Al Muajam Al Kabir Tibrani

حضرت ابو ہریرہ رضی اللہ عنہ روایت کرتے ہیں کہ وہ لباس اور دو بیع حرام ہیں ، ( ایک ) آدمی ایک ہی کپڑے میں گوٹ مار کر بیٹھے کہ اس کی شرمگاہ آسمان کی طرف کھل جائے ( دو ) اشتمال یعنی ایک ہی کپڑا سارے جسم پر لپیٹ لے کہ ہاتھ باہر نہ نکل سکیں ۔ 1۔ چھوٹے کی بیع ۔ 2۔ کنکر پھینک کر بیع کرنا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کنواری سے نکاح کے وقت اجازت لی جائے گی ، اس کا خاموش رہنا اس کا اقرار ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : نشانیاں نکلیں گی ، بعض پہلے اور بعض بعد میں آئیں گی ، پے در پے ہوں گی ، جس طرح موتی ڈوری میں ایک دوسرے کے پیچھے آتے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو کسی کے جنازہ میں شرکت کرے اور نماز جنازہ پڑھ کر واپس آئے تو اس کیلئے ثواب ایک قیراط کے برابر ہے جو دفن کر کے واپس آئے تو اس کیلئے ثواب دو قیراط کے برابر ہے ، ان میں چھوٹا احد کے برابر ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کتنی بری ہے ، وہ گھاٹی جس سے نئے فتنے پھوٹیں ، تین یا دو مرتبہ فرمایا : صحابہ کرام نے عرض کی : یا رسول اللہ ! کیوں ؟ آپ صلی اللہ علیہ و الہ وسلم نے فرمایا : جانور نکلے گا، وہ تین بار چیخے گا، اس کی آواز ہر وہ چیز سنے گی ، جو آسمان کے دونوں افق ( کناروں ) کے درمیان ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے مسجد کے قبلہ کی جانب تھوک دیکھا تو اسے صاف کیا، پھر فرمایا : جب تم میں سے کوئی تھوکے تو قبلہ کی طرف نہ تھوکے بلکہ بائیں جانب تھوکے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : افضل دن جس دن سورج طلوع ہوتا ہے ، وہ جمعہ کا دن ہے ، اس دن حضرت آدم علیہ السلام پیدا ہوئے اس دن جنت میں داخل ہوئے ، اس دن جنت سے نکالے گئے ، قیامت بھی جمعہ کے دن آئے گی۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : معدہ بدن کا حوض ہے ، رگیں اس میں داخل ہونے والی ہیں ، جب معدہ ٹھیک ہو گا تو رگیں صحیح چلیں گی اور اگر معدہ خراب ہو گا تو رگیں بیماری کے ساتھ چلیں گی ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کا تلبیہ اس طرح ہوتا تھا " لبیک الہ الحق " ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : عورت سے اس کی پھوپھی اور اس کی خالہ پر نکاح نہ کیا جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : امام ضامن اور مؤذن امانت والا ہے ، اے اللہ ! اذان دینے والوں کو بخش دے اور اماموں کو ہدایت دے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے ایک آدمی کو سنا جو دوسرے سے کہہ رہا تھا : اے شہنشاہ ! حضور صلی اللہ علیہ و الہ وسلم نے فرمایا : تمام بادشاہوں کا بادشاہ اللہ ہے ۔