Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو آدمی مفلس ہوا جبکہ اس کے پاس کسی آدمی کا معین مال موجود ہے، جس میں سے کسی شی پر قبضہ نہیں کیا گیا، وہ اس معین مال کا زیادہ حق رکھتا ہے۔ پس اگر کسی شی پر قبضہ کر لیا تو سب قرض خواہوں کے برابر اس کو بھی حصہ ملے گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم ' حضرت ابو بکر و عمر رضی اللہ تعالیٰ عنہما کے درمیان باہر تشریف لائے' آپ صلی اللہ علیہ وآلہ وسلم نے فرمایا: ہم قیامت کے دن بھی اسی طرح اُٹھیں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: بے زبان جانور کسی کو مارے ' اور کنویں میں گرنے والے کی دیت نہیں ہے' رکاز میں خمس ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اپنے مابعد میں موت ایسے ہے جس طرح کہ نیزہ مارنا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے صحابہ کرام کو نماز پڑھائی' آپ صلی اللہ علیہ وآلہ وسلم (تعلیم امت کے لئے) بھلا دئیے گئے تو آپ صلی اللہ علیہ وآلہ وسلم نے دو سجدے سہو کے کیے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : تم باقاعدہ اپنے نسب سیکھو' جس کے ساتھ تمہاری رشتہ داری ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جہاد کرو' غنیمت ملے گی' روزے رکھو' صحت حاصل ہو گی' سفر کرو ' غنی ہو جاؤ گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: کلی کرو یا ناک میں پانی ڈالو اور کان بھی سر کا حصہ ہیں۔ (یہاں تخلیق کا بیان ہے۔)

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: چار دن کے بعد کوئی ذمہ داری نہیں ہے' دو بیع کرنے والوں کو اختیار ہوتا ہے جب تک دونوں جدا نہ ہوں۔ (کہ بیع پر قائم رہیں یا توڑ دیں۔)

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے منع فرمایا کہ آدمی حالتِ روزہ میں بوسہ لے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے ہم سے ملاوٹ کی، وہ ہم میں سے نہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: کسی عورت کے لئے جائز نہیں کہ وہ شوہر کے گھر کا دروازہ اس کی اجازت کے بغیر کے کھولے' جو عورت شوہر کے مال سے صدقہ کرے گی تو اس کو آدھا ثواب ہو گا' عورت ٹیڑھی پسلی سے پیدا کی گئی ہے' ٹیڑھی ہونے کے ساتھ ہی اس کے ساتھ نرمی سے پیش آؤ گے توا س سے فائدہ اُٹھاؤ گے اگر سیدھی کرو گے تو ٹوٹ جائے گی اور اس کا ٹوٹنا، اس کو جدا کرنا ہے۔