Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے ایک آدمی کو سنا کہ وہ مسجد میں گم شدہ شی کا اعلان کر رہا ہے' آ پ صلی اللہ علیہ وآلہ وسلم نے فرمایا: نہ ملے ! تم بھی کہو! (اللہ کرے ) نہ ملے، کیونکہ مسجدیں اس کام کے لئے نہیں بنائی گئی ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: یہودی اور عیسائی اپنی داڑھی کو مہندی نہیں لگاتے' تم ان کی مخالفت کیا کرو' (تم لگایا کرو۔ )

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: قیامت کے دن اللہ عزوجل دو آدمیوں کی طرف نظر رحمت نہیں کرے گا: 1۔ بوڑھا زانی اور 2۔ بوڑھی زانیہ ۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: آدمی کے اسلام کی خوبی یہ ہے کہ وہ لا یعنی (فضول) کاموں سے منع کرتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم کی عادت مبارک تھی کہ جب آپ حالتِ جنابت میں ہوتے اور کھانے یا سونے کا ارادہ کرتے تو وضو کرتے تھے۔

حضرت ابو ہریرہ رضی اللہ تعالیٰ عنہ سے روایت ہے : وہ فرماتے ہیں: رسول کریم صلی اللہ علیہ وآلہ وسلم سے جب کوئی نوجوان بوسہ لینے کے بارے میں پوچھتا تو منع فرما دیتے اور جب کوئی بوڑھا آدمی پوچھتا تو اجازت عنایت فرمادیتے اور فرماتے : بے شک نوجوان ، بوڑھے آدمی کی طرح نہیں ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے ایک جنازہ میں (بطور دعا) الحمد للہ رب العالمین پڑھا۔

حضرت ابو ہریر ہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اجازت لینے والے کو اجازت نہ دی جائے یہاں تک کہ پہلے وہ سلام کرے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: امام کی اقتداء ضروری ہے' جب امام اللہ اکبر کہے تو تم بھی اللہ اکبر کہو' جب امام رکوع کرے تو تم بھی رکوع کرو' جب امام سمع اللہ لمن حمدہ کہے تو تم الحمد للہ کہو' جب امام بیٹھ کر نماز پڑھے تو تم تمام بیٹھ کر نماز پڑھو۔

پھر حضور صلی اللہ علیہ وآلہ وسلم نے فرمایا: قبر جنت کے باغوں میں سے ایک باغ ہوتا ہے یا جہنم کے گڑھوں میں سے ایک گڑھا ہوتا ہے۔

حضرت ابو ہریر ہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے منع فرمایا کہ جانور کو تیر مار کر کھا لیا جائے' ہاں اگر زبح کر لیا جائے تو کوئی حرج نہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: یہ اخلاق اللہ تعالیٰ کی طرف سے عطیہ ہیں' جس آدمی سے اللہ تعالیٰ بھلائی کا ارادہ کرتا ہے ، اس کو اچھے اخلاق کی توفیق دیتا ہے اور جس کی قسمت میں بُرائی لکھی ہوتی ہے، اس کے لئے بُرے اخلاق مزین کیے جاتے ہیں۔