Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ہر بچہ فطرت اسلام پر پیدا ہوتا ہے ، اس کے ماں باپ اس کو یہودی یا عیسائی بنا دیتے ہیں ، جس طرح اونٹ کے بچے ( بے عیب ) پید ا ہوتے ہیں ۔ کیا آپ کسی کا کان کٹا دیکھتے ہیں یہاں تک کہ تم خود ان کے کان کاٹتے ہو ۔ ( اگر چاہو ۔ )

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل کے ننانوے نام ہیں ، جس نے ان کو یاد کیا، وہ جنت میں داخل ہو گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دینار اور درہم کی حرض رکھنے والا بندہ ہلاک ہوا، جس کا مقصود و مطلوب صرف اور صرف دینار و دراہم ہوں تاکہ وہ پالے اور ( ہاتھ میں ) پکڑ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نیکی کے کام اختیار کرنے پر تم اپنی اولاد کی مدد کرو، جو چاہتا ہے ، اپنی اولاد کو نافرمان ہونے سے بچا لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت عائشہ رضی اللہ عنہا سے فرمایا : اے عائشہ ! معاصی سے ہجرت کر کیونکہ یہ سب سے اچھی ہجرت ہے اور نمازوں پر ہمیشگی اختیار کیے رکھ ، کیونکہ یہ سب سے زیادہ فضیلت والی نیکی ہے۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نماز میں دائیں بائیں جانب دیکھ لیا کرتے تھے ، پھر اللہ عزوجل نے یہ آیت نازل فرمائی : ایمان والے کامیاب ہو گئے اور جو نمازوں میں خشوع کرے گا" حضور صلی اللہ علیہ و الہ وسلم خشوع کرتے تھے ، اس کے بعد آپ صلی اللہ علیہ و الہ وسلم دائیں بائیں ملتقت نہیں ہوتے تھے ۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم نماز عصر اور نماز عصر کے درمیان نماز پڑھتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو امام کے ساتھ رکوع میں مل گیا ، اس نے سجدہ ( رکعت کو ) پا لیا ۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم جب نماز جنازہ پڑھاتے تھے تو یہ دعا کرتے تھے : اللھم انت خلقتہ و انت ھدیتہ للاسلام الیٰ آخرہ "۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے نیکی کا ارادہ کیا اور نیکی کی نہیں تو اس کیلئے ایک نیکی کا ثواب لکھا جائے گا اور اگر اس نے نیکی کر لی تو دس سے لیکر جتنی اللہ چاہے نیکیوں کا ثواب لکھا جائے گا ، جس نے برائی کا ارادہ کیا اور برائی کی نہیں تو اس کا گناہ نہیں لکھا جائے گا، اگر وہ برائی کر لی تو ایک گناہ لکھا جائے گا یا ( اگر اس نے جلدی توبہ کر لی تو ) وہ بھی مٹا دیا جائے گا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک مسلمان کے دوسرے مسلمان پر پانچ حق ہیں : اگر بیمار ہو جائے تو اس کی عیادت کرے ، اگر مر جائے تو اس کے جنازہ میں شرکت کرے ، اگر اس کے پاس سے گزرے تو اسے سلام کرے ، اگر اس کو چھینک آئے تو اس کو چھینک کا جواب دے ، اگر دعوت دے اگرچہ وہ دعوت بکری کا کم گوشت پنڈلی کی طرف ہو تو اس میں شرکت کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جہنم میں ایک منادی ندا کرے گا : اے پیار کرنے والے ( رب ) احسان کرنے والے( رب )