Majma uz Zawaid Wa Manba ul Fawaid

1136 - وَعَنْ مُرَّةَ بْنِ كَعْبٍ - أَوْ كَعْبِ بْنِ مُرَّةَ - قَالَ: «سَأَلْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ -: أَيُّ اللَّيْلِ أَسْمَعُ؟ قَالَ: " جَوْفُ اللَّيْلِ الْآخِرِ " - فَذَكَرَ الْحَدِيثَ، إِلَى أَنْ قَالَ: " فَإِذَا تَوَضَّأَ الْعَبْدُ فَغَسَلَ يَدَيْهِ خَرَّتْ خَطَايَاهُ مِنْ يَدَيْهِ، فَإِذَا غَسَلَ وَجْهَهُ خَرَّتْ خَطَايَاهُ مِنْ وَجْهِهِ، فَإِذَا غَسَلَ ذِرَاعَيْهِ خَرَّتْ خَطَايَاهُ مِنْ ذِرَاعَيْهِ، وَإِذَا غَسَلَ رِجْلَيْهِ خَرَّتْ خَطَايَاهُ مِنْ رِجْلَيْهِ». قَالَ شُعْبَةُ: لَمْ يَذْكُرْ مَسْحَ الرَّأْسِ. رَوَاهُ أَحْمَدُ، وَرِجَالُهُ رِجَالُ الصَّحِيحِ.

حضرت مرہ بن کعب رضی اللہ تعالیٰ عنہ 'یا شاید حضرت کعب بن مرہ رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم سے سوال کیا : رات کےکون سے حصے میں دعا جلدی قبول ہوتی ہے ؟ آپ صلی اللہ علیہ وآلہ وسلم نے ارشا دفرمایا: رات کا آخری نصف حصہ ۔۔۔۔ اس کےبعد راوی نے پوری حدیث نقل کی ہے جس میں آگے چل کر یہ الفاظ ہیں: آپ صلی اللہ علیہ وآلہ وسلم نے ارشاد فرمایا: " جب بندہ وضو کرتے ہوئے ہاتھ دھوتا ہے ' تو اس کے ہاتھوں سے اس کے گناہ گر جاتے ہیں' جب وہ اپنا چہرہ دھوتا ہے' تو اس کے چہرے سے گناہ گر جاتے ہیں' جب وہ اپنے بازو دھوتا ہے ' تو اس کے بازو سے اس کے گناہ گر جاتے ہیں' جب وہ اپنے پاؤں دھوتا ہے ' تو اس کے پاؤں سےاس کے گناہ گر جاتے ہیں"۔ شعبہ نامی راوی کہتے ہیں: اس حدیث میں انہوں نے سر پر مسح کرنے کا ذکر نہیں کیا ۔ یہ روایت امام احمد نے نقل کی ہے اور اس کےرجال " صحیح " کے رجا ل ہیں۔

الْحَدِيثَ إِلَى أَنْ ← جَوْفُ اللَّيْلِ الْآخِرِ ← سَأَلْتُ رَسُولَ اللَّهِ أَيُّ اللَّيْلِ أَسْمَعُ ← مُرَّةَ بْنِ كَعْبٍ أَوْ كَعْبِ بْنِ مُرَّةَ

1137 - وَعَنْ أَبِي أُمَامَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنْ أُمَّتِي أَحَدٌ إِلَّا وَأَنَا أَعْرِفُهُ يَوْمَ الْقِيَامَةِ ". قَالُوا: يَا رَسُولَ اللَّهِ، مَنْ رَأَيْتَ؟ وَمَنْ لَمْ تَرَ؟ قَالَ: " مَنْ رَأَيْتُ وَمَنْ لَمْ أَرَ غُرًّا مُحَجَّلِينَ مِنْ آثَارِ الطَّهُورِ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

حضرت ابوامامہ رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: "قیامت کے دن ' میں اپنی امت کے ہر ایک فرد کو پہچان لوں گا' لوگوں نےعرض کی" یا رسول اللہ! اس شخص کو بھی جسے آپ نے دیکھا ہے' اور اس کو بھی جسے آپ نے نہیں دیکھا ہے؟ نبی اکرم صلی اللہ علیہ وآلہ وسلم نے فرمایا: جسے میں نےدیکھا ہے اور جسے میں نے نہیں دیکھا ہے ( دونوں قسم کے افراد کو ' میں پہچان لوں گا) کیونکہ وہ وضو کےآثار کی وجہ سے چمکدار پیشانیوں والے ہوں گے"۔ یہ روایت امام احمد نے اور امام طبرانی نے معجم کبیر میں نقل کی ہے اور اس کےرجال کی توثیق کی گئی ہے ۔

اَبِیْ اُمَامَۃَ،

1138 - وَعَنْ أَنَسٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَثَلُ أُمَّتِي مَثَلُ نَهْرٍ يُغْتَسَلُ مِنْهُ خَمْسَ مَرَّاتٍ، فَمَا عَسَى أَنْ يُبْقِينَ عَلَيْهِ مِنْ دَرَنِهِ؟ يَقُومُ إِلَى الْوُضُوءِ فَيَغْسِلُ يَدَيْهِ، فَيَتَنَاثَرُ كُلُّ خَطِيئَةٍ مَسَّ بِهَا يَدَيْهِ، وَيُمَضْمِضُ فَيَتَنَاثَرُ كُلُّ خَطِيئَةٍ تَكَلَّمَ بِهَا لِسَانُهُ، ثُمَّ يَغْسِلُ وَجْهَهُ فَيَتَنَاثَرُ كُلُّ خَطِيئَةٍ نَظَرَتْ بِهَا عَيْنَاهُ، ثُمَّ يَمْسَحُ رَأْسَهُ فَيَتَنَاثَرُ كُلُّ خَطِيئَةٍ سَمِعَتْ بِهَا أُذُنَاهُ، ثُمَّ يَغْسِلُ قَدَمَيْهِ فَيَتَنَاثَرُ كُلُّ خَطِيئَةٍ مَشَتْ بِهَا قَدَمَاهُ» ". رَوَاهُ أَبُو يَعْلَى، وَفِيهِ مُبَارَكُ بْنُ سُحَيْمٍ، وَقَدْ أَجْمَعُوا عَلَى ضَعْفِهِ.

حضرت انس رضی اللہ تعالیٰ عنہ نبی اکرم صلی اللہ علیہ وآلہ وسلم کا یہ فرمان نقل کرتے ہیں: " میری امت کی مثال نہر کی مانند ہے ' جس میں پانچ مرتبہ غسل کیا جاتا ہے ' تو ایسے شخص پر کوئی میل باقی نہیں رہے گا( اسی طرح میری امت کا کوئی شخص) وضو کےلیے اٹھتا ہے اور دونوں ہاتھ دھوتا ہے ' تو اس کا ہر وہ گناہ گر جاتا ہے ' جس کو اس نے اپنے ہاتھوں کےذریعے چھوا تھا' جب وہ کلی کرتا ہے ' تو ہر وہ گناہ گر جاتا ہے جس کے بارے میں اس کی زبان نے کلام کیا تھا' پھر وہ اپنا چہرہ دھوتا ہے ' تو ہر وہ گناہ گرجاتا ہے ' جس کی طرف اس کی آنکھوں نے دیکھا تھا' جب وہ اپنے سر کا مسح کرتاہے ؛ تو ہر وہ گناہ گر جاتا ہے ' جسے اس کے کانوں نے سنا تھا' پھر جب وہ اپنے پاؤں دھوتا ہے ' تو ہر وہ گناہ گر جاتاہے ' جس کی طرف اس کےپاؤں چل کر گئےتھے"۔ یہ روایت امام ابو یعلیٰ نے نقل کی ہے ' اس کی سند میں ایک روی مبارک بن سحیم ہے ' جس کے ضعیف ہونے پر محدثین کا اتفاق ہے۔

أَنَسٍ،

1139 - وَعَنْ أَنَسٍ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «إِنَّ الْخَصْلَةَ الصَّالِحَةَ تَكُونُ فِي الرَّجُلِ، فَيُصْلِحُ اللَّهُ بِهَا عَمَلَهُ كُلَّهُ، وَطَهُورُ الرَّجُلِ لِصَلَاتِهِ يُكَفِّرُ اللَّهُ بِطَهُورِهِ ذُنُوبَهُ، وَتَبْقَى صَلَاتَهُ لَهُ نَافِلَةً» ". رَوَاهُ أَبُو يَعْلَى وَالْبَزَّارُ وَالطَّبَرَانِيُّ فِي الْأَوْسَطِ، وَفِيهِ بَشَّارُ بْنُ الْحَكَمِ، ضَعَّفَهُ أَبُو زُرْعَةَ وَابْنُ حِبَّانَ، وَقَالَ ابْنُ عَدِيٍّ: أَرْجُو أَنَّهُ لَا بَأْسَ بِهِ.

حضرت انس رضی اللہ تعالیٰ عنہ ' نبی اکرم صلی اللہ علیہ وآلہ وسلم کا یہ فرمان نقل کرتے ہیں: " کوئی نیک عادت ' جو کسی شخص میں موجود ہو' تو اللہ تعالیٰ اس عادت کی وجہ سے اس شخص کےپورے عمل کو ٹھیک کردیتا ہے ' اور آدمی کا نماز کےلیے وضو کرتا' اللہ تعالیٰ اس کے وضو کرنے کی وجہ سے اس کے گناہوں کو ختم کر دیتا ہے' اور اس شخص کی نماز اس کےلیے نفل ) یعنی اضافی اجر و ثواب کے حصول کے باعث ) کے طور پر ہو تی ہے "۔ یہ روایت امام ابو یعلیٰ ' امام بزار اور امام طبرانی نے معجم اوسط میں نقل کی ہے ' اس کی سند میں ایک راوی بشار بن حکم ہے' جسے ابو زرعہ اور ابن حبان نے "ضعیف " قرار دیا ہے ' ابن عدی کہتے ہیں: مجھے یہ امید ہے اس میں کوئی حرج نہیں ہو گا۔

أَنَسٍ،

1140 - وَعَنْ أَبِي الدَّرْدَاءِ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «أَنَا أَوَّلُ مَنْ يُؤْذَنُ لَهُ بِالسُّجُودِ يَوْمَ الْقِيَامَةِ، وَأَنَا أَوَّلُ مَنْ يَرْفَعُ رَأْسَهُ، فَأَنْظُرُ بَيْنَ يَدَيَّ، فَأَعْرِفُ أُمَّتِي مِنْ بَيْنِ الْأُمَمِ، وَمِنْ خَلْفِي مِثْلُ ذَلِكَ، وَعَنْ يَمِينِي مِثْلُ ذَلِكَ، وَعَنْ شِمَالِي مِثْلُ ذَلِكَ "، فَقَالَ رَجُلٌ: كَيْفَ تَعْرِفُ أُمَّتَكَ يَا رَسُولَ اللَّهِ مِنْ بَيْنِ الْأُمَمِ فِيمَا بَيْنَ نُوحٍ إِلَى أُمَّتِكَ؟ قَالَ: " هُمْ غُرٌّ مُحَجَّلُونَ مِنْ أَثَرِ الْوُضُوءِ، لَيْسَ لِأَحَدٍ ذَلِكَ غَيْرُهُمْ، وَأَعْرِفُهُمْ أَنَّهُمْ يُؤْتَوْنَ كُتُبَهُمْ بِأَيْمَانِهِمْ، وَأَعْرِفُهُمْ تَسْعَى بَيْنَ أَيْدِيهِمْ ذُرِّيَّتُهُمْ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ بِاخْتِصَارٍ، وَفِيهِ ابْنُ لَهِيعَةَ، وَهُوَ ضَعِيفٌ. وَلَهُ طَرِيقٌ تَأْتِي فِي الْبَعْثِ.

حضرت ابو درداء رضی اللہ تعالیٰ عنہ روایت کرتے ہیں: نبی اکرم صلی اللہ علیہ وآلہ وسلم نے ارشاد فرمایا: " میں وہ پہلا شخص ہوؤں گا ' جسے قیامت کے دن سجدہ کرنے کی اجازت دی جائےگی' اور میں وہ پہلا شخص ہوؤں گا' جو اپنا سر(قیامت کے دن سجدہ سے) اُٹھائے گا' میں اپنے سامنےدیکھوں گا' تو تمام امتوں کے درمیان اپنی امت کو پہچان لوں گا' میرے پیچھے بھی اسی طرح ہو گا' میرے دائیں طرف بھی اسی طرح ہو گا' میرے بائیں طر ف بھی اسی طرح ہو گا(یعنی دیگر تمام امتوں کے درمیان ' میں اپنی امت کے افراد کو پہچان لوں گا) ایک صاحب نےدریافت کیا: یا رسول اللہ! آپ حضرت نوح علیہ السلام سےلے کر ' اپنی امت تک کی دیگر تمام امتوں کے درمیان ' اپنی امت کو کیسے پہچانیں گے؟ نبی اکرم صلی اللہ علیہ وآلہ وسلم نے ارشاد فرمایا: وضو کے اثر کی وجہ سے ' وہ لوگ روشن اور چمکدار ہوں گے' یہ نشانی ان کےعلاوہ کسی اور کی نہیں ہو گی' میں انہیں پہچان لوں گا' کہ ان کےنامہ اعمال ان کے دائیں ہاتھ میں ہونگے ' اور میں انہیں پہچان لوں گا کہ ان کےبچے انکےآگے بھاگ رہے ہو ں گے۔ یہ روایت امام احمد نےنقل کی ہے ا مام طبرانی نے اسے معجم کبیر میں اختصار کےساتھ نقل کی ہے ' اس کی سند میں ایک راوی ابن لہیعہ ہے اور وہ ضعیف ہے ' اس روایت کے اور طرق بھی ہیں' جو آگے چل کر" دوبارہ زندہ کیے جانے" سےمتعلق باب میں آئیں گے۔

أَبِي الدَّرْدَاءِ،

1141 - «وَعَنْ أَبِي سَعِيدٍ الْخُدْرِيِّ قَالَ: قَالُوا: يَا رَسُولَ اللَّهِ، كَيْفَ تَعْرِفُ مَنْ لَمْ تَرَ مِنْ أُمَّتِكَ؟ قَالَ: " غُرٌّ مُحَجَّلُونَ مِنَ الْوُضُوءِ». رَوَاهُ الطَّبَرَانِيُّ فِي الْأَوْسَطِ، وَفِيهِ حَسَنُ بْنُ حُسَيْنٍ الْعَرَبِيُّ، وَهُوَ ضَعِيفٌ جِدًّا.

حضرت ابو سعید خدری رضی اللہ تعالیٰ عنہ بیان کرتے ہیں:لوگوں نے عرض کی: یا رسول اللہ صلی اللہ علیہ وآلہ وسلم ! آپ نے اپنی امت کے جن افراد کو نہیں دیکھا آپ صلی اللہ علیہ وآلہ وسلم انہیں کیسے پہچانیں گے؟نبی اکرم صلی اللہ علیہ وآلہ وسلم نےارشاد فرمایا: وہ لوگ وضو کی وجہ سے روشن اور چمکدار (پیشانیوں کےمالک) ہونگے۔ یہ روایت امام طبرانی نے معجم اوسط میں نقل کی ہے ' اس کی سند میں ایک راوی حسن بن حسین عربی ہے اور وہ انتہائی ضعیف ہے ۔

أَبِي سَعِيدٍ الْخُدْرِيِّ،

1142 - «وَعَنْ جَابِرٍ قَالَ: قِيلَ: يَا رَسُولَ اللَّهِ، كَيْفَ تَعْرِفُ مَنْ لَمْ تَرَ مِنْ أُمَّتِكَ؟ قَالَ: " غُرًّا ". أَحْسَبُهُ قَالَ: " مُحَجَّلُونَ مِنْ آثَارِ الْوُضُوءِ». رَوَاهُ الْبَزَّارُ، وَإِسْنَادُهُ حَسَنٌ.

حضرت جابر رضی اللہ تعالیٰ عنہ بیان کرتے ہیں : عرض کی گئی : یا رسول اللہ ! آپ اس شخص کو کیسے پہچانیں گے؟ اپنی امت کے جس شخص کو آپ صلی اللہ علیہ وآلہ وسلم نے نہ دیکھا ہو؟ نبی اکرم صلی اللہ علیہ وآلہ وسلم نے ارشا دفرمایا: چمک کی وج سے( راوی بیان کرتے ہیں:) میرا خیال ہے ' روایت میں یہ الفاظ بھی ہیں : وضو کے آثار کی وجہ سے ' وہ روشن ہوں گے۔ یہ روایت امام بزارنےنقل کی ہے اور اس کی سند حسن ہے۔

قِيلَ ← وعن جابر

1143 - «وَعَنْ عُقْبَةَ بْنِ عَامِرٍ قَالَ: جِئْتُ فِي اثْنَيْ عَشَرَ رَاكِبًا حَتَّى حَلَلْنَا بِرَسُولِ اللَّهِ - صَلَّى اللَّهُ عَلَيْهِ وَسَلَّمَ - فَقَالَ أَصْحَابِي: مَنْ يَرْعَى لَنَا إِبِلَنَا وَنَنْطَلِقُ فَنَقْتَبِسُ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - فَإِذَا رَاحَ اقْبَسْنَاهُ مَا سَمِعْنَا؟ فَقُلْتُ: أَنَا، ثُمَّ قُلْتُ فِي نَفْسِي: لَعَلِّي مَغْبُونٌ، أَيَسْمَعُ أَصْحَابِي مَا لَمْ أَسْمَعْ مِنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ -. فَحَضَرْتُ يَوْمًا، فَسَمِعْتُ رَجُلًا يَقُولُ: قَالَ نَبِيُّ اللَّهِ - صَلَّى اللَّهُ عَلَيْهِ وَسَلَّمَ -: " مَنْ تَوَضَّأَ وُضُوءًا كَامِلًا، ثُمَّ قَامَ إِلَى الصَّلَاةِ - كَانَ مِنْ خَطِيئَتِهِ كَيَوْمِ وَلَدَتْهُ أُمُّهُ». رَوَاهُ الطَّبَرَانِيُّ فِي الْأَوْسَطِ، وَهُوَ بِتَمَامِهِ فِي كِتَابِ الْإِيمَانِ تَقَدَّمَ، وَتَقَدَّمَ الْكَلَامُ عَلَيْهِ.

حضرت عقبہ بن عامر رضی اللہ تعالیٰ عنہ بیان کرتے ہیں: میں بارہ افراد سمیت آیا ' یہاں تک کہ ہم نبی اکرم صلی اللہ علیہ وآلہ وسلم (کے شہر مبارک) میں حاضر ہوئے میرے ساتھیوں نے کہا: کون شخص اونٹوں کی دیکھ بھال کرےگا؟ تاکہ ہم جا کر نبی اکرم صلی اللہ علیہ وآلہ وسلم سے استفادہ کریں' جب ہم واپس آئیں گے ' تو اسے وہ بتادیں گے ' جو ہم نے نبی اکرم صلی اللہ علیہ وآلہ وسلم سے سنا تھا' میں نے کہا: میں ایسا کروں گا' پھر میں نے بعد میں سوچا ' اس حوالے سے میں تو نقصان میں رہوں گا' کیونکہ میرے ساتھی جو بات سن لیں گے ' وہ میں نے نبی اکرم صلی اللہ علیہ وآلہ وسلم سےنہیں سنی ہو گی' ایک دن میری موجودگی میں 'میں نے ایک شخص کو سنا' وہ بیان کر رہا تھا : نبی اکرم صلی اللہ علیہ وآلہ وسلم نے ارشادفرمایا: " جو شخص پورا وضو کرے اور پھر نماز کےلیے کھڑا ہو جائے ' تو وہ اپنے گناہوں کےحوالے سے یوں ہو جاتا ہے' جیسے اس دن تھا ' جب اس کی والدہ نے اسے جنم دیا تھا"۔ یہ روایت امام طبرانی نے معجم اوسط میں نقل کی ہے اور یہ مکمل روایت کتاب الایمان میں گزر چکی ہے اور اس روایت کا کلام بھی گزر چکا ہے۔

عُقْبَۃَ بْنِ عَامِرٍ

1144 - وَعَنْ أَبِي لُبَابَةَ بْنِ عَبْدِ الْمُنْذِرِ قَالَ: «سَأَلْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - عَنِ الطَّهُورِ فَقَالَ: " مَا مِنْ مُسْلِمٍ يُمَضْمِضُ فَاهُ إِلَّا غَفَرَ اللَّهُ لَهُ كُلَّ خَطِيئَةٍ أَصَابَهَا بِلِسَانِهِ ذَلِكَ الْيَوْمَ، وَلَا يَغْسِلُ يَدَيْهِ إِلَّا غَفَرَ اللَّهُ لَهُ مَا قَدَّمَتْ يَدَاهُ ذَلِكَ الْيَوْمَ، وَلَا يَمْسَحُ بِرَأْسِهِ إِلَّا كَانَ كَيَوْمِ وَلَدَتْهُ أُمُّهُ». رَوَاهُ الطَّبَرَانِيُّ فِي الْأَوْسَطِ، وَفِيهِ يُوسُفُ بْنُ خَالِدٍ السَّمْتِيُّ، وَقَدْ جَمَعُوا عَلَى ضَعْفِهِ.

حضرت ابو لبابہ بن عبدالمنذر رضی اللہ تعالیٰ عنہ بیان کرتے ہیں: میں نے نبی اکرم صلی اللہ علیہ وآلہ وسلم سے طہارت حاصل کرنے (یعنی وضو کے) کے بارے میں سوال کیا' تو آپ صلی اللہ علیہ وآلہ وسلم نے ارشاد فرمایا: " جو مسلمان (وضو کرتے ہوئے) اپنا منہ دھوتا ہے ' تو اللہ تعالیٰ اس شخص کے اس دن کے ان گناہوں کی مغفرت کر دیتا ہے ' جن کا ارتکاب اس کےہاتھوں نے کیا ہو' اور جب وہ اپنے سر پر مسح کرتا ہے (تو گناہوں سے پاک ہو نے کےحوالے سے) وہ اس دن کی مانند ہو جاتاہے ' جب اس کی والدہ نے اسےجنم دیا تھا"۔ یہ روایت امام طبرانی نے معجم اوسط میں نقل کی ہے ' اس کی سند میں ایک راوی یوسف بن خالد سمتی ہے ' جس کےضعیف ہونے پر محدثین کا اتفاق ہے۔

الطَّهُورِ ← سَأَلْتُ رَسُولَ اللَّهِ ← أَبِي لُبَابَةَ بْنِ عَبْدِ الْمُنْذِرِ

1145 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «مَا مِنْ مُسْلِمٍ يَتَوَضَّأُ لِلصَّلَاةِ، فَيُمَضْمِضُ إِلَّا خَرَجَ مَعَ قَطْرِ الْمَاءِ كُلُّ سَيِّئَةٍ تَكَلَّمَ بِهَا لِسَانُهُ، وَلَا يَسْتَنْشِقُ إِلَّا خَرَجَ مَعَ قَطْرِ الْمَاءِ كُلُّ سَيِّئَةٍ وَجَدَ رِيحَهَا بِأَنْفِهِ، وَلَا يَغْسِلُ وَجْهَهُ إِلَّا تَنَاثَرَ مِنْ عَيْنَيْهِ مَعَ قَطْرِ الْمَاءِ كُلُّ سَيِّئَةٍ نَظَرَ إِلَيْهَا بِهِمَا، وَلَا يَغْسِلُ شَيْئًا مِنْ يَدَيْهِ إِلَّا خَرَجَ مَعَ قَطْرِ الْمَاءِ كُلُّ سَيِّئَةٍ بَطَشَ بِهَا، وَلَا يَغْسِلُ شَيْئًا مِنْ رِجْلَيْهِ إِلَّا خَرَجَ مَعَ قَطْرِ الْمَاءِ كُلُّ سَيِّئَةٍ مَشَى بِهِمَا إِلَيْهَا، فَإِذَا خَرَجَ إِلَى الْمَسْجِدِ كُتِبَ لَهُ بِكُلِّ خُطْوَةٍ خَطَاهَا حَسَنَةٌ، وَمُحِيَ بِهَا عَنْهُ سَيِّئَةٌ، حَتَّى يَأْتِيَ مَقَامَهُ» ". رَوَاهُ الطَّبَرَانِيُّ فِي الْأَوْسَطِ، وَهُوَ فِي الصَّحِيحِ بِاخْتِصَارٍ، وَرِجَالُهُ مُوَثَّقُونَ.

حضرت ابو ہریرہ رضی اللہ تعالیٰ عنہ روایت کرتے ہیں : نبی اکرم صلی اللہ علیہ وآلہ وسلم نے ارشاد فرمایا: " جو مسلمان نماز کےلیے وضو کرتا ہے ' تو جب وہ کلی کرتاہے تو پانی کے قطروں کے ساتھ اس کا ہر وہ گناہ نکل جاتا ہے ' جس کےبارے میں اس کی زبان نے کلام کیا تھا' جب وہ ناک میں پانی ڈالتا ہے ' تو پانی کےقطروں کےساتھ اسکا ہر وہ گنا ہ نکل جاتا ہے جس کی بو کو اس نے اپنی ناک کے ذریعے محسوس کیا تھا' جب وہ اپنا چہرہ دھوتا ہے ' تو پانی کےقطروں کےہمراہ اس کی آنکھوں سےہر وہ گناہ نکل جاتاہے ' جس کی طرف اس نے ان دونوں آنکھوں کےذریعے دیکھاتھا' جب وہ اپنے دونوں بازو دھوتا ہے' تو پانی کے قطروں کے ہمراہ ہر وہ گناہ نکل جاتا ہے ' جس کو اس نے ہاتھ کے ذریعے پکڑا تھا' جب وہ پاؤں دھوتا ہے ' تو پانی کے قطروں کے ہمراہ ہر وہ گناہ نکل جاتا ہے ' جس کیطرف وہ اپنے پاؤں کے ذریعے چل کر گیا تھا' پھر جب وہ مسجد کی طرف جاتاہے 'تو ہر ایک قدم اٹھانے پر اس کےلیے ایک نیکی نوٹ کی جاتی ہے ' اور اس کے ایک گناہ کو مٹا دیا جاتا ہے' یہاں تک کہ وہ اپنی جگہ پر پہنچ جائے"۔ یہ روایت امام طبرانی نے معجم اوسط میں نقل کی ہے ' یہ "صحیح" میں اختصار کے ساتھ منقول ہے اور اس کے رجال کی توثیق کی گئی ہے۔

أَبِي هُرَيْرَةَ،

1146 - عَنِ ابْنِ عُمَرَ، عَنِ النَّبِيِّ - صَلَّى اللَّهُ عَلَيْهِ وَسَلَّمَ - قَالَ: " «مَنْ بَاتَ طَاهِرًا بَاتَ فِي شِعَارِهِ مَلَكٌ، فَلَا يَسْتَيْقِظُ مِنْ لَيْلٍ إِلَّا قَالَ الْمَلَكُ: اللَّهُمَّ اغْفِرْ لِعَبْدِكَ كَمَا بَاتَ طَاهِرًا» ". رَوَاهُ الْبَزَّارُ وَالطَّبَرَانِيُّ فِي الْكَبِيرِ، وَفِيهِ مَيْمُونُ بْنُ زَيْدٍ، قَالَ الذَّهَبِيُّ: لَيَّنَهُ أَبُو حَاتِمٍ. وَفِي إِسْنَادِ الطَّبَرَانِيِّ الْعَبَّاسُ بْنُ عُتْبَةَ، قَالَ الذَّهَبِيُّ: يَرْوِي عَنْ عَطَاءٍ، وَسَاقَ لَهُ هَذَا الْحَدِيثَ، وَقَالَ: لَا يَصِحُّ حَدِيثُهُ. قُلْتُ: قَدْ رَوَاهُ سُلَيْمَانُ الْأَحْوَلُ عَنْ عَطَاءٍ، وَهُوَ مِنْ رِجَالِ الصَّحِيحِ، كَذَلِكَ هُوَ عِنْدَ الْبَزَّارِ، وَأَرْجُو أَنَّهُ حَسَنُ الْإِسْنَادِ. وَقَدْ تَقَدَّمَ حَدِيثُ عَمْرِو بْنِ عَبَسَةَ فِيمَنْ يَبِيتُ طَاهِرًا فِي الْبَابِ الَّذِي قَبْلَ هَذَا، وَلَفْظُ الطَّبَرَانِيِّ: أَنَّ رَسُولَ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «طَهِّرُوا هَذِهِ الْأَجْسَادَ طَهَّرَكُمُ اللَّهُ ; فَإِنَّهُ لَيْسَ عَبْدٌ يَبِيتُ طَاهِرًا إِلَّا بَاتَ مَعَهُ مَلَكٌ فِي شِعَارِهِ، لَا يَنْقَلِبُ سَاعَةً مِنَ اللَّيْلِ إِلَّا قَالَ: اللَّهُمَّ اغْفِرْ لِعَبْدِكَ ; فَإِنَّهُ بَاتَ طَاهِرًا» ".

حضرت عبداللہ بن عمر رضی اللہ تعالیٰ عنہ نبی اکرم صلی اللہ علیہ وآلہ وسلم کایہ فرمان نقل کرتےہیں: " جوشخص باوضو حالت میں رات گزارتاہے ' تو اس کے لحاف میں ایک فرشتہ بھی رات بھر رہتا ہے ؛وہ شخص رات میں جس وقت بھی بیدار ہو تا ہے' تو وہ فرشتہ یہ کہتا ہے: اے اللہ ! تو اپنے بندے کی مغفرت کر دے' کیونکہ اس نے باوضو حالت میں رات گزار ی ہے"۔ یہ روایت امام بزار نے اور امام طبرانی نے معجم کبیر میں نقل کی ہے ؛ اس کی سند میں ایک راوی میمون بن زید ہے ' امام ذہبی فرماتے ہیں: ابو حاتم نے اسے کمزور قرار دیا ہے' امام طبرانی کی سند میں ایک راوی عباس بن عتبہ ہے ' امام ذہبی فرماتے ہیں: اس نے عطاء سےروایات نقل کی ہیں' انہوں نے اس راوی کے حوالے سے یہ حدیث نقل کی ہے اوریہ بات بیان کی ہے: اس کی نقل کردہ حدیث مستند نہیں ہوتی ہے۔ علامہ ہیثمی فرماتے ہیں میں یہ کہتا ہوں: یہ روایت سلیمان احول نے عطاء سے نقل کی ہے ' اور وہ "صحیح" کےرجال میں سے ایک ہیں' امام بزار نے یہ روایت اسی طرح نقل کی ہے ' تو مجھے یہ امید ہے کہ یہ سند کے حوالے سے "حسن " ہوگی' اس سے پہلے حضرت عمر بن عبسہ رضی اللہ تعالیٰ عنہ کے حوالے سےحدیث گزر چکی ہے' جو اس شخص کے بارے میں ہے ' جو باوضو حالت میں رات بسر کرتا ہے' اور یہ حدیث اس سے پہلے والے باب میں گزری ہے ' امام طبرانی کی روایت کے الفاظ یہ ہیں: " نبی اکرم صلی اللہ علیہ وآلہ وسلم نے ارشا دفرمایا: اپنے جسموں کو پاک رکھو ! اللہ تعالیٰ تمہیں پاک کر دے گا' جو شخص با وضو حالت میں رات بسر کرتا ہے ' تو اس کے ہمراہ اس کے لحاف میں ایک فرشتہ رات گزارتا ہے ' وہ شخص رات میں جس وقت بھی اُٹھتا ہے (یاپہلو بدلتا ہے) تو وہ فرشتہ یہ کہتاہے : اے اللہ ! تو اپنے بندے کی مغفرت کر دے ! کیونکہ اس نے با وضو حالت میں رات گزاری ہے"۔

ابْنِ عُمَرَ

1147 - عَنْ أَبِي الْجَنُوبِ قَالَ: «رَأَيْتُ عَلِيًّا يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ فَقَالَ: مَهْ يَا أَبَا الْجَنُوبِ، فَإِنِّي رَأَيْتُ عُمَرَ يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ، فَقَالَ: مَهْ يَا أَبَا الْحَسَنِ، فَإِنِّي رَأَيْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ فَقَالَ: " مَهْ يَا عُمَرُ، إِنِّي أَكْرَهُ أَنْ يُشْرِكَنِي فِي طَهُورِي أَحَدٌ». رَوَاهُ أَبُو يَعْلَى وَالْبَزَّارُ، وَأَبُو الْجَنُوبِ ضَعِيفٌ.

ابو جنوب بیان کرتے ہیں: میں نے حضرت علی رضی اللہ تعالیٰ عنہ کو دیکھا کہ انہوں نے وضو کےلیے پانی لیا 'میں لپک کر ان کی طرف گیا ' تاکہ انہیں وضو کروا دوں ' تو انہوں نے فرمایا: اے ابو جنوب ! رک جاؤ! ایک مرتبہ میں نے حضرت عمر رضی اللہ تعالیٰ عنہ کو دیکھا انہوں نے وضو کےلیے پانی لیا ' میں انہیں وضو کروانے کےلیے آگے ہوا' تو انہوں نے فرمایا: اے ابو الحسن !رک جاؤ! (انہوں نے یہ بتایا) ایک مرتبہ میں نے نبی اکرم صلی اللہ علیہ وآلہ وسلم کو دیکھا کہ آ پ صلی اللہ علیہ وآلہ وسلم وضو کرنے لگے ہیں' میں آپ کو وضو کرونے کےلیے آگے ہوا ' تو آپ صلی اللہ علیہ وآلہ وسلم نے فرمایا: " اے عمر رک جاؤ ' میں اس بات کو نا پسند کرتا ہوں ' کہ میرے وضو میں کوئی شریک ہو"۔ یہ روایت امام ابو یعلیٰ اور امام بزار نےنقل کی ہے۔

مَهْ يَا أَبَا الْحَسَنِ، فَإِنِّي رَأَيْتُ رَسُولَ اللَّهِ يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ ← مَهْ يَا أَبَا الْجَنُوبِ، فَإِنِّي رَأَيْتُ عُمَرَ يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ، ← «رَأَيْتُ عَلِيًّا يَسْتَقِي مَاءً لِوُضُوئِهِ، فَبَادَرْتُهُ أَسْتَقِي لَهُ ← أبي الجنوب