Majma uz Zawaid Wa Manba ul Fawaid

1316 - «وَعَنْ أَنَسِ بْنِ مَالِكٍ قَالَ: كُنْتُ أَنَا وَأُمِّي وَأَبُو طَلْحَةَ جُلُوسًا، فَأَكَلْنَا لَحْمًا وَخُبْزًا ثُمَّ دَعَوْتُ بِوَضُوءٍ، فَقَالَا: لِمَ نَتَوَضَّأُ؟ فَقُلْتُ: لِهَذَا الطَّعَامِ الَّذِي أَكَلْنَا، فَقَالَا: أَنَتَوَضَّأُ مِنَ الطَّيِّبَاتِ؟ لَمْ يَتَوَضَّأْ مِنْهُ مَنْ هُوَ خَيْرٌ مِنْكَ». رَوَاهُ أَحْمَدُ، وَرِجَالُهُ ثِقَاتٌ.

حضرت انس بن مالک رضی اللہ عنہ بیان کرتے ہیں: میں میری والدہ( سیدہ ام سلیم رضی اللہ عنہ) اور حضرت ابوطلحہ رضی اللہ عنہ بیٹھے ہم نے گوشت اور روٹی کھایا پھر میں نے وضو کاپانی منگوایا تو ان دونوں نے کہا: ہم کیوں وضوکریں؟ میں نے کہا: اس کھانے کی وجہ سے جو ہم نے کھایا ہے ان دونوں نے کہا: کیا ہم پاکیزہ چیز کی وجہ سے وضو کریں گے؟ اس کی وجہ سے اس ہستی (یعنی نبی اکرم صلی اللہ علیہ وسلم ) نے وضو نہیں کیا جو تم سے بہترتھی۔یہ روایت امام احمد نقل کی ہے اور اس کے رجال ثقہ ہیں۔

لِمَ نَتَوَضَّأُ؟ فَقُلْتُ: لِهَذَا الطَّعَامِ الَّذِي أَكَلْنَا، ← وَأُمِّي وَأَبُو طَلْحَةَ جُلُوسًا، فَأَكَلْنَا لَحْمًا وَخُبْزًا ثُمَّ دَعَوْتُ بِوَضُوءٍ، ← كُنْتُ ← اَنَسِ بْنِ مَالِکٍ،

1317 - وَعَنْ أَبِي بَكْرٍ الصِّدِّيقِ - رَضِيَ اللَّهُ عَنْهُ - قَالَ: «إِنَّ النَّبِيَّ - صَلَّى اللَّهُ عَلَيْهِ وَسَلَّمَ - نَهَشَ مِنْ كَتِفٍ ثُمَّ صَلَّى وَلَمْ يَتَوَضَّأْ». رَوَاهُ أَبُو يَعْلَى وَالْبَزَّارُ، وَفِيهِ حُسَامُ بْنُ مِصَكٍّ، وَقَدْ أَجْمَعُوا عَلَى ضَعْفِهِ.

حضرت ابوبکر صدیق رضی اللہ عنہ بیان کرتے ہیں: ایک مرتبہ نبی اکرم صلی اللہ علیہ وسلم نے( جانور کے ) کندھے کا گوشت کھایا اور پھر نماز ادا کر لی اور دوبارہ وضونہیں کیا۔یہ روایت امام ابویعلی اور امام بزار نے نقل کی ہے اس کی سند میں ایک راوی حسن بن مصک ہے اس کے ضعیف ہونے پر محدثین کا اتفاق ہے۔

أَبِي بَكْرٍ الصِّدِّيقِ:

1318 - وَعَنْ عَلِيٍّ - يَعْنِي ابْنَ أَبِي طَالِبٍ - قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - يَأْكُلُ الثَّرِيدَ وَيَشْرَبُ اللَّبَنَ، وَيُصَلِّي وَلَا يَتَوَضَّأُ». رَوَاهُ أَبُو يَعْلَى، وَفِيهِ عَبْدُ الْأَعْلَى بْنُ عَامِرٍ، ضَعَّفَهُ أَحْمَدُ وَأَبُو حَاتِمٍ، وَقَالَ ابْنُ عَدِيٍّ: حَدَّثَ عَنْهُ الثِّقَاتُ، وَبَقِيَّةُ رِجَالِهِ رِجَالُ الصَّحِيحِ.

حضرت علی بن ابوطالب رضی اللہ عنہ بیان کرتے ہیں: نبی اکرم صلی اللہ علیہ وسلم ثرید کھا لیتے تھے دودھ پی لیتے تھے اور دوبارہ وضو کیے بغیر نماز ادا کر لیتے تھے۔یہ روایت امام ابو یعلی نے نقل کی ہے اس کی سند میں ایک راوی عبد الا علیٰ بن عامر ہے جسے امام احمد اور ابوحاتم نے "ضعیف" قرار دیا ہے ابن عدی کہتے ہیں: ثقہ راویوں نے اس سے حدیث روایت کی ہے اس روایت کے بقیہ رجال "صحیح " کے رجال ہیں۔

عَلِيٍّ يَعْنِي ابْنَ أَبِي طَالِبٍ

1319 - وَعَنْ أَبِي هُرَيْرَةَ قَالَ: «نَشَلْتُ لِرَسُولِ اللَّهِ - صَلَّى اللَّهُ عَلَيْهِ وَسَلَّمَ - كَتِفًا مِنْ قِدْرِ الْعَبَّاسِ، فَأَكَلَهَا وَقَامَ يُصَلِّي وَلَمْ يَتَوَضَّأْ». رَوَاهُ أَبُو يَعْلَى، وَفِيهِ مُحَمَّدُ بْنُ عَمْرِو بْنِ أَبِي سَلَمَةَ، وَهُوَ حَدِيثٌ حَسَنٌ.

حضرت ابو ہر یرہ رضی اللہ عنہ بیان کرتے ہیں: ہم نے حضرت عباس رضی اللہ عنہ کی ہنڈیا میں سے کندھے کا گوشت نبی اکرم صلی اللہ علیہ وسلم کے لیے نکالا آپ صلی اللہ علیہ وسلم نے اسے کھا یا پھر دوبارہ وضو کے بغیر نماز ادا کرلی۔یہ روایت امام ابویعلی نے نقل کی ہے اس کی سند میں ایک راوی محمد بن عمرو بن ابوسلمہ ہے اور اور یہ حدیث حسن ہے۔

أَبِي هُرَيْرَةَ،

1320 - وَعَنْ أَبِي هُرَيْرَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - تَوَضَّأَ مِنْ أَثْوَارِ أَقِطٍ، ثُمَّ أَكَلَ كَتِفَ شَاةٍ، ثُمَّ صَلَّى وَلَمْ يَتَوَضَّأْ». رَوَاهُ الْبَزَّارُ، وَهُوَ فِي الصَّحِيحِ خَلَا قَوْلَهُ: ثُمَّ أَكَلَ كَتِفَ شَاةٍ ثُمَّ صَلَّى وَلَمْ يَتَوَضَّأْ. وَرِجَالُهُ رِجَالُ الصَّحِيحِ خَلَا شَيْخَ الْبَزَّارِ.

حضرت ابو ہر یرہ رضی اللہ عنہ بیان کرتے ہیں: نبی اکرم صلی اللہ علیہ وسلم نے پنیر کے ٹکڑےکھانے کے بعد وضو کیا پھر آپ صلی اللہ علیہ وسلم نے بکری کے کندھے کا گوشت کھایا اور دوبارہ وضو کے بغیر نماز ادا کر لی۔یہ روایت امام بزار نے نقل کی ہے یہ "صحیح "میں بھی منقول ہے تاہم اس میں یہ الفاظ نہیں ہیں :” پھر آپ صلی اللہ علیہ وسلم نے بکری کے کندھے کا گوشت کھایا اور دوبارہ وضو کیے بغیر نماز ادا کرلی‘‘امام بزار کے استاد کے علاوہ اس روایت کے تمام رجا ل "صحیح " کے رجال ہیں۔

أَبِي هُرَيْرَةَ،

1321 - وَعَنْ رَجُلٍ، «عَنْ مُعَاوِيَةَ أَنَّهُ رَأَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَكَلَ لَبَنًا، ثُمَّ صَلَّى وَلَمْ يَتَوَضَّأْ». رَوَاهُ أَبُو يَعْلَى، وَفِيهِ رَجُلٌ لَمْ يُسَمَّ.

ایک شخص نے حضرت معاویہ رضی اللہ عنہ کے حوالے سے یہ بات نقل کی ہے۔ انہوں نے نبی اکرم صلی اللہ علیہ وسلم کو دیکھا آپ صلی اللہ علیہ وسلم نے دودھ پیا اور پھر دوبارہ وضو کے بغیر نماز ادا کر لی۔یہ روایت امام ابویعلی نے نقل کی ہے اس کی سند میں ایک راوی ایسا ہے جس کا نام بیان نہیں کیا گیا ہے۔

رَجُلٌ:

1322 - وَعَنْ أَبِي أُمَامَةَ الْبَاهِلِيِّ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ يَقُولُ لِأَصْحَابِهِ: " إِذَا كَانَ أَحَدُكُمْ عَلَى وُضُوءٍ، فَأَكَلَ طَعَامًا - لَا يَتَوَضَّأُ مِنْهُ، إِلَّا أَنْ يَكُونَ لَبَنَ الْإِبِلِ، إِذَا شَرِبْتُمُوهُ فَتَمَضْمَضُوا بِالْمَاءِ» ". رَوَاهُ الطَّبَرَانِيُّ فِي الْكَبِيرِ، وَرِجَالُهُ لَمْ أَرَ مَنْ تَرْجَمَ أَحَدًا مِنْهُمْ.

حضرت ابوامامہ باہلی رضی اللہ عنہ بیان کرتے ہیں: نبی اکرم صلی اللہ علیہ وسلم نے اپنے اصحاب سے یہ فرمایا: جب کوئی شخص باوضو ہو اور پھر کھانا کھائے تو وہ اس کے بعد دوبارہ وضو نہ کرے البتہ اونٹ کے دودھ کا معاملہ مختلف ہے جب تم سے پیو گے تو بعد میں پانی کے ذریے کلی کرلو!یہ روایت امام طبرانی نے معجم کبیر میں نقل کی ہے اور اس کے رجال ایسے ہیں کہ میں نے کسی کو ان میں سے کسی ایک کا ذکر کرتے ہوئے نہیں دیکھا ہے۔

أَبِي أُمَامَةَ الْبَاهِلِيِّ،

1323 - وَعَنْ أَبِي أُمَامَةَ الْبَاهِلِيِّ قَالَ: «كَانَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - لَا يَتَوَضَّأُ مِمَّا مَسَّتِ النَّارُ». رَوَاهُ الطَّبَرَانِيُّ فِي الْكَبِيرِ، وَفِيهِ مُحَمَّدُ بْنُ سَعِيدٍ الْمَصْلُوبُ، وَهُوَ كَذَّابٌ.

حضرت ابوامامہ باہلی رضی اللہ عنہ بیان کرتے ہیں: نبی اکرم صلی اللہ علیہ وسلم آگ پر پکی ہوئی چیز کھانے کے بعد دوبارہ وضو نہیں کرتے تھے۔یہ روایت امام طبرانی نے معجم کبیر میں نقل کی ہے اور اس کی سند میں ایک راوی محمد بن سعیدمصلوب ہے اور وہ کذاب ہے۔

فِيهِ مُحَمَّدُ بْنُ سَعِيدٍ الْمَصْلُوبُ، وَهُوَ كَذَّابٌ. ← «كَانَ رَسُولُ اللَّهِ لَا يَتَوَضَّأُ مِمَّا مَسَّتِ النَّارُ». رَوَاهُ الطَّبَرَانِيُّ فِي الْكَبِيرِ، ← أَبِي أُمَامَةَ الْبَاهِلِيِّ،

1324 - وَعَنْ أَبِي أُمَامَةَ قَالَ: «دَخَلَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى صَفِيَّةَ بِنْتِ عَبْدِ الْمُطَّلِبِ فَغَرَفَتْ لَهُ - أَوْ قَرَّبَتْ لَهُ - عَرْقًا، فَوَضَعَتْهُ بَيْنَ يَدَيْهِ، ثُمَّ غَرَفَتْ أَوْ قَرَّبَتْ آخَرَ، فَوَضَعَتْهُ بَيْنَ يَدَيْهِ فَأَكَلَ، ثُمَّ أَتَى الْمُؤَذِّنُ فَقَالَ: الْوُضُوءَ الْوُضُوءَ، فَقَالَ: " إِنَّمَا الْوُضُوءُ عَلَيْنَا مِمَّا خَرَجَ، وَلَيْسَ عَلَيْنَا مِمَّا يَدْخُلُ» ". رَوَاهُ الطَّبَرَانِيُّ فِي الْكَبِيرِ، وَفِيهِ عُبَيْدُ اللَّهِ بْنُ زَحْرٍ عَنْ عَلِيِّ بْنِ يَزِيدَ، وَهُمَا ضَعِيفَانِ لَا يَحِلُّ الِاحْتِجَاجُ بِهِمَا.

حضرت ابو امامہ بابلی رضی اللہ عنہ بیان کرتے ہیں: نبی اکرم صلی اللہ علیہ وسلم سیدہ صفیہ بنت عبد المطلب رضی اللہ عنہ کے پاس تشریف لائے تو انہوں نے ہڈی والا گوشت آپ صلی اللہ علیہ وسلم کی خدمت میں پیش کیا وہ انہوں نے آپ صلی اللہ علیہ وسلم کے سامنے رکھا پھر مزید پیش کیا اور آپ صلی اللہ علیہ وسلم کے سامنے رکھا نبی اکرم صلی اللہ علیہ وسلم نے اسے کھا لیا، پھر مؤذن آیا توس نے کہا: آپ صلی اللہ علیہ وسلم وضو کرلیں، آپ صلی اللہ علیہ وسلم وضو کر لیں، نبی اکرم صلی اللہ علیہ وسلم نے ارشاد فر مایا : ہم پر وضو کرنا اس چیز کے حوالے سے لازم ہوتا ہے جو (جسم میں اندر سے) باہر آتی ہے اس چیز کی وجہ سے لازم نہیں ہوتا جو باہر سے جسم کے اندر جاتی ہے۔یہ روایت امام طبرانی نے معجم کبیر میں نقل کی ہے اس کی سند میں یہ مذکور ہے: اسے عبیداللہ بن زحر نے علی بن یزید سے نقل کیا ہے کہ دونوں راوی ضعیف ہیں اور ان دونوں سے استدلال کرنا جائز نہیں ہے۔

اَبِیْ اُمَامَۃَ،

1325 - وَعَنْ رَافِعِ بْنِ خَدِيجٍ قَالَ: «رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - أَكَلَ ذِرَاعًا، فَلَمَّا فَرَغَ أَمَرَّ أَصَابِعَهُ عَلَى الْجِدَارِ، ثُمَّ صَلَّى الْعَصْرَ وَالْمَغْرِبَ وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ، وَفِيهِ عَمْرُو بْنُ قَيْسٍ الْمَكِّيُّ عَنْ إِبْرَاهِيمَ بْنِ مُحَمَّدِ بْنِ خَالِدِ بْنِ الزُّبَيْرِ، وَلَمْ أَرَ مَنْ تَرْجَمَهُمَا، وَلَهُ طَرِيقٌ آخَرُ، وَفِيهِ الْوَاقِدِيُّ، وَهُوَ كَذَّابٌ.

حضرت رافع بن خدیج رضی اللہ عنہ بیان کرتے ہیں: میں نے نبی اکرم صلی اللہ علیہ وسلم کو دیکھا آپ نے دستی کا گوشت کھایا جب آپ صلی اللہ علیہ وسلم فارغ ہوئے تو آپ صلی اللہ علیہ وسلم نے اپنی انگلیاں دیوار پر پھیر لیں، پھر آپ صلی اللہ علیہ وسلم نے دوبارہ وضو کے بغیر عصر اور مغرب کی نماز یں ادا کیں۔یہ روایت امام طبرانی نے معجم کبیر میں نقل کی ہے اس کی سند میں یہ مذکور ہے:اے عمرو بن قیس مکی نے ابراہیم بن محمد بن خالد بن زبیر سے نقل کیا ہے میں نے کسی کو ان دونوں کے حالات بیان کرتے ہوئے نہیں دیکھا ہے یہ روایت ایک اور سند کے ساتھ کبھی منقول ہے جس میں ایک راوی واقدی ہے اور وہ کذاب ہے۔

رَافِعِ بْنِ خَدِيجٍ

1326 - وَعَنِ الْحَسَنِ بْنِ عَلِيٍّ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - مَرَّ بِهِ وَفِي يَدِهِ عَرْقٌ يَتَعَرَّقُ مِنْهُ. قَالَ: فَتَنَاوَلَهُ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَنَهَشَ مِنْهُ نَهْشَةً أَوْ نَهْشَتَيْنِ، ثُمَّ صَلَّى وَلَمْ يَتَوَضَّأْ». رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ إِسْحَاقَ، وَهُوَ ثِقَةٌ مُدَلِّسٌ وَلَكِنَّهُ عَنْعَنَهُ.

حضرت امام حسن بن علی رضی اللہ عنہ بیان کرتے ہیں: ایک مرتبہ نبی اکرم صلی اللہ علیہ وسلم ان کے پاس سے گزرے ان کے ہاتھ میں ہڈی والا گوشت تھا جس میں سے وہ کھارہے تھے نبی اکرم صلی اللہ علیہ وسلم نے اسے لیا اور اس میں سے ایک یا دو مرتبہ کھا یا پھر آپ صلی اللہ علیہ وسلم نے دوبارہ وضو کے بغیر نماز ادا کرلی یہ روایت امام طبرانی نے معجم کبیر میں نقل کی ہے اس کی سند میں ایک راوی ابن اسحاق ہے وہ ثقہ ہے لیکن تدلیس کرنے والا ہے اور یہ روایت اس نے عنعنہ‘‘ کے ساتھ نقل کی ہے۔

الْحَسَنُ بْنُ عَلِيٍّ

1327 - «وَعَنِ الْحَسَنِ بْنِ عَلِيٍّ أَيْضًا أَنَّهُ دَخَلَ عَلَى رَسُولِ اللَّهِ - صَلَّى اللَّهُ عَلَيْهِ وَسَلَّمَ - فِي بَيْتِ فَاطِمَةَ، فَنَاوَلَتْهُ كَتِفَ شَاةٍ مَطْبُوخَةٍ فَأَكَلَهَا، ثُمَّ قَامَ يُصَلِّي فَأَخَذَتْ ثِيَابَهُ، فَقَالَتْ: أَلَا تَوَضَّأُ يَا رَسُولَ اللَّهِ؟ قَالَ: " مِمَّ يَا بُنَيَّةُ؟ " قَالَتْ: قَدْ أَكَلْتَ مِمَّا مَسَّتْهُ النَّارُ. قَالَ: " إِنَّ أَطْهَرَ طَعَامِكُمْ لَمَا مَسَّتْهُ النَّارُ» ". رَوَاهُ الطَّبَرَانِيُّ فِي الْكَبِيرِ، وَفِيهِ ابْنُ إِسْحَاقَ، وَهُوَ مُدَلِّسٌ ثِقَةٌ.

حضرت امام حسن بن علی رضی اللہ عنہ کے حوالے سے یہ بات منقول ہے: ایک مرتبہ وہ سیدہ فاطمہ رضی اللہ عنہ کے گھر میں نبی اکرم صلی اللہ علیہ وسلم کے پاس آئے سیده فاطمہ رضی اللہ عنہ نے نبی اکرم صلی اللہ علیہ وسلم کی خدمت میں بکری کے شانے کا پکا ہوا گوشت پیش کیا، نبی اکرم صلی اللہ علیہ وسلم نے اسے کھا لیا پھر آپ صلی اللہ علیہ وسلم نماز ادا کرنے لگے تو سیدہ فاطمہ رضی اللہ عنہ نے آپ صلی اللہ علیہ وسلم کا کپڑا پکڑ لیا اور عرض کی: یا رسول اللہ صلی اللہ علیہ وسلم؟ کیا آپ صلی اللہ علیہ وسلم وضو نہیں کریں گے؟ نبی اکرم صلی اللہ علیہ وسلم نے دریافت کیا: اے میری بیٹی ! کس وجہ سے؟ انہوں نے عرض کی : آپ صلی اللہ علیہ وسلم نے آگ پر پکی ہوئی چیز کھائی ہے نبی اکرم صلی اللہ علیہ وسلم نے ارشادفرمایا: تمہارےکھانے میں سب سے زیادہ پاکیزہ وہ ( کھانا ) ہوتا ہے جو آگ پر پکا ہو۔ اس روایت کو امام طبرانی نے معجم کبیر میں نقل کیا ہے اس کی سند میں ایک راوی ابن اسحاق ہے وہ تدلیس کرنے والا ہے،لیکن ثقہ ہے۔

أَلَا تَوَضَّأُ