Majma uz Zawaid Wa Manba ul Fawaid

1196 - وَعَنْ أَبِي مُوسَى، «عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " الْأُذُنَانِ مِنَ الرَّأْسِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ أَشْعَثُ بْنُ سَوَّارٍ، وَهُوَ ضَعِيفٌ.

حضرت ابو موسیٰ اشعری رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " دونوں کان ' سر کا حصہ ہیں (یعنی سر کی طرح ان کا بھی مسح کیا جائے گا)"۔ یہ روایت امام طبرانی نے معجم اوسط میں نقل کی ہے ' اس کی سند میں ایک راوی اشعث بن سوار ہے اور وہ ضعیف ہے۔

النَّبِيِّ ← اَبِیْ مُوْسیٰ

1197 - وَعَنْ عُمَرَ بْنِ أَبَانَ بْنِ مُفَضَّلٍ الْمَدَنِيِّ قَالَ: «أَرَانِي أَنَسُ بْنُ مَالِكٍ الْوُضُوءَ، أَخَذَ رِكْوَةً فَوَضَعَهَا عَنْ يَسَارِهِ، وَصَبَّ عَلَى يَدِهِ الْيُمْنَى فَغَسَلَهَا ثَلَاثًا، ثُمَّ أَدَارَ الرِّكْوَةَ عَلَى يَدِهِ الْيُمْنَى فَغَسَلَهَا ثَلَاثًا، فَمَسَحَ بِرَأْسِهِ ثَلَاثًا، وَأَخَذَ مَاءً جَدِيدًا لِصِمَاخِهِ فَمَسَحَ صِمَاخَهُ، فَقُلْتُ: قَدْ مَسَحْتَ أُذُنَيْكَ! فَقَالَ: يَا غُلَامُ، إِنَّهُمَا مِنَ الرَّأْسِ، لَيْسَ هُمَا مِنَ الْوَجْهِ، ثُمَّ قَالَ: يَا غُلَامُ، هَلْ رَأَيْتَ؟ وَهَلْ فَهِمْتَ؟ (أَوْ أُعِيدُ عَلَيْكَ؟ فَقُلْتُ: قَدْ كَفَانِي وَقَدْ فَهِمْتُ) قَالَ: هَكَذَا رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَتَوَضَّأُ». رَوَاهُ الطَّبَرَانِيُّ فِي الْأَوْسَطِ وَالصَّغِيرِ، قَالَ الذَّهَبِيُّ: وَعُمَرُ بْنُ أَبَانَ لَا يُدْرَى مَنْ هُوَ. قُلْتُ: ذَكَرَهُ ابْنُ حِبَّانَ فِي الثِّقَاتِ.

عمر بن ابان بن مفضل مدنی بیان کرتےہیں: حضرت انس بن مالک رضی اللہ تعالیٰ عنہ نے مجھے وضو کر کے دکھایا' انہوں نے پانی کا برتن لے کر اپنے بائیں طرف رکھا اور پھر اپنے دائیں ہاتھ پر پانی ڈال کر اسے تین مرتبہ دھویا ' پھر انہوں نے برتن کھما کر دائیں طرف رکھا اور اسے تین مرتبہ دھویا' پھر انہوں نے اپنے سر کا تین مرتبہ مسح کیا' کانوں کے لیے انہوں نے نئے سرے سے پانی لے کر کان کا مسح کیا ' تو میں نے کہا: آپ نے تو کان کا بھی مسح کر لیا ہے ' تو انہوں نے فرمایا:اے لڑکے! یہ دونوں (کان) سر کا حصہ ہیں' چہرے کا حصہ نہیں ہیں (یعنی سر کی طرح ان کا بھی مسح کیا جائے گا' انہیں چہرے کے ساتھ دھویان نہیں جائے گا) پھر انہوں نے دریافت کیا ہے: اے لڑکے! کیا تم نے دیکھ لیا ہے؟کیا تم نے دیکھ لیا ہے؟یا میں تمہارے سامنے دہرادوں؟ تو میں نے کہا: میری کفایت ہو گئی ہے ' اور میں نے سمجھ لیا ہے ' تو انہوں نے فرمایا: میں نے اللہ کے رسول کو اسی طرح وضو کرتے ہوئے دیکھا ہے۔ یہ روایت امام طبرانی نے معجم اوسط اور معجم صغیر میں نقل کی ہے ' امام ذہبی فرماتے ہیں: عمر بن ابان نامی راوی کے بارے میں پتہ نہیں چل سکا کہ یہ کون ہے؟ (علامہ ہیثمی فرماتے ہیں: ) : میں یہ کہتا ہوں : ابن حبان نے اس کا تذکرہ کتاب "الثقات" میں کیا ہے ۔

عُمَرَ بْنِ أَبَانَ بْنِ مُفَضَّلٍ الْمَدَنِيِّ

1198 - عَنْ أَبِي أَيُّوبَ - يَعْنِي الْأَنْصَارِيَّ - وَعَنْ عَطَاءٍ قَالَا: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " حَبَّذَا الْمُتَخَلِّلُونَ مِنْ أُمَّتِي فِي الْوُضُوءِ وَالطَّعَامِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ.

حضرت ابو ایوب انصاری رضی اللہ تعالیٰ عنہ اور عطاء کے حوالے سے یہ روایت منقول ہے : نبی اکرم صلی اللہ علیہ وآلہ وسلم نے ارشاد فرمایا: " میری امت کے ان افراد کے کیا کہنے ' جو وضو اور کھانے میں خلال کرتے ہیں"۔ یہ روایت امام احمد نے اور امام طبرانی نےمعجم کبیر میں نقل کی ہے۔

عَطَاءٍ، ← أبي أيوب -يعني الأنصاريَّ-

1199 - وَلَهُ فِي الْكَبِيرِ أَيْضًا عَنْ أَبِي أَيُّوبَ وَحْدَهُ قَالَ: «خَرَجَ عَلَيْنَا رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَقَالَ: " حَبَّذَا الْمُتَخَلِّلُونَ مِنْ أُمَّتِي ". قَالُوا: وَمَا الْمُتَخَلِّلُونَ يَا رَسُولَ اللَّهِ؟ قَالَ: " الْمُتَخَلِّلُونَ بِالْوُضُوءِ، وَالْمُتَخَلِّلُونَ مِنَ الطَّعَامِ ; أَمَّا تَخْلِيلُ الْوُضُوءِ فَالْمَضْمَضَةُ وَالِاسْتِنْشَاقُ وَبَيْنَ الْأَصَابِعِ، وَأَمَّا تَخْلِيلُ الطَّعَامِ فَمِنَ الطَّعَامِ. إِنَّهُ لَيْسَ شَيْءٌ أَشَدَّ عَلَى الْمَلَكَيْنِ مِنْ أَنْ يَرَيَا بَيْنَ أَسْنَانِ صَاحِبِهِمَا طَعَامًا وَهُوَ قَائِمٌ يُصَلِّي» ". وَفِي إِسْنَادِهِمَا وَاصِلٌ الرَّقَاشِيُّ، وَهُوَ ضَعِيفٌ.

معجم کبیر میں 'صرف حضرت ابو ایوب انصاری رضی اللہ تعالیٰ عنہ کے حوالے سے یہ روایت منقول ہے : وہ بیان کرتے ہیں: " ایک مرتبہ نبی اکرم صلی اللہ علیہ وآلہ وسلم ہمارے پاس تشریف لائے ' اور ارشاد فرمایا: میری امت کے خلال کرنے والے افراد کے کیا کہنے ' لوگوں نے دریافت کیا: یا رسو ل اللہ! خلال کرنے والے افراد کون ہیں؟ نبی اکرم صلی اللہ علیہ وآلہ وسلم نے ارشاد فرمایا: وضو میں خلال کرنے والے اور کھانے کا خلال کرنے والے ' جہاں تک وضو کے خلال کا تعلق ہے' تو وہ کلی کرتے ہوئے ناک میں پانی ڈالتے ہوئے اور انگلیوں کے درمیان ہو گا' اور جہاں تک کھانے کا خلال کا تعلق ہے ' تو وہ کھانے کی چیز کے بارے میں ہو گا' کیونکہ (انسان کے ساتھ رہنے والے) دونوں فرشتوں کے لیے کوئی چیز اتنی زیادہ گراں نہیں ہوتی ' جتنی یہ ہوتی ہے کہ وہ دونوں (فرشتے) اپنے ساتھ والے شخص کے دانتوں کے درمیان میں ' کھانے کی کوئی چیز دیکھیں جبکہ وہ شخص کھڑا ہو ا نماز ادا کر رہا ہو"۔ ان دونوں روایا ت کی سند میں ایک راوی واصل رقاشی ہے اور وہ ضعیف ہے۔

وما المُتَخلَّلُون ← خرج علينا رسول الله فقال: "حبَّذا المُتَخلِّلُون من أُمُتي". ← أَبِي أَيُّوبَ وَحْدَهُ ← وَلَهُ فِي الْكَبِيرِ أَيْضًا

1200 - وَعَنْ أَنَسِ بْنِ مَالِكٍ قَالَ: «قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " حَبَّذَا الْمُتَخَلِّلُونَ مِنْ أُمَّتِي» ". رَوَاهُ الطَّبَرَانِيُّ فِي الْأَوْسَطِ، وَفِيهِ مُحَمَّدُ بْنُ أَبِي حَفْصٍ الْأَنْصَارِيُّ، لَمْ أَجِدْ مَنْ تَرْجَمَهُ.

حضرت انس بن مالک رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم نے ارشا دفرمایا: میری امت کے خلال کرنے والے افراد کے کیا کہنے ؟ ۔ یہ روایت امام طبرانی نے معجم اوسط میں نقل کی ہے ' اس کی سند میں ایک راوی محمد بن ابو حفص انصاری ہے' میں نے کسی کو اس کے حالات بیان کرتے ہوئے نہیں پایا ہے۔

اَنَسِ بْنِ مَالِکٍ،

1201 - وَعَنْ عَائِشَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا تَوَضَّأَ خَلَّلَ لِحْيَتَهُ بِالْمَاءِ». رَوَاهُ أَحْمَدُ، وَرِجَالُهُ مُوَثَّقُونَ.

سیدہ عائشہ صدیقہ رضی اللہ تعالیٰ عنہا بیان کرتی ہیں: نبی اکرم صلی اللہ علیہ وآلہ وسلم جب وضو کرتے تھے ' تو پانی کے ذریعے اپنی داڑھی کا خلال کرتے تھے۔ یہ روایت امام احمد نے نقل کی ہے ' اور اس کے رجال کےتوثیق کی گئی ہے۔

عَائِشَةَ

1202 - وَعَنْ شَقِيقٍ قَالَ: «تَوَضَّأَ عُثْمَانُ بْنُ عَفَّانَ، فَخَلَّلَ أَصَابِعَ رِجْلَيْهِ وَقَالَ: رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَعَلَ ذَلِكَ». رَوَاهُ أَبُو يَعْلَى، وَرِجَالُهُ مُوَثَّقُونَ.

شقیق بیان کرتے ہیں: حضرت عثمان غنی رضی اللہ تعالیٰ عنہ نے وضو کرتے ہوئے ' اپنے پاؤں کی انگلیوں کا خلال کیا ' اور یہ بات بیان کی : میں نے اللہ کے رسول صلی اللہ علیہ وآلہ وسلم کو ایسا کرتے ہوئے دیکھا ہے ۔ یہ روایت امام ابو یعلیٰ نے نقل کی ہے اور اس کے رجال کی توثیق کی گئی ہے۔

تَوَضَّأَ عُثْمَانُ بْنُ عَفَّانَ فَخَلَّلَ أَصَابِعَ رِجْلَيْهِ ← شَقِيقٍ،

1203 - وَعَنْ أُمِّ سَلَمَةَ «أَنَّ النَّبِيَّ - صَلَّى اللَّهُ عَلَيْهِ وَسَلَّمَ - كَانَ إِذَا تَوَضَّأَ خَلَّلَ لِحْيَتَهُ». رَوَاهُ الطَّبَرَانِيُّ فِي الْكَبِيرِ، وَفِيهِ خَالِدُ بْنُ إِلْيَاسَ، وَلَمْ أَرَ مَنْ تَرْجَمَهُ.

سیدہ ام سلمہ رضی اللہ تعالیٰ عنہا بیان کرتی ہیں: نبی اکرم صلی اللہ علیہ وآلہ وسلم جب وضو کرتے تھے ' تو اپنی داڑھی کا خلال کرتے تھے۔ یہ روایت امام طبرانی نے معجم کبیر میں نقل کی ہے ' اس کی سند میں ایک راوی خالد بن الیاس ہے ' میں نے کسی کو اس کے حالات ذکر کرتے ہوئے نہیں دیکھا ہے۔

أُمِّ سَلَمَةَ

1204 - وَعَنْ أَبِي أُمَامَةَ «أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - كَانَ إِذَا تَوَضَّأَ خَلَّلَ لِحْيَتَهُ». رَوَاهُ الطَّبَرَانِيُّ فِي الْكَبِيرِ، وَفِيهِ الصَّلْتُ بْنُ دِينَارٍ، وَهُوَ مَتْرُوكٌ.

حضرت ابو امامہ رضی اللہ تعالیٰ عنہ بیان کرتے ہیں: نبی اکرم صلی اللہ علیہ وآلہ وسلم جب وضو کرتے تھے ' تو اپنی داڑھی کا خلال کرتے تھے۔ یہ روایت امام طبرانی نے معجم کبیر میں نقل کی ہے' اس کی سند میں ایک راوی صلت بن دینار ہے اور وہ متروک ہے۔

اَبِیْ اُمَامَۃَ،

1205 - وَعَنْ أَبِي الدَّرْدَاءِ قَالَ: «تَوَضَّأَ رَسُولُ اللَّهِ - صَلَّى اللَّهُ عَلَيْهِ وَسَلَّمَ - فَخَلَّلَ لِحْيَتَهُ بِفَضْلِ وُضُوئِهِ، وَمَسَحَ رَأْسَهُ بِفَضْلِ ذِرَاعَيْهِ». رَوَاهُ الطَّبَرَانِيُّ فِي الْكَبِيرِ، وَفِيهِ تَمَامُ بْنُ نَجِيحٍ، وَقَدْ ضَعَّفَهُ الْبُخَارِيُّ وَجَمَاعَةٌ، وَوَثَّقَهُ يَحْيَى بْنُ مَعِينٍ.

حضرت ابو درداء رضی اللہ تعالیٰ عنہ بیان کرتے ہیں : نبی اکرم صلی اللہ علیہ وآلہ وسلم وضو کرتےہوئے ' وضو کے بچ جانے والے پانی کے زریعہ اپنی داڑھی کا خلال کرتے تھے ' اور بازوؤں (کو دھونے سے) بچ جانے والے پانی کے ذریعے اپنے سر کا مسح کرتے تھے۔ یہ روایت امام طبرانی نے معجم کبیر میں نقل کی ہے ' اس کی سند میں ایک راوی تمام بن نجیح ہے ' جسے امام بخاری اور ایک جماعت نے "ضعیف " قرار دیا ہے' جبکہ یحییٰ بن معین نے اسے "ثقہ" قرار دیا ہے۔

أَبِي الدَّرْدَاءِ،

1206 - وَعَنْ أَنَسِ بْنِ مَالِكٍ قَالَ: «وَضَأَّتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - فَأَدْخَلَ يَدَهُ تَحْتَ حَنَكِهِ فَخَلَّلَ لِحْيَتَهُ، فَقُلْتُ: مَا هَذَا؟ فَقَالَ: " بِهَذَا أَمَرَنِي رَبِّي عَزَّ وَجَلَّ» ". رَوَاهُ الطَّبَرَانِيُّ فِي الْأَوْسَطِ، وَرِجَالُهُ وُثِّقُوا.

حضرت انس بن مالک رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم کو وضو کروایا' تو آپ صلی اللہ علیہ وآلہ وسلم نے اپنا ہاتھ (داڑھی کے) نیچے داخل کر کے اپنی داڑھی کا خلال کیا ' میں نے دریافت کیا : یہ کیا ہے ؟ آپ صلی اللہ علیہ وآلہ وسلم نے ارشاد فرمایا: میرے پروردگار نے مجھے اس کا حکم دیا ہے۔ یہ روایت امام طبرانی نے معجم اوسط میں نقل کی ہے اور اس کے رجال کی توثیق کی گئی ہے۔

وَضَّأْتُ رَسُولَ اللَّهِ فَأَدْخَلَ يَدَهُ تَحْتَ حَنَكِهِ، فَخَلَّلَ لِحْيَتَهُ، فَقُلْتُ: مَا هَذَا؟ ← اَنَسِ بْنِ مَالِکٍ،

1207 - وَعَنْ نَافِعٍ، «عَنِ ابْنِ عُمَرَ أَنَّهُ كَانَ إِذَا تَوَضَّأَ خَلَّلَ لِحْيَتَهُ وَأَصَابِعَ رِجْلَيْهِ، وَيَزْعُمُ أَنَّهُ رَأَى رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَفْعَلُ ذَلِكَ». رَوَاهُ الطَّبَرَانِيُّ فِي الْأَوْسَطِ، وَفِيهِ أَحْمَدُ بْنُ مُحَمَّدِ بْنِ أَبِي بَزَّةَ، وَلَمْ أَرَ مَنْ تَرْجَمَهُ.

نافع نے' حضرت عبداللہ بن عمر رضی اللہ تعالیٰ عنہ کے بارے میں یہ بات نقل کی ہے : جب وہ وضو کرتے تھے ' تو اپنی داڑھی کا اور اپنے پاؤں کی انگلیوں کا خلال کرتے تھے' اور یہ بات بیان کرتے تھے : کہ انہوں نے اللہ کے رسول صلی اللہ علیہ وآلہ وسلم کو ایسا کرتے ہوئے دیکھا ہے ۔ یہ روایت امام طبرانی نے معجم اوسط میں نقل کی ہے ' اس کی سند میں ایک راوی احمد بن محمد بن ابو بزہ ہے' میں نے کسی کو اس کے حالات ذکر کرتے ہوئےنہیں دیکھا ہے۔

ابْنِ عُمَرَ ← نَافِعٍ