Majma uz Zawaid Wa Manba ul Fawaid

980 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ اللَّهَ لَا يَقْبِضُ الْعِلْمَ انْتِزَاعًا يَنْتَزِعُهُ مِنَ النَّاسِ، وَلَكِنْ يَقْبِضُ [الْعِلْمَ بِقَبْضِ] الْعُلَمَاءِ، فَإِذَا ذَهَبَ الْعُلَمَاءُ اتَّخَذَ النَّاسُ رُؤَسَاءَ، فَسُئِلُوا، فَأَفْتَوْا بِغَيْرِ عِلْمٍ، فَضَلُّوا وَأَضَلُّوا عَنْ سَوَاءِ السَّبِيلِ» ". رَوَاهُ الطَّبَرَانِيُّ فِي الْأَوْسَطِ، وَفِيهِ الْعَلَاءُ بْنُ سُلَيْمَانَ الرَّقِّيُّ، ضَعَّفَهُ ابْنُ عَدِيٍّ وَغَيْرُهُ.

حضرت ابو ہریرہ رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " بے شک اللہ تعالی اس علم کو یاں قبض نہیں کرے گا ، کہ اس ے لوگوں سے الگ کر لے گا ، بلکہ وہ علماء کو قبض کرنے کے ذریعے علم کو قبض کر لے گا ، جب علماء رخصت ہو جائیں گے ، تو لوگ ( جاہلوں کو ) پیشوا بنا لیں گے ،جب ان کے مسائل دریافت کیے جائیں گے تو وہ لوگ علم نہ ہونے کے باوجود فتویٰ دیں گے ، تو خود بھی سیدے راستےسے گمراہ ہو جائیں گے اور ( لوگوں کو بھی) گمراہ کر دیں گے "۔ یہ روایت امام طبرانی نے معجم اوسط میں نقل کی ہے اس کی سند میں ایک راوی علاء بن سلیمان رقی ہے جسے ابن عدی اور دیگر حضرات نے ضعیف قرار دیا ہے ۔

أَبِي هُرَيْرَةَ،

981 - وَعَنْ أَبِي هُرَيْرَةَ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «إِنَّ اللَّهَ لَا يَنْزِعُ الْعِلْمَ مِنْكُمْ - بَعْدَ مَا أَعْطَاكُمُوهُ - انْتِزَاعًا، وَلَكِنْ يَقْبِضُ الْعُلَمَاءَ بِعِلْمِهِمْ، وَيَبْقَى جُهَّالٌ فَيُسْأَلُونَ، فَيُفْتُونَ، فَيُضِلُّونَ وَيَضِلُّونَ» ". رَوَاهُ الطَّبَرَانِيُّ فِي الْأَوْسَطِ، وَفِيهِ عَبْدُ اللَّهِ بْنُ صَالِحٍ كَاتِبُ اللَّيْثِ، وَهُوَ ضَعِيفٌ، وَقَدْ وُثِّقَ.

حضرت ابو یرہرہ رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں " بے شک اللہ تعالی تم لوگوں کو یہ علم دینے کے بعد اسے تم سے الگ نہیں کرے گا ، لیکن وہ علماء کو ان سے علم سمیت قبض کر لے گا ، پھر جاہل لوگ باقی رہ جائیں گے ، ان سے مسائل دریافت کیے جائیں گے ، وہ فتویٰ دیں گے اور گمراہ کریں گے اور ضود بھی گمراہ ہوں گے ۔ یہ روایت امام طبرانی نے معجم اوسط میں نقل کی ہےاس کی سند میں ایک راوی عبداللہ بن صالح ہے جو لیث کا کاتب ہے اور وہ ضعیف ہے اس کی تو ثیق کی گئی ہے ۔

رَسُولِ اللَّهِ ← أَبِي هُرَيْرَةَ،

982 - وَعَنْ أَبِي سَعِيدٍ الْخُدْرِيِّ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «يَقْبِضُ اللَّهُ الْعُلَمَاءَ، وَيَقْبِضُ الْعِلْمَ مَعَهُمْ، فَيَنْشَأُ أَحْدَاثٌ يَنْزُو بَعْضُهُمْ عَلَى بَعْضٍ، وَيَكُونُ الشَّيْخُ فِيهِمْ يُسْتَضْعَفُ» ". رَوَاهُ الطَّبَرَانِيُّ فِي الْأَوْسَطِ، وَفِيهِ حَجَّاجُ بْنُ رِشْدِينَ بْنِ سَعْدٍ عَنْ أَبِيهِ، وَالْحَجَّاجُ ضَعَّفَهُ ابْنُ عَدِيٍّ وَلَمْ يُوَثِّقْهُ أَحَدٌ، وَأَبُوهُ اخْتُلِفَ فِي الِاحْتِجَاجِ بِهِ، وَالْأَكْثَرُ عَلَى تَضْعِيفِهِ.

حضرت ابو سعید خدری رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں :"اللہ تعالی علماء کو قبض کر لے گا اور ان کے ساتھ علم کو بھی قبض کر لے گا پھر کم عمر لوگ سامنے آئیں گے جو ایک دوسرے کا مقابلہ کریں گے اور ان کے درمیان عمر رسیدہ شخص کو کمزور سمجھا جائے گا"۔ یہ روایت امام طبرانی نے معجم اوسط میں نقل کی ہے اس کی سند میں یہ مذکور ہے: اسے حجاج بن رشدین بن سعد نے اپنے والد سے نقل کیا ہے حجاج بن ابن عدی نے ضعیف قرار دیا ہے کسی نے بھی ثقہ قرار نہیں دیا ، اس کے باپ سے استدسلال کرنے کے بارے میں اختلاف پایا جاتا ہے ، تہم زیادہ تر نے اسے ضعیف قرار دیا ہے ۔

أَبِي سَعِيدٍ الْخُدْرِيِّ،

983 - وَعَنْ عَائِشَةَ قَالَتْ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «إِنَّ اللَّهَ - تَبَارَكَ وَتَعَالَى - لَا يَنْزِعُ الْعِلْمَ مِنَ النَّاسِ انْتِزَاعًا بَعْدَ أَنْ يُؤْتِيَهُمْ إِيَّاهُ، وَلَكِنْ يَذْهَبُ بِالْعُلَمَاءِ، فَكُلَّمَا ذَهَبَ عَالِمٌ ذَهَبَ بِمَا مَعَهُ مِنَ الْعِلْمِ، حَتَّى يَبْقَى مَنْ لَا يَعْلَمُ فَيَضِلُّوا وَيُضِلُّوا» ". رَوَاهُ الْبَزَّارُ، وَفِيهِ عَبْدُ اللَّهِ بْنُ صَالِحٍ كَاتِبُ اللَّيْثِ، هُوَ ضَعِيفٌ، وَوَثَّقَهُ عَبْدُ الْمَلِكِ بْنُ سَعِيدِ بْنِ اللَّيْثِ.

سیدہ عائشہ صدیقہ رضی اللہ عنہا روایت کرتی ہیں :نبی اکرم صلی اللہ علیہ و آلہ وسلم نے ارشاد فرمایا ہے : " بیشک اللہ تعالی علم کو لوگوں کو دینے کے بعد اسے لوگوں سے یوں الگ نہیں کرے گا ، کہ الگ ہی کر دے ، بلکہ وہ علماء کو رخصت کر دے گا ، جب بھی کوئی عالم رخصت ہو گا ، وت اس کے ساتھ اس کا علم بھی رخصت ہو جائے گا ، یہاں تک کہ کوئی ایسا شخص نہیں بچے گا ، جو علم رکھتا ہو، پھر لوگ گمراہ ہوں گے اور دوسروں کو بھی گمراہ کریں گے "۔یہ روایت امام بزار نے نقل کی ہے اس کی سند میں ایک راوی عبداللہ بن صالح ہے ، جو لیث کا کاتب ہے ، وہ ضعیف ہے ، عبدالملک بن سعید بن لیث نے اسے ثقہ قرار دیا ہے ۔

عَائِشَةَ

984 - وَعَنْ عَائِشَةَ - رَفَعَتْهُ - قَالَ: " «مَوْتُ الْعَالِمِ ثُلْمَةٌ فِي الْإِسْلَامِ، لَا تُسَدُّ مَا اخْتَلَفَ اللَّيْلُ وَالنَّهَارُ» ". رَوَاهُ الْبَزَّارُ، وَفِيهِ مُحَمَّدُ بْنُ عَبْدِ الْمَلِكِ عَنِ الزُّهْرِيِّ، قَالَ الْبَزَّارُ: يَرْوِي أَحَادِيثَ لَا يُتَابَعُ عَلَيْهَا. وَهَذَا مِنْهَا.

سیدہ عائشہ صدیقہ رضی اللہ عنہا " مرفوع حدیث " کے طور پر یہ بات نقل کرتی ہیں : (نبی اکرم صلی اللہ علیہ و آلہ وسلم نے ارشاد فرمایا ہے : )عالم کی موت ایسا شگاف ہے جو وقت گزرنے کے ساتھ بھی پر نہیں ہو گا "۔ یہ روایت امام بزار نے نقل کی ہے اس کی سند میں یہ مذکور ہے : اسے محمد بن عبدالملک نے زہری سے روایت کیا ہے امام بزار فرماتے ہیں : یہ شخص ایسی احادیث روایت کرتا ہے ، جن کی متابعت نہیں کی جاتی اور یہ حدیث بھی ان میں سے ایک ہے۔

عائشة رفعته

985 - وَعَنْ صَفْوَانَ بْنِ عَسَّالٍ قَالَ: «حَضَّ رَسُولُ اللَّهِ - صَلَّى اللَّهُ عَلَيْهِ وَسَلَّمَ - عَلَى طَلَبِ الْعِلْمِ قَبْلَ ذَهَابِهِ، فَقَالَ رَجُلٌ: كَيْفَ يَذْهَبُ وَقَدْ تَعَلَّمْنَاهُ وَعَلَّمْنَاهُ أَبْنَاءَنَا؟ فَغَضِبَ. قَالَ: " أَوَلَيْسَ التَّوْرَاةُ وَالْإِنْجِيلُ فِي يَدِ أَهْلِ الْكِتَابِ؟ فَهَلْ أَغْنَى عَنْهُمْ شَيْئًا». رَوَاهُ الطَّبَرَانِيُّ فِي الْكَبِيرِ، وَفِيهِ مَسْلَمَةُ بْنُ عَلِيٍّ الْخُشَنِيُّ، وَهُوَ ضَعِيفٌ.

حضڑت صفوان بن عسال رضی اللہ عنہ فرماتے ہیں : نبی اکرم صلی اللہ علیہ و آلہ وسلم نے اس بات کی ترغیب دی کہ علم کے رخصت ہونے سے پہلے علم حاصل کر لیا جائے، ایک صاحب بولے: وہ کیسے رخصت ہو گا ؟ جبکہ ہم نے اس کو سیکھا ہے اور اپنے بچوں کو اس کی تعلیم دی ہے ، تو نبی اکرم صلی اللہ علیہ و آلہ وسلم غصے میں آ گئے ، آپ صلی اللہ علیہ و آلہ وسلم نے ارشاد فرمایا : کیا اہل کتاب کے پاس تورات او رانجیل نہیں تھیں ، تو کیا یہ چیز ان کے کسی کام آئی ؟ یہ روایت امام طبرانی نے معجم کبیر میں نقل کی ہےاس کی سند میں ایک راوی مسلمہ بن علی خشنی ہے اور وہ ضعیف ہے ۔

رَجُلٌ: كَيْفَ يَذْهَبُ وَقَدْ تَعَلَّمْنَاهُ وَعَلَّمْنَاهُ أَبْنَاءَنَا؟ فَغَضِبَ. ← «حَضَّ رَسُولُ اللَّهِ عَلَى طَلَبِ الْعِلْمِ قَبْلَ ذَهَابِهِ، ← صَفْوَانَ بْنِ عَسَّالٍ

986 - وَعَنْ أَبِي الدَّرْدَاءِ قَالَ: سَمِعْتُ رَسُولَ اللَّهِ - صَلَّى اللَّهُ عَلَيْهِ وَسَلَّمَ - يَقُولُ: " «مَوْتُ الْعَالِمِ مُصِيبَةٌ لَا تُجْبَرُ، وَثُلْمَةٌ لَا تُسَدُّ وَهُوَ نَجْمٌ طُمِسَ، وَمَوْتُ قَبِيلَةٍ أَيْسَرُ لِي مِنْ مَوْتِ عَالِمٍ» ". رَوَاهُ الطَّبَرَانِيُّ فِي الْكَبِيرِ، وَفِيهِ عُثْمَانُ بْنُ أَيْمَنَ، وَلَمْ أَرَ مَنْ ذَكَرَهُ، وَكَذَلِكَ إِسْمَاعِيلُ بْنُ صَالِحٍ.

حضرت ابو درداء رضی اللہ عنہ بیان کرتے ہیں: میں نے نبی اکرم صلی اللہ علیہ و آلہ وسلم کو یہ ارشاد فرماتے ہوئے سنا ہے : " عالم کی موت ایسی مصیبت ہے جس کو ختم نہیں کیا جا سکتا اور ایسا شگاف ہے جسے بند نہیں کیا جا سکتا ہے ، وہ اک ستارہ تھا جو بجھ گیا ، میرے نزدیک پورے قبیلے کا مر جانا ، ایک عالم کی موت سے زیادہ آسان ( یعنی ہلکی مصیبت ) ہے "۔ یہ روایت امام طبرانی نے معجم کبیر میں نقل کی ہےاس کی سند میں ایک راوی عثمان بن ایمن ہے میں نے کسی کو اس کے حالات ذکر کرتے ہوئے نہیں دیکھا ، اسماعیل بن صالح کا معاملہ بھی اسی طرح ہے ۔

رَسُولِ اللَّهِ ← أَبِي الدَّرْدَاءِ،

987 - وَعَنْ أَنَسِ بْنِ مَالِكٍ قَالَ: قَالَ النَّبِيُّ - صَلَّى اللَّهُ عَلَيْهِ وَسَلَّمَ -: " «إِنَّ مَثَلَ الْعُلَمَاءِ كَمَثَلِ النُّجُومِ فِي السَّمَاءِ، يُهْتَدَى بِهَا فِي ظُلُمَاتِ الْبَرِّ وَالْبَحْرِ، فَإِذَا انْطَمَسَتِ النُّجُومُ أَوْشَكَ أَنْ يَضِلَّ الْهُدَاةُ» ". رَوَاهُ أَحْمَدُ، وَقَدْ تَقَدَّمَ الْكَلَامُ عَلَيْهِ فِي فَضْلِ الْعَالِمِ وَالْمُتَعَلِّمِ.

حضرت انس بن مالک رضی اللہ عنہ روایت کرتے ہیں : نبی اکرم صلی اللہ علیہ و آلہ وسلم نے ارشاد فرمایا ہے : " علما ء کی مثال ،آسمان میں موجود ستاروں کی مانند ہے ، جن کےھ ذریعے خشکی اور سمندر کی تاریکیوں میں رہنمائی حاصل کی جاتی ہے اور جب ستارے بجھ جائیں ، تو لوگ سیدے راستے پر ہوں ان کے بھی گمراہ ہونے کا اندیشہ ہو تا ہے ۔ یہ روایت امام احمد نے نقل کی ہے عالم اور طالب علم کی فضیلت سے متعلق باب میں ، اس روایت پر کلام پہلے گزر چکا ہے ۔

اَنَسِ بْنِ مَالِکٍ،

988 - وَعَنْ أَبِي هُرَيْرَةَ قَالَ: قَالَ رَسُولُ اللَّهِ - صَلَّى اللَّهُ عَلَيْهِ وَسَلَّمَ -: " «تَكْثُرُ الْفِتَنُ، وَيَكْثُرُ الْهَرْجُ، وَيُرْفَعُ الْعِلْمُ "، فَلَمَّا سَمِعَ عُمَرُ أَبَا هُرَيْرَةَ يَقُولُ: " يُرْفَعُ الْعِلْمُ " - قَالَ عُمَرُ: أَمَا إِنَّهُ لَيْسَ يُنْزَعُ مِنْ صُدُورِ الرِّجَالِ، وَلَكِنْ تَذْهَبُ الْعُلَمَاءُ». رَوَاهُ أَحْمَدُ وَالْبَزَّارُ - وَهُوَ فِي الصَّحِيحِ خَلَا قَوْلَ عُمَرَ - وَرِجَالُهُ رِجَالُ الصَّحِيحِ.

حضڑت ابو یرہرہ رضی اللہ عنہ روایت کرتے ہیں: نبی اکرم صلی اللہ علیہ و آلہ وسلم نے ارشاد فرمایا ہے: " فتنے بکثرت ہوجائیں گے ، ہرج بکثرت ہو گا اور علم کو اٹھا لیا جائے گا "۔ جب حضرت عمر رضی اللہ عنہ نے حضرت ابو ہریرہ رضی اللہ عنہ کو یہ بیان کرتے ہوئے سنا کہ علم کو اٹھا لیا جائے گا : تو حضرت عمر رضی اللہ عنہ نے فرمایا : اسے لوگوں کے سینے سے الگ نہیں کیا جائے گا ، بلکہ علماء رخصت ہو جائیں گے ۔ یہ روایت امام احمد اور امام بزار نے نقل کی ہے یہ "صحیح " میں بھی منقول ہے لیکن حضرت عمر رضی اللہ عنہ کے قول کے بغیر ہے اس روایت کے رجال صحیح کے رجال ہیں ۔

أَبِي هُرَيْرَةَ،

989 - وَعَنْ مُعَاذِ بْنِ أَنَسٍ، عَنْ رَسُولِ اللَّهِ - صَلَّى اللَّهُ عَلَيْهِ وَسَلَّمَ - قَالَ: " «لَا تَزَالُ هَذِهِ الْأُمَّةُ عَلَى شَرِيعَةٍ مَا لَمْ يَظْهَرْ فِيهِمْ ثَلَاثٌ: مَا لَمْ يُقْبَضِ الْعِلْمُ مِنْهُمْ، وَيَكْثُرْ فِيهِمْ وَلَدُ الْحِنْثِ، وَيَظْهَرْ فِيهِمُ الصَّقَّارُونَ ". قِيلَ: وَمَنِ الصَّقَّارُونَ أَوِ الصَّقَّارُونَ يَا رَسُولَ اللَّهِ؟ قَالَ: " بَشَرٌ يَكُونُ فِي آخِرِ الزَّمَانِ، تَحِيَّتُهُمْ بَيْنَهُمُ التَّلَاعُنُ» ". رَوَاهُ أَحْمَدُ وَالطَّبَرَانِيُّ فِي الْكَبِيرِ، وَفِيهِ ابْنُ لَهِيعَةَ وَزَبَّانُ، وَكِلَاهُمَا ضَعِيفٌ، وَقَدْ وُثِّقَا.

حضڑت معاذ بن انس رضی اللہ عنہ نبی اکرم صلی اللہ علیہ و آلہ وسلم کا یہ فرمان نقل کرتے ہیں :" یہ امت مسلسل شریعت پر گامزن رہے گی ، جب تک ان کے درمیان تین چیزیں ظاہر نہیں ہوں گی، جب تک ان سے علم کو قبض نہیں کر لیا جاتا اور ان کے درمیان حنث کی اولاد زیادہ نہیں ہوتی اور ان کے درمیان " صقارون" ظاہر نہیں ہوتے، عرض کی گئی : "صقارون" سے کیا مراد ہے ؟ یا رسول اللہ !( یہاں ایک لفظ کے بارے میں راوی کو شک ہے ) آپ صلی اللہ علیہ و آلہ وسلم نے ارشاد فرمایا : " وہ لوگ ایسے ہوں گے ، جو آخرے زمانے میں ہوں گے اور ان لوگوں کا آپس میں سلام کرنے کا طریقہ یہ ہو گا کہ وہ ایک دورے پر لعنت کریں گے "۔ یہ روایت امام احمد نے ( اپنی "مسند" میں )اور امام طفبرانی نے معجم کبیر میں نقل کی ہے اور اس کی سند میں دو راوی ابن لہیعہ اور زبان ہیں یہ دونوں ضعیف ہیں ، ان کو ثقہ بھی قرار دیا گیا ہے ۔

رَسُولِ اللَّهِ ← معاذ بن أَنس.

990 - وَعَنْ عَبْدِ اللَّهِ - يَعْنِي ابْنَ مَسْعُودٍ - قَالَ: تَدْرُونَ كَيْفَ يَنْقُصُ الْإِسْلَامُ؟ قَالُوا: كَمَا يَنْقُصُ صَبْغُ الثَّوْبِ، وَكَمَا يَنْقُصُ سِمَنُ الدَّابَّةِ، وَكَمَا يَنْقُصُ الدِّرْهَمُ مِنْ طُولِ الْخِبَاءِ. قَالَ: إِنَّ ذَلِكَ لَمِنْهُ، وَأَكْبَرُ مِنْ ذَلِكَ مَوْتُ أَوْ ذَهَابُ الْعُلَمَاءِ. رَوَاهُ الطَّبَرَانِيُّ فِي الْكَبِيرِ، وَرِجَالُهُ مُوَثَّقُونَ.

حضرت عبداللہ بن مسعود رضی اللہ عنہ نے فرمایا : کا تم لوگ جانتے ہو !اسلام کیسےکم ہو گا ؟ لوگوں نے جواب دیا : جس طرح کپڑے کا رنگ کم ہو جاتا ہے یا جس طرح جانور کا موٹاپا کم ہو جاتا ہے ، یا جس طرح طویل استعمال کے بعد درہم کم ہو جاتا ہے حضرت عبداللہ رضی اللہ عنہ نے فرمایا : یہ بھی اس میں سے ہے لیکن ان سب سے بڑی بات علماء کی موت ( راوی کو شک ہے یا شاید یہ الفاظ ہیں : )علماء کی رخصتی ہےئ ۔ یہ روایت امام طبرانی نے معجم کبیر میں نقل کی ہے اس کے رجال کی توثیق کی گئ ہے۔

تَدْرُونَ كَيْفَ يَنْقُصُ الْإِسْلَامُ؟ ← عبد الله -يعني ابن مسعود-

991 - وَعَنْ سَعِيدِ بْنِ الْمُسَيَّبِ قَالَ: شَهِدْتُ جِنَازَةَ زَيْدِ بْنِ ثَابِتٍ، فَلَمَّا دُفِنَ فِي قَبْرِهِ قَالَ ابْنُ عَبَّاسٍ: يَا هَؤُلَاءِ، مَنْ سَرَّهُ أَنْ يَعْلَمَ كَيْفَ ذَهَابُ الْعِلْمِ فَهَكَذَا ذَهَابُ الْعِلْمِ. أَيْمُ اللَّهِ، لَقَدْ ذَهَبَ الْيَوْمَ عِلْمٌ كَثِيرٌ. قَالَ سَعِيدٌ: وَالْقَائِلُ: لَقَدْ ذَهَبَ الْيَوْمَ عِلْمٌ كَثِيرٌ يَعْنِي ابْنَ عَبَّاسٍ. رَوَاهُ الطَّبَرَانِيُّ فِي الْكَبِيرِ، وَفِيهِ عَلِيُّ بْنُ زَيْدِ بْنِ جُدْعَانَ، وَهُوَ ضَعِيفٌ.

سعید بن مسیب فرماتے ہیں : میں حضرت زید بن ثابت رضی اللہ عنہ کے جنازے میں شریک ہوا، جب انہیں قبر میں دفن کر دیا گیا ، تو حضرت عبداللہ بن عباس رضی اللہ عنہ نے فرمایا ! اے لوگو! جو شخص یہ پسند کرتا ہو کہ اسے یہ پتہ چل جائے کہ علم کیسے رخصت ہوتا ہے ؟ علم اس طرح رخصت ہو گا ، اللہ کی قسم ! آج بہت سا علم رخصت ہو گیا ۔سعید بن مسیب فرماتے ہیں : کہنے والا یہ بھی کہے گا : آج بہت سا علم رخصت ہو گیا ، ان کی مراد ، حضرت عبداللہ بن عباس رضی اللہ عنہ تھے ۔ یہ روایت امام طبرانی نے معجم کبیر میں نقل کی ہےاس کی سند میں ایک راوی علی بن زید بن جدعان ہے اور وہ ضعیف ہے ۔

ابْنُ عَبَّاسٍ: يَا هَؤُلَاءِ، مَنْ سَرَّهُ ← شَهِدْتُ جِنَازَةَ زَيْدِ بْنِ ثَابِتٍ، فَلَمَّا دُفِنَ فِي قَبْرِهِ ← سَعِيدِ بْنِ الْمُسَيِّبِ،