهُوَ مَوْقُوفٌ كَمَا تَرَى، وَقَدْ تَقَدَّمَ حَدِيثَهُ الْمَرْفُوعَ، وَلَهُ أَسَانِيدُ بَعْضُهَا رِجَالُهُ رِجَالُ الصَّحِيحِ.

حضرت عبد الله بن مسعود رضی اللہ عنہ فرماتے ہیں: مسافر کے لئے تین دن اور تین راتیں اور مقیم کے لیے ایک دن اور ایک رات ہے۔راوی بیان کرتے ہیں : میں نے حضرت عبداللہ بن مسعود رضی اللہ عنہ کے ساتھ سفر کیا تو وہ تین دن تک موزوں پر سے مسح کرتے رہے یہ روایت امام طبرانی نےمعجم کبیر میں نقل کی ہے اور یہ موقوف ہے جیسا کہ آپ ملاحظہ فرما رہے ہیں ان کی نقل کرده مرفوع حدیث پہلے گزر چکی ہے اور وہ اسی اسانید کے ساتھ منقول ہے ان میں سے بعض کے رجال "صحیح" کے رجال ہیں۔

ابْنِ مَسْعُودٍ،

1403 - وَعَنِ الْحَكَمِ بْنِ عُتَيْبَةَ، عَنْ عَلِيٍّ وَابْنِ مَسْعُودٍ: لِلْمُسَافِرِ ثَلَاثَةُ أَيَّامٍ وَلَيَالِيهِنَّ، وَلِلْمُقِيمِ يَوْمٌ وَلَيْلَةٌ. وَالْحَكَمُ لَمْ يَسْمَعْ مِنْ عَلِيٍّ، وَلَا مِنَ ابْنِ مَسْعُودٍ، وَمَعَ ذَلِكَ فِيهِ الْحَجَّاجُ بْنُ أَرْطَاةَ.

حکم بن عتیبہ نے حضرت علی رضی اللہ عنہ اور حضرت عبداللہ بن مسعود رضی اللہ عنہ کے حوالے سے یہ بات نقل کی ہے:مسافر کے لیے اس کی مدت تین دن اور تین راتیں اور مقیم کے لیے ایک دن اور ایک رات ہےحکم نامی راوی نے حضرت علی رضی اللہ عنہ سے سما ع نہیں کیا ہے اور حضرت عبد الله بن مسعود رضی اللہ عنہ سے بھی سماع نہیں کیا ہے اس کے ہمراہ اس روایت کی سند میں ایک راوی حجاج بن ارطاة ہے۔

الْحَكَمِ بْنِ عُتَيْبَةَ،

1404 - عَنِ ابْنِ مَسْعُودٍ قَالَ: لَوْ أَجْنَبْتُ وَلَمْ أَجِدِ الْمَاءَ شَهْرًا مَا صَلَّيْتُ. رَوَاهُ الطَّبَرَانِيُّ فِي الْكَبِيرِ. وَأَبُو عُبَيْدَةَ لَمْ يَسْمَعْ مِنَ ابْنِ مَسْعُودٍ، قَالَ ابْنُ سُفْيَانَ: لَا يُؤْخَذُ بِهِ.

حضرت عبداللہ بن مسعود رضی اللہ عنہ فرماتے ہیں: اگر مجھے جنابت لاحق ہوجائے اور ایک ماہ تک پانی نہ ملے تو میں نماز ادا نہیں کروں گا۔ یہ روایت امام طبرانی نے معجم کبیر میں نقل کی ہے ابوعبیدہ نے حضرت عبد الله بن مسعود رضی اللہ عنہ سے سماع نہیں کیا ہے ابن سفیان کہتے ہیں : اس کے مطابق فتوی نہیں دیا جائے گا۔

ابْنُ سُفْيَانَ: لَا يُؤْخَذُ بِهِ. ← أَبُو عُبَيْدَةَ لَمْ يَسْمَعْ مِنَ ابْنِ مَسْعُودٍ، ← لَوْ أَجْنَبْتُ وَلَمْ أَجِدِ الْمَاءَ شَهْرًا مَا صَلَّيْتُ. رَوَاهُ الطَّبَرَانِيُّ فِي الْكَبِيرِ. ← ابْنِ مَسْعُودٍ،

1405 - وَعَنْ عَلْقَمَةَ أَنَّ رَجُلًا كَانَ بِهِ جُدَرِيٌّ، فَأَمَرَ ابْنُ مَسْعُودٍ فَقُرِّبَ تُرَابٌ فِي طَسْتٍ أَوْ تَوْرٍ، فَمَسَحَ بِالتُّرَابِ. وَفِيهِ أَبَانُ بْنُ أَبِي عَيَّاشٍ، وَهُوَ ضَعِيفٌ.

علقمہ بیان کرتے ہیں: ایک شخص کو جدری ( جلد خراب ہونے) کی بیماری تھی۔ حضرت عبداللہ بن مسعود رضی اللہ عنہ کے حکم کے تحت طشت یا برتن میں مٹی اس کے بعد لائی جاتی اور وہ مٹی کے ذریعے سےمسح کر لیتا تھا۔اس روایت کی سند میں ایک راوی ابان بن ابوعياش ہے اور وہ ضعیف ہے۔

1406 - وَعَنْ عَلِيِّ بْنِ أَبِي طَالِبٍ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: «أُعْطِيتُ مَا لَمْ يُعْطَ أَحَدٌ مِنَ الْأَنْبِيَاءِ "، فَقُلْتُ: يَا رَسُولَ اللَّهِ، مَا هُوَ؟ قَالَ: " نُصِرْتُ بِالرُّعْبِ، أُعْطِيتُ مَفَاتِيحَ الْأَرْضِ، وَسُمِّيتُ أَحْمَدَ، وَجُعِلَ التُّرَابُ لِي طَهُورًا، وَجُعِلَتْ أُمَّتِي خَيْرَ الْأُمَمِ». رَوَاهُ أَحْمَدُ، وَفِيهِ عَبْدُ اللَّهِ بْنُ مُحَمَّدِ بْنِ عَقِيلٍ، وَهُوَ سَيِّئُ الْحِفْظِ، قَالَ التِّرْمِذِيُّ: صَدُوقٌ، وَقَدْ تَكَلَّمَ فِيهِ بَعْضُ أَهْلِ الْعِلْمِ مِنْ قِبَلِ حِفْظِهِ، وَسَمِعْتُ مُحَمَّدَ بْنَ إِسْمَاعِيلَ - يَعْنِي الْبُخَارِيَّ - يَقُولُ: كَانَ أَحْمَدُ بْنُ حَنْبَلٍ وَإِسْحَاقُ بْنُ إِبْرَاهِيمَ وَالْحُمَيْدِيُّ يَحْتَجُّونَ بِحَدِيثِ ابْنِ عَقِيلٍ. قُلْتُ: فَالْحَدِيثُ حَسَنٌ. وَاللَّهُ أَعْلَمُ.

حضرت علی بن ابوطالب رضی اللہ عنہ روایت کرتے ہیں :: نبی اکرم صلی اللہ علیہ وسلم نے ارشادفرمایا ہے: مجھے وہ چیز عطا کی گئی ہے جو انبیاء میں سے کسی کو نہیں دی گئی میں نے عرض کی : یا رسول اللہ صلی اللہ علیہ وسلم ! وہ کیا ہے؟ آپ صلی اللہ علیہ وسلم نے فرمایا: رعب کے ذریعے میری مدد کی گئی ہے زمین کی کنجیاں مجھے عطا کی گئی ہیں میرا نام احمد رکھا گیا میرے لیے مٹی کو طہارت کے حصول کا ذریعہ بنایا گیا اور میری امت کو سب سے بہتر امت قرار دیا گیا۔یہ روایت امام احمد نے نقل کی ہے اس کی سند میں ایک راوی عبداللہ بن محمد بن عقیل ہے اور وہ خراب حافظے کا مالک ہے امام ترمذی فرماتے ہیں: یہ صدوق ہے بعض اہل علم نے اس کے حافظے کے حوالے سے اس کے بارے میں کلام کیا ہے میں نے محمد بن اسماعیل ، یعنی امام بخاری کو یہ فرماتے ہوئے سنا ہے:احمد بن حنبل اسحاق بن ابراہیم اور حمیدی نے ابن عقیل کی نقل کردہ حدیث سے استدلال کیا ہے۔(علامہ ہیثمی فرماتے ہیں )میں یہ کہتا ہوں :تو یہ حدیث حسن ہو گی،باقی اللہ بہتر جانتا ہے ۔

عَلِيِّ بْنِ أَبِي طَالِبٍ

1407 - وَعَنْ أَبِي هُرَيْرَةَ قَالَ: «جَاءَ أَعْرَابِيٌّ إِلَى النَّبِيِّ - صَلَّى اللَّهُ عَلَيْهِ وَسَلَّمَ - فَقَالَ: يَا رَسُولَ اللَّهِ، إِنِّي أَكُونُ فِي الرَّمْلِ أَرْبَعَةَ أَشْهُرٍ أَوْ خَمْسَةَ أَشْهُرٍ، فَتَكُونُ فِينَا النُّفَسَاءُ وَالْحَائِضُ وَالْجُنُبُ، فَمَا تَرَى؟ قَالَ: " عَلَيْكَ بِالتُّرَابِ». رَوَاهُ أَحْمَدُ وَأَبُو يَعْلَى وَقَالَ فِيهِ: " عَلَيْكَ بِالْأَرْضِ "، وَالطَّبَرَانِيُّ فِي الْأَوْسَطِ، وَفِيهِ الْمُثْنِي بْنُ الصَّبَاحِ، وَالْأَكْثَرُ عَلَى تَضْعِيفِهِ. وَرَوَى عَيَّاشٌ عَنِ ابْنِ مَعِينٍ تَوْثِيقَهُ، وَرَوَى مُعَاوِيَةُ بْنُ صَالِحٍ عَنِ ابْنِ مَعِينٍ: ضَعِيفٌ، يُكْتَبُ حَدِيثُهُ وَلَا يُتْرَكُ.

حضرت ابو ہریرہ رضی اللہ عنہ بیان کرتے ہیں: ایک دیہاتی نبی اکرم صلی اللہ علیہ وسلم کی خدمت میں حاضر ہوا اس نے عرض کی : یا رسول اللہ صلی اللہ علیہ وسلم! میں چار یا پانچ ماہ تک ریگستان میں رہتا ہوں ہمارے درمیان نفاس والی عورتیں حیض والی عورتیں اور جنبی لوگ ہوتے ہیں تو اس بارے میں آپ صلی اللہ علیہ وسلم کی کیا رائے ہے؟ نبی اکرم صلی اللہ علیہ وسلم نے ارشادفرمایا: تم پرمٹی استعمال کرنا لازم ہے ۔یہ روایت امام احمد اور امام ابویعلی نے نقل کی ہے انہوں نے اس میں یہ الفاظ نقل کئے ہیں تم پرز مین لازم ہے۔یہ روایت امام طبرانی نے معجم اوسط میں نقل کی ہے اس کی سند میں ایک راوی مثنی بن صالح نے اکثر حضرات نے اسے ضعیف قرار دیا ہے عیاش نے یحییٰ بن معین کے حوالے سے اس کی توثیق نقل کی ہے معاویہ بن صالح نے یحییٰ بن معین کے حوالے سے یہ روایت نقل کی ہے: یہ ضعیف ہے لیکن اس کی حدیث کو نوٹ کیا جائے گا اسے ترک نہیں کیا جائے گا۔

جَاءَ اَعْرَابِیٌّ اِلَی النَّبِیِّ فَقَالَ ← وعن ابي هريرة

1408 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «الصَّعِيدُ وَضُوءُ الْمُسْلِمِ وَإِنْ لَمْ يَجِدِ الْمَاءَ عَشْرَ سِنِينَ، فَإِذَا وَجَدَ الْمَاءَ فَلْيَتَّقِ اللَّهَ وَلْيُمِسَّهُ بَشَرَهُ، فَإِنَّ ذَلِكَ خَيْرٌ» ". رَوَاهُ الْبَزَّارُ وَقَالَ: لَا نَعْلَمُهُ يُرْوَى عَنْ أَبِي هُرَيْرَةَ إِلَّا مِنْ هَذَا الْوَجْهِ. قُلْتُ: وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا ہے: مٹی مسلمان کے وضو کا ذریعہ ہے خواہ اسے کئی سال تک پانی نہ ملے جب اسے پانی مل جا ئے تو وہ اللہ تعالی سے ڈرے اور اس کو اپنے جسم پر استعمال کرلے یہ زیادہ بہتر ہوگا۔یہ روایت امام بزار نے نقل کی ہے وہ فرماتے ہیں: اس روایت کے بارے میں ہمارے علم کے مطابق یہ روایت حضرت ابو ہر یرہ رضی اللہ عنہ کے حوالے سے صرف اسی سند کے ساتھ منقول ہے۔ علامہ ہیثمی رضی اللہ عنہ فرماتے ہیں میں یہ کہتا ہوں: اس کے رجال"صحیح "کے رجال ہیں۔

أَبِي هُرَيْرَةَ،

1409 - وَعَنِ ابْنِ عُمَرَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أُعْطِيتُ خَمْسًا لَمْ يُعْطَهُنَّ نَبِيٌّ قَبْلِي، بُعِثْتُ إِلَى النَّاسِ كَافَّةً ; الْأَحْمَرِ وَالْأَسْوَدِ، وَنُصِرْتُ بِالرُّعْبِ، يُرْعَبُ مِنِّي عَدُوِّي عَلَى مَسِيرَةِ شَهْرٍ، وَأُطْعِمْتُ الْمَغْنَمَ، وَجُعِلَتْ لِي الْأَرْضُ مَسْجِدًا وَطَهُورًا، وَأُعْطِيتُ الشَّفَاعَةَ، فَأَخَّرْتُهَا لِأُمَّتِي يَوْمَ الْقِيَامَةِ» ". رَوَاهُ الْبَزَّارُ وَالطَّبَرَانِيُّ وَزَادَ: " «وَكَانَ كُلُّ نَبِيٍّ يُبْعَثُ إِلَى قَرْيَتِهِ» "، وَفِيهِ إِبْرَاهِيمُ بْنُ إِسْمَاعِيلَ بْنِ يَحْيَى بْنِ كُهَيْلٍ، وَهُوَ ضَعِيفٌ، وَذَكَرَهُ ابْنُ حِبَّانَ فِي الثِّقَاتِ وَقَالَ: فِي رِوَايَتِهِ عَنْ أَبِيهِ بَعْضُ الْمَنَاكِيرِ.

حضرت عبداللہ بن عمر رضی اللہ عنہ روایت کرتے ہیں: نبی اکرم صلی اللہ علیہ وسلم نے ارشادفرمایا:"مجھے پانچ چیزیں عطا کی گئی ہیں جو مجھ سے پہلے کسی نبی کو نہیں دی گئی ہیں مجھے تمام بنی نوع انسان ہر سرخ فام (یعنی سفید فام اور سیاہ فام )کی طرف مبعوث کیا گیا اور رعب کے ذریے میری مددکی گئی ایک ماہ کی مسافت سے میرا دشمن مجھ سے مرعوب ہوجاتا ہے میرے لیے مال غنیمت کو حلال قرار دیا گیا میرے لیے تمام روئے زمین کو نماز کی جگہ اور طہارت کے حصول کا ذریعہ قراردیا گیا مجھے شفاعت عطا کی گئی تو میں نے قیامت کے دن اپنی امت کے لئے اسے موخر کر دیا (یعنی سنبھال کر رکھ لیا)یہ روایت امام بزار اور امام طبرانی نے نقل کی ہے انہوں نے یہ الفاظ نقل کیے ہیں:”ہرنبی کو اس کی بستی کی طرف مبعوث کیا گیا اس روایت کی سند میں ایک راوی ابراہیم بن اسماعیل بن یحییٰ بن کہیل ہے اور وہ ضعیف ہے ابن حبان نے اس کا تذکرہ کتاب الثقات‘‘ میں کیا ہے وہ فرماتے ہیں: اس نے اپنے باپ سے جو روایات نقل کی ہیں ان میں کچھ منکر ہیں۔

ابْنِ عُمَرَ

1410 - وَعَنْ أَبِي هُرَيْرَةَ قَالَ: «كَانَ أَبُو ذَرٍّ فِي غُنَيْمَةٍ لَهُ بِالْمَدِينَةِ، فَلَمَّا جَاءَ قَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ -: " يَا أَبَا ذَرٍّ "، فَسَكَتَ، فَرَدَّدَهَا عَلَيْهِ فَسَكَتَ، فَقَالَ: " يَا أَبَا ذَرٍّ، ثَكِلَتْكَ أُمُّكَ! ". قَالَ: إِنِّي جَنُبْتُ، فَدَعَا لَهُ الْجَارِيَةَ بِمَاءٍ فَجَاءَتْ بِهِ، فَاسْتَتَرَ بِرَاحِلَتِهِ فَاغْتَسَلَ، ثُمَّ أَتَى النَّبِيَّ - صَلَّى اللَّهُ عَلَيْهِ وَسَلَّمَ - فَقَالَ لَهُ النَّبِيُّ - صَلَّى اللَّهُ عَلَيْهِ وَسَلَّمَ: " يُجْزِئُكَ الصَّعِيدُ وَلَوْ لَمْ تَجِدِ الْمَاءَ عِشْرِينَ سَنَةً، فَإِذَا وَجَدْتَ الْمَاءَ فَأَمِسَّهُ جِلْدَكَ». رَوَاهُ الطَّبَرَانِيُّ فِي الْأَوْسَطِ، وَرِجَالُهُ رِجَالُ الصَّحِيحِ.

حضرت ابو ہریرہ رضی اللہ عنہ بیان کرتے ہیں: حضرت ابوذر غفاری رضی اللہ عنہ مد ینہ منورہ میں اپنی بکریوں میں تھے جب وہ آئے تو نبی اکرم صلی اللہ علیہ وسلم نے ان سے فرمایا: اے ابوذر! وہ خاموش رہے نبی اکرم صلی اللہ علیہ وسلم نے دوبارہ بلایا تو وہ خاموش رہنے نبی اکرم صلی اللہ علیہ وسلم نے فرمایا : اے ابوذر! تمہاری ماں تمہیں روئے انہوں نے عرض کی : میں جنبی ہوں تو نبی اکرم صلی اللہ علیہ وسلم نے کنیز کو ان کے لیے پانی لانے کا حکم دیا وہ پانی لے کر آئی، حضرت ابوذر غفاری رضی اللہ عنہ نے اپنی سواری کی اوٹ میں غسل کیا، پھر وہ نبی اکرم صلی اللہ علیہ وسلم کی خدمت میں حاضر ہوئے تو نبی اکرم صلی اللہ علیہ وسلم نے ان سے فرمایا: مٹی تمہارے لیے کفایت کر جائے گی خواہ تمہیں بیس سال تک پانی نہ ملے اور جب تمہیں پانی مل جائے تو اسے اپنی جلد سے مس کر لیں (یعنی اس کے ساتھ غسل کر لینا)۔ یہ روایت امام طبرانی نے معجم اوسط میں نقل کی ہے اور اس کے رجالی"صحیح "کے رجال ہیں۔

أَبِي هُرَيْرَةَ،

1411 - وَعَنِ الْأَسْلَعِ بْنِ شَرِيكٍ قَالَ: «كُنْتُ أُرَحِّلُ نَاقَةَ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَأَصَابَتْنِي جَنَابَةٌ فِي لَيْلَةٍ بَارِدَةٍ، وَأَرَادَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - الرِّحْلَةَ، فَكَرِهْتُ أَنْ أُرَحِّلَ نَاقَتَهُ وَأَنَا جُنُبٌ، وَخَشِيتُ أَنْ أَغْتَسِلَ بِالْمَاءِ الْبَارِدِ فَأَمُوتَ أَوْ أَمْرَضَ، فَأَمَرْتُ رَجُلًا مِنَ الْأَنْصَارِ فَرَحَّلَهَا، وَوَضَعْتُ أَحْجَارًا فَأَسْخَنْتُ بِهَا مَاءً، فَاغْتَسَلْتُ ثُمَّ لَحِقْتُ بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - وَأَصْحَابِهِ، فَقَالَ: " يَا أَسْلَعُ، مَا لِي أَرَى رَاحِلَتَكَ تَغَيَّرَتْ؟ " فَقُلْتُ: يَا رَسُولَ اللَّهِ، لَمْ أُرَحِّلْهَا، رَحَّلَهَا رَجُلٌ مِنَ الْأَنْصَارِ. قَالَ: " وَلِمَ؟ " قُلْتُ: إِنِّي أَصَابَتْنِي جَنَابَةٌ، فَخَشِيتُ الْقُرَّ عَلَى نَفْسِي فَأَمَرْتُهُ أَنْ يُرَحِّلَهَا، وَوَضَعْتُ أَحْجَارًا، فَأَسْخَنْتُ بِهَا مَاءً فَاغْتَسَلْتُ بِهِ، فَأَنْزَلَ اللَّهُ - عَزَّ وَجَلَّ - {يَا أَيُّهَا الَّذِينَ آمَنُوا لَا تَقْرَبُوا الصَّلَاةَ وَأَنْتُمْ سُكَارَى} [النساء: 43] إِلَى {إِنَّ اللَّهَ كَانَ عَفُوًّا غَفُورًا} [النساء: 43]». رَوَاهُ الطَّبَرَانِيُّ فِي الْكَبِيرِ، وَفِيهِ الْهَيْثَمُ بْنُ ذُرَيْقٍ. قَالَ بَعْضُهُمْ: لَا يُتَابَعُ عَلَى حَدِيثِهِ.

حضرت اسلع بن شریک رضی اللہ عنہ بیان کرتے ہیں : میں نبی اکرم صلی اللہ علیہ وسلم کی اونٹنی پر رکھنے کے لیے پلان تیار کیا کرتا تھا۔ ایک سرد رات میں مجھے جنابت لاحق ہوئی نبی اکرم صلی اللہ علیہ وسلم نے روانگی کا ارادہ کیا تو مجھے یہ اچھا نہیں لگا کہ میں آپ صلی اللہ علیہ وسلم کی اوٹنی کا پالان تیار کروں جبکہ میں جنابت کی حالت میں ہوں، مجھے یہ بھی اندیشہ ہوا کہ اگر میں ٹھنڈے پانی کے ساتھ غسل کر لیتا ہوں تو میں مر جاؤں گا یا بیمار ہو جاؤں گا میں نے انصار سے تعلق رکھنے والے ایک شخص کو یہ ہدایت کی تو اس نے نبی اکرم صلی اللہ علیہ وسلم کے لیے پالان تیار کر دیا میں نے پتھررکھے ان کے ذریے پانی گرم کیا غسل کیا اور پھر نبی اکرم صلی اللہ علیہ وسلم اور آپ صلی اللہ علیہ وسلم کے اصحاب کے ساتھ آ کر مل گیا۔ نبی اکرم صلی اللہ علیہ وسلم نے ارشادفرمایا: اے اسلع کیا وجہ ہے؟ مجھے تمہارا تیار کیا ہوا پایان کچھ مختلف لگ رہا ہے ؟ میں نے عرض کی: یا رسول اللہ صلی اللہ علیہ وسلم! میں نے اسے تیارنہیں کیا ہے انصار سے تعلق رکھنے والے ایک شخص نے اسے تیار کیا ہے نبی اکرم صلی اللہ علیہ وسلم نے دریافت کیا: وہ کیوں؟ میں نے عرض کی : مجھے جنابت لاحق ہوگئی تھی مجھے اپنی ذات کے بارے میں کا اندیشہ ہوا تو میں نے اس شخص کو یہ ہدایت کی کہ وہ پالان تیار کر د ے پھر میں نے پتھر رکھ کر پانی گرم کیا اور اس کے ذریعہ غسل کیا۔راوی بیان کرتے ہیں ، تو الله تعالی نے یہ آیت نازل کردی:اے ایمان والو!جب تم نشے کی حالت میں ہو تو نماز کے قریب نہ جاؤ؟ یہ آیت یہاں تک ہے: بے شک اللہ تعالی معاف کرنے والا اور مغفرت کرنے والا ہےیہ روایت امام طبرانی نے معجم کبیر میں نقل کی ہے اس کی سند میں ایک راوی ہیثم بن زریق ہے بعض حضرات نے یہ کہا ہے: اس کی نقل کردہ حدیث کی متابعت نہیں کی جاتی ہے۔

الأسلع بن شريك