Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو زمین آسمان کی بارش اور چشموں سے سیراب ہو' اس میں عشر ہے اور جو زمین خود سیراب کی جائے اس میں نصف عشر ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: سحری کیا کرو کیونکہ سحری کرنے میں برکت ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل ایک تیر کی وجہ سے تین آدمیوں کو جنت میں داخل کرے گا: ثواب کی نیت بنانے والے کو' اس کو پختہ کرنے والے کو اور اس کے مارنے والے کو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم پر جب وحی نازل ہوئی تو آپ کے سرانور کو درد ہوتی اور آپ اپنے سر مبارک پر مہندی لگاتے تھے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: دھوکہ باز کے لئے جھنڈا لگایا جائے گا اور کہا جائے گا: یہ اس طرح کام کیا کرتا تھا ' اس کے ساتھ اس اس طرح کیا جائے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: زانی زنا کرتے وقت کامل مؤمن نہیں ہوتا اور شرابی شراب پیتے وقت کامل مؤمن نہیں ہوتا، لیکن توبہ کا دروازہ کھلا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل اس بندہ کی مدد کرتا ہے' جب تک بندہ اپنے بھائی کی مدد کرتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم کے پاس ایک آدمی آیا' اس نے عرض کی: یا رسول اللہ ! میں نے زنا کیا ہے۔ آپ صلی اللہ علیہ وآلہ وسلم نے اس سے اعراض فرمایا' یہاں تک کہ چار مرتبہ آیا لیکن آپ صلی اللہ علیہ وآلہ وسلم نے ہر مرتبہ اعراض فرمایا' جب چوتھی مرتبہ آیا تو اس نے اپنی بات پر چار مرتبہ اقرار کیا' حضور صلی اللہ علیہ وآلہ وسلم نے اسے بلا کر فرمایا: کیا تو پاگل ہے؟ اس نے عرض کی: نہیں ! آپ صلی اللہ علیہ وآلہ وسلم نے فرمایا: تو شادی شدہ ہے؟ اس نے عرض کی: جی ہاں! آپ صلی اللہ علیہ وآلہ وسلم نے فرمایا: اسے لے جاؤ اور اسے رجم کرو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: میں نے ارادہ کیا کہ میں نماز کا حکم دوں، پس وہ کھڑی ہو جائے' پھر میں دیکھوں جو نماز میں شریک نہیں ہے' اسے اس کے گھر میں جال دوں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: کھنبی 'منّ سے ہے اور اس کا پانی آنکھ کے لئے شفاء ہے اور عجوہ ، جنت سے ہے اور یہ زہر کے لئے بھی شفا ہے' ۔

حضرت ابو ہریرہ رضی اللہ تعالیٰ عنہ ' حضور صلی اللہ علیہ وآلہ وسلم سے مرفوعاً روایت کرتے ہیں کہ آپ نے اس تصویر کی اجازت دی جو روندی جائے' جو لٹکائی جائے، اس کو ناپسند کیا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: تم میں سے کوئی اپنا پیٹ قے سے بھرے تو یہ اس کے بہتر ہے' اس سے کہ وہ اپنے پیٹ کو بُرے اشعار سے بھرے۔