Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کے پاس ایک برتن میں کھانا لایا گیا جو گرم تھا، آپ صلی اللہ علیہ و الہ وسلم نے جلدی اپنا دست مبارک اس پر رکھا ، پھر اپنا دست مبارک اٹھایا اور فرمایا : اللہ نے ہمیں آگ نہیں کھلائی ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ( چیزوں کی قیمتیں بتانے میں ) مبالغہ نہ کرو اور فریب سے کام نہ لو، ایک دوسرے سے بغض نہ رکھو، باہم حسد نہ کرو، باہم قطعی رحمی اور ایک دوسرے سے دشمنی نہ کرو، بھائی بھائی بن جاؤ، جس طرح اللہ نے تمہیں حکم دیا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : آسمان کے دروازے پیر اور جمعرات کو کھولے جاتے ہیں ، ہر اس شخص کو بخش دیا جاتا ہے جو اللہ کے ساتھ کسی کو شریک نہ ٹھہراتا ہو ، سوائے ان کے جو آپس میں ناراض ہوں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے گھنٹیاں کاٹنے کا حکم دیا ۔ جو اونٹوں کے گلے میں ان کی حفاظت کے لیے ڈالی جاتی تھیں۔ )

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا : کون مجھ سے یہ کلمات حاصل کرے گا اور عمل کرے گا یا اس کو سکھائے گا جو اس پر عمل کرے ؟ حضرت ابو ہریرہ رضی اللہ عنہ فرماتے ہیں : میں نے عرض کی : اے اللہ کے رسول ! میں کروں گا۔ پس نبی کریم صلی اللہ علیہ و الہ وسلم نے میرا ہاتھ پکڑ کر اس میں پانچ گرہیں لگائیں اور فرمایا : حرام چیزوں سے بچو تاکہ تم تمام لوگوں سے زیادہ پرہیزگار بن جاؤ۔ جو اللہ تعالیٰ نے تیری قسمت میں لکھا ہے ، اس پر راضی ہو جاؤ تاکہ تمام لوگوں سے زیادہ غنی ہو جاؤ۔ اپنے پڑوسی سے نیک سلوک کرو تاکہ تو سچے مومن بن سکو۔ لوگوں کے لیے وہی پسند کرو جو اپنے لیے پسند کرتے ہو تاکہ پکے مسلم بنو اور زیادہ مت ہنسو، کیونکہ ہنسنے کی کثرت دل کو مار دیتی ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم سے ایک آدمی نے عرض کی : یا رسول اللہ ! کیا آدمی ایک کپڑے میں نماز پڑھ سکتا ہے ؟ آپ صلی اللہ علیہ و الہ وسلم نے فرمایا : کیا تم میں سے کوئی دو کپڑے پاتا ہے ؟

حضرت ابو ہریرہ رضی اللہ عنہ روایت ہیں کہ تم میں سے کوئی ایک جوتی پہن کر نہ چلے ، تم میں جعفر بن ابو طالب کی مثل کوئی سوار نہیں ۔

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا : جب تمہارے پاس ایسا آدمی ( نکاح کا پیغام لیکر ) آئے ، جس کے دین اور اخلاق سے تم راضی ہو تو ( اپنی بیٹی کا ) اس سے نکاح کر دو ، اگر تم نے ایسا نہ کیا تو زمین میں فتنہ اور وسیع فساد ہوگا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : برا کھانا وہ ہے جس میں صرف مال داروں کو دعوت دی جائے اور کمزوروں کو نہ بلایا جائے ، جس کو دعوت دی جائے ، وہ قبول نہ کرے تو اس نے اللہ اور اس کے رسول کی نافرمانی کی ، پھر فرمایا : اللہ کی قسم ! میں خود نہیں کہتا ہوں۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ٹھہرو ! صبر سے کام لو ! ( اللہ سے مہلت مانگو ) اگر خشوع کرنے والے جوان نہ ہوتے ، رکوع کرنے والے بوڑھے نہ ہوتے ، دودھ پیتے بچے نہ ہوتے اور چرنے والے چوپائے نہ ہوتے ، دودھ پیتے بچے نہ ہوتے اور چرنے والے چوپائے نہ ہوتے تو تم پر عذاب کا کوڑا برسایا جاتا پھر وہ پیس کے رکھ دیتا۔

حضرت ابو ہریرہ رضی اللہ عنہ فرماتے ہیں : ہم نے عرض کی : اے اللہ کے رسول ! جب ہم آپ کے پاس ہوتے ہیں تو ہمارے دل آخرت کی یاد میں مستغرق ہوتے ہیں ۔ جب ہم آپ کی محفل سے باہر نکلتے ہیں تو یہ ساری کیفیت ہم سے دور ہو جاتی ہے ؟ فرمایا ؛ جب تم لوٹتے ہو اگر اس وقت بھی تمہاری یہی حالت ہوتی ، جو میرے پاس ہوتی ہے تو فرشتے تمہارے گھروں میں تمہاری زیارت کو آتے اور اپنے ہاتھوں کے ساتھ تم سے مصافحہ کرتے اور اگر ( ایسے بن جاتے کہ ) تم سے کبھی کوئی گناہ سرزد نہ ہوتا تو اللہ تعالیٰ دوسری مخلوق لے آتا، جن سے ( نیکیوں کے ساتھ ) کبھی گناہ بھی سرزد ہو جاتا ( اور وہ اپنے گناہ کی معافی طلب کرتے ) تو اللہ تعالیٰ انہیں معاف فرما دیتا ۔

میں نے عرض کی : یا رسول اللہ ! ہمیں جنت اور اس کی عمارت کے متعلق بتائیں؟ آپ صلی اللہ علیہ و الہ وسلم نے فرمایا : اس کی ایک اینٹ سونے کی ، ایک چاندی کی ، اس کا گارا کستوری کا اور اس کی کنکریاں موتی اور یا قوت کی ، اس کی مٹی ورس اور زعفران کی ہے ، جو ا س میں داخل ہو گا، اس میں ہمیشہ رہے گا، مرے گا نہیں اس کی نعمتوں سے اکتائے گا نہیں ، کپڑے نہیں پھٹیں گے ، جوانی ختم نہیں ہو گی۔