Musannaf Abdul Razzaq

عَبْدُ الرَّزَّاقِ عَنْ مَعْمَرٍ، عَنْ أَيُّوبَ قَالَ: سَمِعْتُ الْحَسَنَ يَقُولُ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «الصَّبْرُ عِنْدَ الصَّدْمَةِ الْأُولَى، وَالْعِبَرَةُ لَا يَمْلِكُهَا ابْنُ آدَمَ، صُبَابَةُ الْمَرْءِ إِلَى أَخِيهِ»

حسن بصری بیان کرتے ہیں: نبی اکرمﷺ نے ارشاد فرمایا ہے : صبر صدمہ کے آغاز میں ہوتا ہے اور انسان عبرت کا مالک نہیں ہوتا آدمی کی بیقراری اپنے بھائی کی وجہ سے ہوتی ہے ۔

الْحَسَنِ، ← أَيُّوبَ، ← مَعْمَرٌ، ← عَبْدُ الرَّزَّاقِ،

عَبْدُ الرَّزَّاقِ عَنْ مَعْمَرٍ، عَنْ يَحْيَى بْنِ كَثِيرٍ قَالَ: بَلَغَنِي أَنَّ النَّبِيَّ صَلَّى اللهُ عَلَيْهِ وَسَلَّمَ مَرَّ بِامْرَأَةٍ قَدْ أُصِيبَتْ بِوَلَدِهَا فَسَمِعَ مِنْهَا مَا يَكْرَهُ فَوَقَفَ عَلَيْهَا يَعِظُهَا فَقَالَتْ لَهُ: اذْهَبْ إِلَيْكَ، فَلَيْسَ فِي صَدْرِكَ مَا فِي صَدْرِي، فَوَلَّى عَنْهَا، فَقِيلَ لَهَا: وَيْحَكِ مَا تَدْرِينَ مَنْ وَقَفَ عَلَيْكِ؟ هُوَ رَسُولُ اللَّهِ صَلَّى اللهُ عَلَيْهِ وَسَلَّمَ فَاتَّبَعْتُهُ فَقَالَتْ: يَا رَسُولَ اللَّهِ، مَا عَرَفْتُكَ، فَقَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «اذْهَبِي إِلَيْكِ، فَإِنَّمَا الصَّبْرُ عِنْدَ الصَّدْمَةِ الْأُولَى»

6668 - یحییٰ بن کثیر بیان کرتے ہیں: مجھ تک یہ روایت پہنچی ہے کہ نبی اکرمﷺ کا گزر ایک خاتون کے پاس سے ہوا جس کے بچہ کا انتقال ہوا تھا تو نبی اکرمﷺ نے اُس کی طرف ایسی آواز سنی جو آپ کو اچھی نہیں لگی آپ اُسے وعظ و نصیحت کرنے کے لیے اُس کے پاس ٹھہر گئے تو اُس خاتون نے آپ سے کہا: آپ چلے جائیں ! آپ کے سینہ میں اتنا غم نہیں ہے جتنا میرے سینہ میں ہے ۔ تو نبی اکرمﷺ اُس خاتون کے پاس سے چلے گئے ۔ اُس خاتون سے کہا گیا : تمہارا ستیاناس ہو ! کیا تمہیں پتا نہیں چلا کہ تمہارے پاس کون ٹھہرا تھا وہ اللہ کے رسول تھے ۔ وہ خاتون نبی اکرمﷺ کے پیچھے آئی اُس نے عرض کی : یا رسول اللہ! میں آپ کو پہچانی نہیں تھی۔ نبی اکرمﷺ نے فرمایا: تم چلی جاؤ! کیونکہ صبر صدمہ کے آغاز میں ہوتا ہے ۔

بلغني ← يَحْيَی بْنُ کَثِيرٍ ← مَعْمَرٌ، ← عَبْدُ الرَّزَّاقِ،

عَبْدُ الرَّزَّاقِ عَنِ الثَّوْرِيِّ، عَنْ مَنْصُورٍ، عَنْ مُجَاهِدٍ قَالَ: بَلَغَنِي «أَنَّ الصَّبْرَ عِنْدَ الصَّدْمَةِ الْأُولَى»

6669 - مجاہد فرماتے ہیں: مجھ تک یہ روایت پہنچی ہے کہ صبر صدمہ کے آغاز میں ہوتا ہے ۔

بَلَغَنِي «أَنَّ الصَّبْرَ عِنْدَ الصَّدْمَةِ الْأُولَى» ← مُجَاهِدٍ ← مَنْصُورٌ، ← الثَّوْرِيُّ ← عَبْدُ الرَّزَّاقِ،

عَبْدُ الرَّزَّاقِ عَنْ مَعْمَرٍ، وَالثَّوْرِيِّ، عَنْ عَاصِمِ بْنِ سُلَيْمَانَ، عَنْ أَبِي عُثْمَانَ النَّهْدِيِّ، عَنْ أُسَامَةَ بْنِ زَيْدٍ قَالَ: كُنَّا جُلُوسًا عِنْدَ النَّبِيِّ صَلَّى اللهُ عَلَيْهِ وَسَلَّمَ [ص:552]، فَأَرْسَلَتِ ابْنَةُ النَّبِيِّ صَلَّى اللهُ عَلَيْهِ وَسَلَّمَ أَنَّ ابْنَتِي تُقْبَضُ فَأْتِنَا، فَأَرْسَلَ: يَقْرَأُ عَلَيْكِ السَّلَامَ وَيَقُولُ: «إِنَّ لِلَّهِ مَا أَخَذَ، وَلَهُ مَا أَعْطَى، وَكُلُّ شَيْءٍ عِنْدَهُ بِأَجَلٍ مُسَمًّى، فَلْتَصْبِرْ وَلْتَحْتَسِبْ» فَأَرْسَلَتْ تُقْسِمُ عَلَيْهِ لَيَأْتِيَنَّ قَالَ: فَقَامَ، فَقُمْنَا، وَمَعَهُ مُعَاذُ بْنُ جَبَلٍ وَأُبَيُّ بْنُ كَعْبٍ وَسَعْدُ بْنُ عُبَادَةَ قَالَ: فَأَخَذَ الصَّبِيَّةَ وَنَفْسُهَا تَتَقَعْقَعُ فِي صَدْرِهَا فَدَمَعَتْ عَيْنَاهُ، فَقَالَ سَعْدٌ: يَا رَسُولَ اللَّهِ مَا هَذَا؟ فَقَالَ: «هَذِهِ رَحْمَةٌ جَعَلَهَا اللَّهُ فِي قُلُوبِ عِبَادِهِ، وَإِنَّمَا يَرْحَمُ اللَّهُ مِنْ عِبَادِهِ الرُّحَمَاءَ»

6670 – حضر ت اسامہ بن زید بیان کرتے ہیں: ہم نبی اکرم ﷺ کے پاس بیٹھے ہوئے تھے نبی اکرمﷺ کی صاحبزادی نے آپ کو پیغام بھیجوایا کہ میری بیٹی کا انتقال ہو گیا ہے تو آپ ہمارے پاس تشریف لے آئیں ۔ تو نبی اکرمﷺ نے اُسے سلام بھیجا اور یہ فرمایا: اللہ تعالیٰ جو کچھ واپس لے وہ اُس کا ہے اور جو کچھ اُسے عطا ء کیا ہو وہ بھی اُسی کی ملکیت ہے اُس کی بارگاہ میں ہر چیز کے لیے ایک متعین مدت ہے تو تم صبر سے کام لو اور ثواب کی اُمید رکھو۔ تو اُس صاحبزادی نے نبی اکرمﷺ کو پیغام بھیجوا کر آپ کو یہ قسم دی کہ آپ ضرور تشریف لائیں ۔ راوی بیان کرتے ہیں: نبی اکرمﷺ کھڑے ہوئے ہم بھی کھڑے ہو گئے ۔ نبی اکرمﷺ کے ساتھ حضرت معاذ بن جبل حضرت اُبی بن کعب اور حضرت سعد بن عباس بھی تھے ۔ راوی بیان کرتے ہیں: نبی اکرمﷺ نے اُس بچی کو پکڑا تو اُس کا سانس سینہ میں اُکھڑا کر آرہا تھا تو نبی اکرمﷺ کی آنکھوں سے آنسو جاری ہو گئے ۔ حضرت سعد نے عرض کی : یا رسول اللہ! یہ کس وجہ سے ہے ؟ نبی اکرمﷺ نے فرمایا: یہ وہ رحمت ہے جو اللہ تعالیٰ نے اپنے بندوں کے دلوں میں رکھی ہے اور اللہ تعالیٰ اپنے بندوں میں سے رحم کرنے والے بندوں پر ہی رحم کرتا ہے ۔

كُنَّا جُلُوسًا عِنْدَ النَّبِيِّ فَأَرْسَلَتِ ابْنَةُ النَّبِيِّ ← أَسَامَةَ بْنِ زَيْدٍ ← أَبِي عُثْمَانَ النَّهْدِيِّ ← عَاصِمِ بْنِ سُلَيْمَانَ ← مَعْمَرٌ وَالثَّوْرِيُّ؛ ← عَبْدُ الرَّزَّاقِ،

عَبْدُ الرَّزَّاقِ عَنْ مُحَمَّدِ بْنِ رَاشِدٍ، عَنْ مَكْحُولٍ،

6671 - یہی روایت ایک اور سند کے ہمراہ منقول ہے ۔

مَكْحُولٌ ← مُحَمَّدُ بْنُ رَاشِدٍ، ← عَبْدُ الرَّزَّاقِ،

قَالَ عَبْدُ الرَّزَّاقِ: وَأَخْبَرَنِيهِ سُفْيَانُ بْنُ عُيَيْنَةَ، عَنِ ابْنِ أَبِي حُسَيْنٍ، عَنْ مَكْحُولٍ قَالَ: دَخَلَ رَسُولُ اللَّهِ صَلَّى اللهُ عَلَيْهِ وَسَلَّمَ وَهُوَ مُعْتَمِدٌ عَلَى عَبْدِ الرَّحْمَنِ بْنِ عَوْفٍ وَإِبْرَاهِيمُ ابْنُ النَّبِيِّ صَلَّى اللهُ عَلَيْهِ وَسَلَّمَ يَجُودُ بِنَفْسِهِ، فَلَمَّا رَآهُ دَمَعَتْ عَيْنَاهُ فَقَالَ لَهُ عَبْدُ الرَّحْمَنِ بْنُ عَوْفٍ: أَيْ رَسُولَ اللَّهِ، تَبْكِي؟ مَتَى يَرَاكَ الْمُسْلِمُونَ تَبْكِي يَبْكُوا قَالَ: فَلَمَّا تَرَقْرَقَتْ [ص:553] عَبْرَتُهُ قَالَ: «إِنَّمَا هَذَا رَحِمٌ، وَإِنَّ مَنْ لَا يَرْحَمُ لَا يُرْحَمُ، إِنَّمَا أَنْهَى النَّاسَ عَنِ النِّيَاحَةِ وَأَنْ يُنْدُبَ الْمَيِّتُ بِمَا لَيْسَ فِيهِ» فَلَمَّا قَضَى قَالَ: «لَوْلَا أَنَّهُ وَعْدٌ جَامِعٌ وَسَبِيلٌ مَأْتِيٌّ، وَأَنَّ الْآخِرَ مِنَّا يَلْحَقُ بِالْأَوَّلِ لَوَجَدْنَا غَيْرَ الَّذِي وَجَدْنَا، وَإِنَّا بِكَ يَا إِبْرَاهِيمُ لَمَحْزُونُونَ، تَدْمَعُ الْعَيْنُ، وَيَجِدُ الْقَلْبُ، وَلَا نَقُولُ مَا يُسْخِطُ الرَّبَّ، وَفَضْلُ رَضَاعِهِ فِي الْجَنَّةِ»

6672 - مکحول بیان کرتے ہیں: نبی اکرمﷺ تشریف لائے آپ نے حضرت عبدالرحمٰن بن عوف کے ساتھ ٹیک لگائی ہوئی تھی نبی اکرمﷺ کے صاحبزادے حضرت ابراہیم کی سانس اُکھڑ رہی تھی جب نبی اکرمﷺ نے اُنہیں دیکھا تو آپ کی آنکھوں سے آنسو جاری ہو گئے حضرت عبدالرحمٰن بن عوف نے عرض کی : یا رسول اللہ! کیا آپ روئے ہیں؟ جب مسلمان آ پ کو روتے ہوئے دیکھیں گے تو وہ بھی رونے لگیں گے۔ راوی کہتے ہیں: نبی اکرمﷺ نے فرمایا : یہ رحم ہے اور جو شخص رحم نہیں کرتا اُس پر رحم نہیں کیا جاتا میں نے لوگوں کو نوحہ کرنے سے اور میت کے بارے میں ایسی چیزیں بیان کرنے سے منع کیا ہے جو اُس میں موجود نہیں ہوتی ہیں۔ جب آپ کے صاحبزادے کا انتقال ہو گیا تو نبی اکرمﷺ نے ارشاد فرمایا: اگر متعین وعدہ نہ ہوتا اور آنے کا راستہ نہ ہوتا اور بعد والوں نے بھی پہلے والوں سے جا کر ملنا نہ ہوتا تو صورت حال اس سے مختلف ہوتی جو اس وقت ہے اے ابراہیم! تمہاری وجہ سے ہم غمگین رو رہی ہیں اور دل میں غم ہے اور ہم کوئی ایسی بات نہیں کہتے جو پروردگار کو ناراض کرے اس کی رضاعت جنت میں ہو گی۔

عَبْدُ الرَّزَّاقِ عَنْ مَعْمَرٍ، عَنْ ثَابِتٍ الْبُنَانِيِّ، عَنْ أَنَسِ بْنِ مَالِكٍ، أَنَّ فَاطِمَةَ، «بَكَتْ رَسُولَ اللَّهِ صَلَّى اللهُ عَلَيْهِ وَسَلَّمَ يَا أَبَتَاهُ، مِنْ رَبِّهِ مَا أَدْنَاهُ، يَا أَبَتَاهُ إِلَى جِبْرِيلَ أَنْعَاهُ، يَا أَبَتَاهُ جَنَّةُ الْفِرْدَوْسِ مَأْوَاهُ»

6673 - حضرت انس بن مالک بیان کرتے ہیں: سیدہ فاطمہ نے روتے ہوئے کہا: اے ابا جان ! آپ اپنے پروردگار کی بارگاہ میں کتنے مقرب تھے ! اے ابا جان! ہم حضرت جبرائیل کو آپ کے انتقال کی اطلاع دیتے ہیں اے اب جان ! جنت الفردوس آپ کا ٹھکانہ ہے۔

ثَابِتٍ الْبُنَانِيِّ ← مَعْمَرٌ، ← عَبْدُ الرَّزَّاقِ،

عَبْدُ الرَّزَّاقِ عَنْ مَعْمَرٍ، وَابْنِ جُرَيْجٍ، عَنْ هِشَامِ بْنِ عُرْوَةَ، عَنْ وَهْبِ بْنِ كَيْسَانَ أَيْضًا، عَنْ مُحَمَّدِ بْنِ عَمْرٍو، أَنَّ سَلَمَةَ بْنَ الْأَزْرَقِ، أَخْبَرَهُ أَنَّهُ كَانَ جَالِسًا مَعَ ابْنِ عُمَرَ ذَاتَ يَوْمٍ بِالسُّوقِ، فَمُرَّ بِجِنَازَةٍ يُبْكَى [ص:554] عَلَيْهَا فَعَابَ ذَلِكَ ابْنُ عُمَرَ وَانْتَهَرَهُمْ، فَقَالَ لَهُ سَلَمَةُ بْنُ الْأَزْرَقِ: لَا تَقُلْ ذَلِكَ يَا أَبَا عَبْدِ الرَّحْمَنِ، فَأَشْهَدُ عَلَى أَبِي هُرَيْرَةَ سَمِعْتُهُ يَقُولُ وَتُوُفِّيَتِ امْرَأَةٌ مِنْ كَنَائِنِ مَرْوَانَ فَشَهِدْتُهَا فَأَمَرَ مَرْوَانُ بِالنِّسَاءِ اللَّاتِي يَبْكِينَ أَنْ يُضْرَبْنَ، فَقَالَ أَبُو هُرَيْرَةَ: دَعْهُنَّ يَا أَبَا عَبْدِ الْمَلِكِ فَإِنَّهُ مَرَّ النَّبِيُّ صَلَّى اللهُ عَلَيْهِ وَسَلَّمَ بِجِنَازَةٍ يُبْكَى عَلَيْهَا وَأَنَا مَعَهُ وَمَعَهُ عُمَرُ بْنُ الْخَطَّابِ فَانْتَهَرَ عُمَرُ اللَّائِي يَبْكِينَ، فَقَالَ لَهُ النَّبِيُّ صَلَّى اللهُ عَلَيْهِ وَسَلَّمَ: «دَعْهُنَّ يَا ابْنَ الْخَطَّابِ، فَالنَّفْسُ مُصَابَةٌ، وَالْعَيْنُ دَامِعَةٌ، وَإِنَّ الْعَهْدَ حَدِيثٌ». قَالَ: أَنْتَ سَمِعْتَهُ قَالَ؟ قُلْتُ: نَعَمْ قَالَ: اللَّهُ وَرَسُولُهُ أَعْلَمُ

6674 – سلمہ بن ازرق بیان کرتے ہیں: ایک مرتبہ وہ حضرت عبداللہ بن عمر کے ساتھ بازار میں بیٹھے ہوئے تھے اسی دوران ایک جنازہ گزرا جس پر رویا جا رہا تھا تو حضرت عبداللہ بن عمر نے اُن لوگوں پر تنقید کرتے ہوئے اُنہیں جھڑ کا سلمہ بن ازرق نے اُن سے کہا: اے ابو عبدالرحمٰن! آپ ایسا نہ کہیں! کیونکہ میں حضرت ابو ہریرہ کے بارے میں گواہی دے کر یہ بات بیان کرتا ہوں کہ میں نے اُنہیں یہ کہتے ہوئے سنا ہے کہ مروان کے عزیزوں میں سے ایک خاتون کا انتقال ہو گیا تو میں اُس کے جنازہ میں شریک ہوا مروان نے خواتین کے بارے میں یہ حکم دیا کہ خواتین روتی ہیں اُن کی پیٹائی کی جائے۔ تو حضرت ابو ہریرہ نے کہا : اے ابو عبدالملک! تم انہیں کرنے دو! کیونکہ نبی اکرمﷺ کا گز ر ایک جنازے کے پاس سے ہوا جس پر رویا جا رہا تھا نبی اکرمﷺ کے ساتھ میں تھا اور آپ کے ساتھ حضرت عمر بن خطاب بھی تھے تو عمر نے رونے والی خواتین کو ڈانٹا تو نبی اکرمﷺ نے اُن سے فرمایا: اے خطاب کے بیٹے! اُنہیں رونے دو ! کیونکہ اُنہیں مصیبت لاحق ہوئی ہے آنکھ روتی ہے اور مصیبت کا وقت قریب ہے ۔ حضرت عبداللہ بن عمر نے دریافت کیا: کیا تم نے خود اُن کی زبانی یہ بات سنی ہے ؟ تو میں نے جواب دیا:جی ہاں! تو حضرت عبداللہ بن عمر نے فرمایا: اللہ اور اُس کا رسول زیادہ بہتر جانتے ہیں!

مُحَمَّدِ بْنِ عَمْرٍو، ← وَهْبِ بْنِ كَيْسَانَ أَيْضًا، ← هِشَامُ بْنُ عُرْوَةَ، ← مَعْمَرٌ، وَابْنُ جُرَيْجٍ، ← عَبْدُ الرَّزَّاقِ،

عَبْدُ الرَّزَّاقِ عَنِ ابْنِ جُرَيْجٍ قَالَ: أَخْبَرَنِي عَبْدُ اللَّهِ بْنُ أَبِي مُلَيْكَةَ قَالَ: تُوُفِّيَتِ ابْنَةٌ لِعُثْمَانَ بْنِ عَفَّانَ بِمَكَّةَ فَجِئْنَا لِنَشْهَدَهَا، أَوْ قَالَ: فَجِئْنَا لِنَحْضُرَهَا فَحَضَرَهَا ابْنُ عُمَرَ، وَابْنُ عَبَّاسٍ، فَقَالَ: إِنِّي لَجَالِسٌ بَيْنَهُمَا جَلَسْتُ إِلَى أَحَدِهِمَا ثُمَّ جَاءَ الْآخَرُ فَجَلَسَ إِلَى جَنْبِي، فَقَالَ عَبْدُ اللَّهِ بْنُ عُمَرَ لِعَمْرِو بْنِ عُثْمَانَ وَهُوَ مُوَاجِهُهُ: أَلَا تَنْهَى عَنِ الْبُكَاءِ فَإِنَّ رَسُولَ اللَّهِ صَلَّى اللهُ عَلَيْهِ وَسَلَّمَ قَالَ: «إِنَّ الْمَيِّتَ لَيُعَذَّبُ بِبُكَاءِ [ص:555] أَهْلِهِ عَلَيْهِ» فَقَالَ ابْنُ عَبَّاسٍ: قَدْ كَانَ عُمَرُ يَقُولُ بَعْضَ ذَلِكَ، ثُمَّ حَدَّثَ قَالَ: صَدَرْتُ مَعَ عُمَرَ مِنْ مَكَّةَ حَتَّى إِذَا كُنَّا بِالْبَيْدَاءِ إِذَا هُوَ بِرَكْبٍ تَحْتَ ظِلِّ شَجَرَةٍ، ثُمَّ قَالَ: اذْهَبْ فَانْظُرْ مَنْ هَؤُلَاءِ الرَّكْبُ، فَنَظَرْتُ فَإِذَا هُوَ صُهَيْبٌ فَأَخْبَرْتُهُ قَالَ: فَادْعُهُ لِي قَالَ: فَرَجَعْتُ إِلَى صُهَيْبٍ، فَقُلْتُ: ارْتَحِلْ فَالْحَقْ أَمِيرَ الْمُؤْمِنِينَ، فَلَمَّا أَنْ أُصِيبَ عُمَرُ دَخَلَ صُهَيْبٌ يَبْكِي يَقُولُ: وَا أَخَاهُ وَا صَاحِبَاهُ، فَقَالَ عُمَرُ: يَا صُهَيْبُ تَبْكِي عَلَيَّ وَقَدْ قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِنَّ الْمَيِّتَ لَيُعَذَّبُ بِبُكَاءِ أَهْلِهِ» قَالَ ابْنُ عَبَّاسٍ فَلَمَّا مَاتَ عُمَرُ ذَكَرْتُ ذَلِكَ لِعَائِشَةَ، فَقَالَتْ: يَرْحَمُ اللَّهُ عُمَرَ، وَاللَّهِ مَا حَدَّثَ رَسُولُ اللَّهِ صَلَّى اللهُ عَلَيْهِ وَسَلَّمَ أَنَّ اللَّهَ يُعَذِّبُ الْمُؤْمِنِينَ بِبُكَاءِ أَحَدٍ، وَلَكِنْ قَالَ: «إِنَّ اللَّهَ يَزِيدُ الْكَافِرَ عَذَابًا بِبُكَاءِ أَهْلِهِ عَلَيْهِ» قَالَ: وَقَالَتْ عَائِشَةُ: وَحَسْبُكُمُ الْقُرْآنُ {لَا تَزِرُ وَازِرَةٌ وِزْرَ أُخْرَى} [الأنعام: 164] قَالَ: قَالَ ابْنُ عَبَّاسٍ عِنْدَ ذَلِكَ: وَاللَّهِ أَضْحَكُ وَأَبْكِي، قَالَ ابْنُ أَبِي مُلَيْكَةَ: فَوَاللَّهِ مَا قَالَ ابْنُ عُمَرَ مِنْ شَيْءٍ

6675 - عبداللہ بن ابو ملیکہ بیان کرتے ہیں: حضرت عثمان گنی کی صاحبزادی کا انتقال مکہ میں ہوا تو ہم اُن کے جنازہ میں شرکت کے لیے آئے اُس جنازہ میں حضرت عبداللہ بن عمر اور حضرت عبداللہ بن عباس بھی شریک ہوئے۔ راوی کہتے ہیں: میں ان دونوں حضرات کے درمیان بیٹھ گیا میں ان میں سے ایک کے پاس بیٹھا ہوا تھا کہ اسی دوران دوسرے صاحب تشریف لے آئے اور میرے پہلو میں آکر بیٹھ گئے تو حضرت عبداللہ بن عمر نے حضرت عثمان کے صاحبزادے عمرو سے کہا: کیا آپ انہیں رونے سے منع نہیں کرتے ہیں؟ نبی اکرمﷺ نے ارشاد فرمایا: میت کو اُس کے اہل خانہ کے اُس پر رونے کی وجہ سے عذاب دیا جاتا ہے۔ اس پر حضرت عبداللہ بن عباس نے فرمایا: حضرت عمر بھی اس طرح کی بات کہا کرتے تھے پھر حضرت عبداللہ بن عباس نے بتایا: ایک مرتبہ حضرت عمر کے ساتھ مکہ سے واپس آرہا تھا یہاں تک کہ جب ہم بیدا ء کے مقام پر پہنچے تو وہاں ایک درخت کہ سائے میں کچھ سوار موجود تھے۔ حضرت عمر نے فرمایا: تم جاؤ اور جا کر جائزہ لو کہ یہ سوار کون ہیں؟ میں نے جا کر دیکھا تو وہ حضرت صہیب تھے۔ میں نے حضرت عمر کو آکر اس بارے میں بتایا تو اُنہوں نے کہا: اُسے میرے پاس بلا کر لے کر آؤ۔ میں واپس حضرت صہیب کے پاس گیا اور میں نے کہا: آپ تیار ہو جائیں اور امیر المؤمنین کے ساتھ مل جائیں ۔ جب حضرت عمر کا زخمی کیا گیا تو حضرت صہیب روتے ہوئے اُن کے پاس آئے اور بولے : ہائے بھائی جان ! ہائے ساتھی! تو حضرت عمر نے کہا: اے صہیب ! تم مجھ پر رو رہے ہو جبکہ نبی اکرمﷺ نے یہ بات ارشاد فرمائی ہے : میت کے گھر والوں کے اُس پر رونے کی وجہ سے میت کو عذاب دیا جاتا ہے ۔ حضرت عبداللہ بن عباس نے یہ بتایا کہ جب حضرت عمر کا انتقال ہو گیا تو میں نے سیدہ عائشہ کے سامنے یہ بات ذکر کی تو سیدہ عائشہ نے فرمایا: اللہ تعالیٰ حضرت عمر پر رحم کرے ! اللہ کی قسم! نبی اکرمﷺ نے یہ ارشاد نہیں فرمایا کہ کسی کے رونے کی وجہ سے اللہ تعالیٰ مؤمنین کو عذاب دے گا بلکہ نبی اکرمﷺ نے یہ ارشاد فرمایا ہے : اللہ تعالیٰ کافر شخص کے گھر والوں کے اُس پر رونے کے ذریعہ کافر کے عذاب میں اضافہ کر دیتا ہے ۔ سیدہ عائشہ نے یہ بھی فرمایا: تم لوگوں کے لیے قرآن کی یہ آیت کافی ہے : کوئی بوجھ اُٹھانے والا کسی دوسرے کا بوجھ نہیں اُٹھائے گا ۔ حضرت عبداللہ بن عباس نے اس موقع پر یہ آیت بھی تلاوت کی : اور اللہ تعالیٰ ہی ہنساتا ہے اور وہی رلاتا ہے۔ابن ابو ملیکہ بیان کرتے ہیں: اللہ کی قسم! اس کے جواب میں حضرت عبداللہ بن عمر نے کچھ نہیں کہا ۔

عَبْدِ اللَّهِ بْنِ أَبِي مُلَيْکَةَ ← ابْنُ جُرَيْجٍ، ← عَبْدُ الرَّزَّاقِ،

عَبْدُ الرَّزَّاقِ عَنْ مَعْمَرٍ، عَنْ أَيُّوبَ، عَنِ ابْنِ سِيرِينَ، أَنَّ صُهَيْبًا، قَالَ لِعُمَرَ: يَا أَخَاهُ، يَا صَاحِبَاهُ، فَقَالَ عُمَرُ: «اسْكُتْ، وَيْحَكَ أَمَا سَمِعْتَنَا نَتَحَدَّثُ أَنَّ الْمُعَوَّلَ عَلَيْهِ يُعَذَّبُ؟». عَبْدُ الرَّزَّاقِ، [ص:556]

6676 - ابن سیرین بیان کرتے ہیں: حضرت صہیب نے حضرت عمر سے کہا: اے بھائی! اے میرے ساتھی! تو حضرت عمر نے کہا: تم خاموش ہو جاؤ! تمہارا ستیاناس ہو ! کیا تم نے ہمیں نہیں سنا کہ ہم یہ بات چیت کیا کرتے تھے کہ رونے کی وجہ سے آدمی کو عذاب دیا جاتا ہے ۔

لِعُمَرَ: يَا أَخَاهُ، يَا صَاحِبَاهُ، ← ابْنِ سِيرِينَ، أَنَّ صُهَيْبًا، ← أَيُّوبَ، ← مَعْمَرٌ، ← عَبْدُ الرَّزَّاقِ،

عَنْ جَعْفَرٍ، عَنْ ثَابِتٍ، عَنْ أَبِي رَافِعٍ، أَنَّهُ سَمِعَ ذَلِكَ، مِنْ عُمَرَ، مِثْلَ حَدِيثِ مَعْمَرٍ

6677 - اسی کی مانند روایت ایک اور سند کے ساتھ حضرت عمر کے بارے میں منقول ہے ۔

ذَلِكَ، مِنْ عُمَرَ، مِثْلَ حَدِيثِ مَعْمَرٍ ← أبي رافع أنه ← ثَابِتٍ، ← جَعْفَرٌ،

عَبْدُ الرَّزَّاقِ عَنْ مَعْمَرٍ قَالَ: سَمِعْتُ شَيْخًا، يُقَالُ لَهُ أَبُو عُمَرَ قَالَ: سَمِعْتُ ابْنَ عُمَرَ، يَقُولُ وَهُوَ فِي جِنَازَةِ رَافِعِ بْنِ خَدِيجٍ، وَقَامَ النِّسَاءُ يَبْكِينَ عَلَى رَافِعٍ فَأَجْلَسَهُنَّ مِرَارًا، ثُمَّ قَالَ لَهُنَّ: «وَيَحَكُنَّ إِنَّ رَافِعَ بْنَ خَدِيجٍ شَيْخٌ كَبِيرٌ لَا طَاقَةَ لَهُ بِالْعَذَابِ، وَإِنَّ الْمَيِّتَ يُعَذَّبُ بِبُكَاءِ أَهْلِهِ عَلَيْهِ»

6678 - ابو عمر نامی ایک بزرگ بیان کرتے ہیں: میں نے حضرت عبداللہ بن عمر کو یہ کہتے ہوئے سنا وہ اُس وقت حضرت رافع بن خدیج کے جنازہ میں شریک تھے اور خواتین حضرت رافع پر رو رہی تھیں اُن خواتین کو اُنہوں نے کئ مرتبہ بیٹھایا اور پھر اُن سے کہا : تمہارا ستیاناس ہو ! رافع بن خدیج ایک بوڑھے آدمی ہیں وہ عذاب کی طاقت نہیں رکھتے ہیں اور میت کے گھر والوں کے اُس پر رونے کی وجہ سے میت کو عذاب دیا جاتا ہے ۔

ابْنِ عُمَرَ ← شَيْخًا، يُقَالُ لَهُ أَبُو عُمَرَ ← مَعْمَرٌ، ← عَبْدُ الرَّزَّاقِ،