Al Muajam Al Kabir Tibrani

پھر حضور صلی اللہ علیہ و الہ وسلم نے فرمایا : ایک آدمی نے کہا : ہم بکریاں چرا رہے تھے ، ایک بھیڑیا آیا اور اس نے بکری پکڑی ، میں اس بھیڑیے کو تلاش کرنے لگا، میں نے اس کو پکڑا تو اس نے کہا : درندوں کے دن تیرا کیا حال ہو گا، جب میرے ولاوہ کوئی چرواہا نہیں ہو گا۔ لوگوں نے کہا : اللہ پاک ہے ( سبحان اللہ ) ! بھڑیا گفتگو کر رہا ہے ۔ حضور صلی اللہ علیہ و الہ وسلم نے فرمایا : میں اور ابو بکر و عمر یقین کرتے ہیں ، حالانکہ وہ دونوں وہاں پر موجود نہ تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ( تم میں سے جو کوئی اونٹ کی زکوٰۃ نہیں دیتا ہے ) قیامت کے دن وہ اونٹ کو اپنی گردن پر اٹھا کر میرے پاس آئے گا، اس حال میں کہ وہ اونٹ بول رہا ہوگا۔ پس وہ پکارے گا ! اے محمد ! میں کہوں گا : میں تیری کوئی سفارش نہیں کروں گا۔ ( اس کے متعلق احکام ) تجھے پہنچا دیئے گئے تھے ۔ ( تم میں سے جو کوئی بکری زکوٰۃ نہیں دیتا ہے ) قیامت کے دن وہ بکری کی زکوٰۃ نہیں دیتا ہے ) قیامت کے دن وہ بکری کو اپنی گردن پر اٹھا کر میرے پاس آئے گا ، اس حال میں کہ وہ بکری بول رہی ہو گی ۔ پس وہ پکارے گا : اے محمد ! میں کہوں گا : میں تیری کوئی سفارش نہیں کروں گا ۔ ( اس کے متعلق احکام ) تجھے پہنچا دیئے گئے تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : انڈہ صدقہ دینے میں ایک دن کے روزے یا ایک مسکین یعنی احرام والے کو کھانا کھلانے کا ثواب ہے ۔

حضرت ابو ہریرہ رضی اللہ عنہ فرماتے ہیں : میں نے عرض کی : اے اللہ کے رسول ! میں جوان آدمی ہوں اور مجھے اپنے نفس پر سر کشی کا خوف ہے جبکہ میں شادی کرنے کی طاقت نہیں رکھتا ، کیا مجھے اجازت ہے کہ میں خصی ہو جاؤں ؟ فرماتے ہیں : آپ خاموش رہے ۔ پھر میں نے عرض کی : اے اللہ کے رسول ! میں جوان آدمی ہوں اور میں شادی کرنے کی طاقت نہیں رکھتا ، کیا مجھے اجازت ہے کہ میں خصی ہو جاؤں ( فرماتے ہیں : ) میں تیسری بار بھی یہی عرض کی تو رسول کریم صلی اللہ علیہ و الہ وسلم نے فرمایا : اے ابو ہریرہ ! جس سے تو ملنے والا ہے ، وہ لکھ کر قلم خشک ہو گیا ہے خواہ تو خصی ہو جا یا اس کو چھوڑ دے ۔

حضرت ابو ہریرہ رضی اللہ عنہ روایت کرتے ہیں کہ پیالے کی ٹوٹی ہوئی طرف سے پینے سے منع کیا گیا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جہنم میں جہنمی لوگ ڈالے جائیں گے تو جہنم کہے گی : کیا کوئی اور چیز ہے ؟ اتنے میں اللہ تعالیٰ اپنی شان کے لائق آ کر اس میں اپنا پاؤں ( شایان شاں ) رکھے گا، تو وہ سیر ہو جائے گی اور اس سے قط قط کی آواز آئے گی ۔ باقی رہا جنت کا معاملہ تو اللہ تعالیٰ نے اس کے لیے ایک مخلوق پیدا کی جیسے چاہا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : موذنوں کی گردنیں قیامت کے دن لمبی ہوں گی جوشی اذان کی آواز سنتی ہے ، وہ قیامت کے دن اس کیلئے گواہی دیں گی ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : چار طرح کے لوگ اللہ کے غضب میں صبح اور شام کرتے ہیں ۔ میں نے عرض کی : یا رسول اللہ ! وہ کون ہیں ؟ آپ صلی اللہ علیہ و الہ وسلم نے فرمایا : وہ مرد جو عورتوں کی مشابہت کرتے ہیں اور وہ عورتیں جو مردوں کی مشابہت کرتی ہیں ، وہ جو مردوں سے بدفعلی کرتے ہیں اور وہ جو جانوروں کے ساتھ بد فعلی کرتے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب شعبان کی نصف ہو جائے تو صرف رمضان کے روزے باقی رہ جاتے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : قیامت کی نشانی یہ ہے کہ چاند بڑا ہو گا یہاں تک کہ دو راتوں کا دکھائی دے گا ، حالانکہ ایک رات کا ہوگا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے تین چیزوں کیلئے برکت کی دعا کی : سحری، ثرید اور ناپنے میں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : انگور کو کرم نہ کہو۔