Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کسی آدمی کے برا ہونے کیلئے انتا یہ کافی ہے کہ اس کی طرف انگلی کے ساتھ دین اور دنیا میں اشارہ کیا جائے ، مگر جس کو اللہ محفوظ رکھے ۔

حضرت ابو ہریرہ رضی اللہ عنہ روایت ہیں کہ ایک آدمی نے عرض کی : یا رسول اللہ صلی اللہ علیہ و الہ وسلم ! میں نے آج رات آپ کو دعا کرتے ہوئے سنا ، جو میں نے سنی ہے وہ یہ ہے کہ آپ عرض کر رہے تھے : اے اللہ ! میری امت کے گناہ اور میری امت کیلئے جنت میں گھر وسیع بنا دے اور میری امت کے رزق میں برکت دے ۔ آپ صلی اللہ علیہ و الہ وسلم نے فرمایا : کیا تو نے دیکھا تھا ، تو نے بہت زیادہ چیزیں چھوڑی ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : میری امت ، امت مرحومہ ہے ، ان سے عذاب اٹھا لیا گیا ہے ، ہاں ! ان کا وہی عذاب کافی ہے ، جو وہ اپنے ہاتھوں سے اپنی جانوں کو دیتے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : میرے بعد ایسے ائمہ آئیں گے ، جن کو منبر پر بیٹھے ہوئے حکمت دی جائے گی ، جب نیچے اتریں گے تو ان کے دلوں سے حکمت لے لی جائے گی ، ان کے جسم مردار سے زیادہ برے ہوں گے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : نماز میں کولہو پر ہاتھ رکھنا، ( مکروہ ہے ، کیونکہ یہ ) جہنم والوں کے آرام کرنے کا طریقہ ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : وضو کرنا لازم نہیں ہوتا ، جب تک آواز نہ سے یا بدبو محسوس نہ ہو۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے کثرت سے اللہ کا ذکر کیا ، وہ منافقت سے بری ہو گیا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : میری امت میں میرے بعد ایسے لوگ آئیں گے کہ ان میں سے ہر ایک کی خواہش ہو گی کہ میری زیارت کرے ، اگرچہ اس کو اپنا مال اور گھر والے فروخت کرنا پڑیں۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک عمروہ دوسرے عمرہ تک کے گناہوں کا کفارہ ہے اور حج مبرور کی جزاء جنت ہے ۔

حضرت ابو ہریرہ رضی اللہ عنہ روایت ہیں کہ میرے خلیل صلی اللہ علیہ و الہ وسلم نے مجھے تین کاموں کی وصیت کی ، میں ان کی سفر و اقامت دونوں حالتوں میں کبھی نہیں چھوڑتا : 1۔ سونے سے پہلے وتر پڑھنے کی ، 2۔ ہر ماہ تین روزے رکھنے کی ، 3۔ جمعہ کے بعد دو رکعت نفل ادا کرنے کی ۔ ( راوی کا بیان ہے ) پھر حضرت ابو ہریرہ رضی اللہ عنہ جمعہ کے بعد والی دو رکعتوں کے بعد چاشت والی دو رکعتیں پڑھنا شروع کر دی تھیں۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے عورتوں سے نکاح متعہ کرنے سے منع فرمایا ۔

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا :بیشک اللہ تعالیٰ نے مجھے اختیار دیا، اس کے درمیان کہ میں آدھی امت ( بغیر حساب کے ) بخشوا لوں یا شفاعت کا حق لے لوں۔ پس میں نے شفاعت کا حق اختیار کیا اور مجھے امید ہے کہ یہ میری ساری امت کو شامل ہو جائے گی۔ اگر موجود نہ ہوتا وہ عبد صالح جو مجھ سے پہلے گزرا تو میں ضرور دعا کرنے میں جلدی کرتا، بیشک جب اللہ تعالیٰ نے حضرت اسحاق سے ذبح کی تکلیف کو دور کیا تو کہا گیا : اے اسحاق ! مانگو، عطا کیا جائے گا۔ عرض کی : بہر حال قسم بخدا ! شیطان کے وسوسوں سے پہلے جلدی نہ کرنا۔ اے اللہ ! جو اس حال میں مرے کہ وہ تیرے ساتھ کسی کو شریک نہ ٹھہراتا ہو اور نیکی کرنے والا ہو، پس تو اسے بخش دے اور اسے جنت میں داخل کر۔