Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: بے شک اللہ تعالیٰ لوگوں کے دلوں سے علم نکالنے کے ساتھ ، علم قبض نہیں کرے گا بلکہ علماء کو اپنے پاس بلالے گا ، (جن کا نائب عالم نہیں ہو گا۔) جب علماء گزر جائیں گے تو لوگ جاہلوں کو اپنا سردار بنا لیں گے، جن سے سوال کئے جائیں گے اور وہ بغیر علم کےفتوے دیں گے، جس کی وجہ سے خود بھی گمراہ ہوں گے اور دوسروں کو بھی سیدھی راہ سے بھٹکا دیں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ میں نے حضور صلی اللہ علیہ وآلہ وسلم کو فرماتے ہوئے سنا: ہر وہ آدمی ! جس کا اونٹ ہو (اور وہ اس کی زکوٰۃ ادا نہ کرے تو قیامت کے دن اسے اپنی گردن پر سوار کر کے لائے گا اور وہ اونٹ آواز نکال رہا ہوگا ۔ )

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جانور جس کو مارے اس کی دیت نہیں' کنویں میں گرنے والے کی دیت نہیں ہے' کان میں گرنے والی چیز کی دیت نہیں ہے' رکاز میں خمس ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل نے حضرت ابراہیم علیہ السلام کی طرف وحی کی: اے میرے دوست! آپ کے اخلاق ہوں گے ' اگرچہ کافر کے ساتھ معاملہ ہو' نیک لوگوں کے پاس داخل ہو ا کر، کیونکہ میری بات اچھے اخلاق والے کے لئے سبقت لے گئی کہ میں اُسے اپنے عرش کے نیچے سایہ عطا کروں گا، میں اس کو اپنی خاص رحمت سے پلاؤں گا اور اُسے اپنی رحمت کے قریب کروں گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: دنابیر اور دراہم اللہ کی زمین میں اسکی مہریں ہیں، جو اپنے آقا کی مہر لائے گا، میں اس کا کام کردوں گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو بات کرتےوقت چھینک آ جائے' تو وہ بات درست ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل اس امت کے لئے ہر سو سال کے بعد ایک شخص پیدا ہو گا، جو اس کے لئے اس کے دین کا مجدد ہو گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل فرماتا ہے: میں شرک کرنے والوں کے شرک سے بے پرواہ ہوں ' جس نے کوئی عمل شرک والا کیا تو میں اس سے بری ہوں' یہ عمل اس کے لئے ہو گا، جس کو اس نے شریک بنایا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے ہمیں منع فرمایا کہ ہم میں سے کوئی کھڑے ہو کر جوتی پہنے اور ہڈی سے استنجا کرے یا اس چیز کے کے ساتھ جو پیٹ سے نکلتی ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: بے شک یہود و نصاریٰ (اپنے بالوں کو ) مہندی نہیں لگاتے، تم ان کی مخالفت کرو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس شخص کو اللہ تعالیٰ نعمت عطا کرے، وہ کثرت سے شکر ادا کرے۔ جس کے غم زیادہ ہوں، وہ استغفار کی کثرت کرے۔ جس کا رزق کم ہو، وہ "لا حول ولا قوۃ الا باللہ" کثرت سے پڑھے جس کسی قوم کے پاس اترے تو وہ نفلی روزہ رکھے تو ان کو بتا کر بتا کر رکھے۔ جو کسی کے گھر میں داخل ہو تو جہاں گھر والے کہیں' وہاں بیٹھے ، کیونکہ گھر والے اپنے گھر کی پردے والی جگہ کو زیادہ جاننے والے ہیں اور وہ گناہ جو گناہ کرنے والے پر ناراضگی لاتے ہیں : 1۔ کینہ۔ 2 ۔ حسد ۔ 3۔ عبادت میں سستی۔ 4 ۔ معاش میں تنگی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل ہر بنی آدم سے قیامت کے دن وہ بات پوچھے گا ' جس اس سے ہوئی ہو گی' اللہ عزوجل چاہے تو انہیں معاف کرے یا عذاب دے' سوائے حضرت یحییٰ بن زکریا علیہما السلام کے' کیونکہ آپ سردار تھے اور گناہوں سے الگ رہنے والے تھے اور صالحین نبیوں سے تھے۔ حضور صلی اللہ علیہ وآلہ وسلم نے زمین کے تنکے کی طرف اشارہ کر کے فرمایا: ان کا ذکر اس تنکے کی مثال ہے۔