Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے وہ بکری خریدی جس کا دودھ تھنوں میں روک لیا گیا ہو تو لینے والے کو اختیار ہے ، اگر چاہے تو دو صاع دے کر واپس کر دے اور اگر چاہے تو رکھ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : کیا تم میں سے کوئی ایک نہیں ڈرتا ہے ، جب وہ امام سے پہلے ( نماز میں) اپنا سر اٹھاتا ہے کہ اس کا سر گدھے کی مانند ہو جائے ؟

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب میری امت کے لوگ تکبر سے چلیں گے اور ان کی خدمت فارس اور روم کے لوگ کریں گے تو اللہ ان کے بعض کو بعض پر مسلط کر دے گا۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : قیامت کے دن ایک آدمی قیامت کے دن اپنے باپ سے ملے گا اور کہے گا : اے میرے باپ ! میں آپ کا کونسا بیٹا ہوں ؟ وہ کہے گا : بہترین بیٹا ۔ کیا آج تو میری بات مانے گا اگر میں تجھے کوئی کام کہوں ؟ پس وہ کہے گا : ہاں ۔ وہ کہے گا : ہاں۔ وہ کہے گا : میرا ہاتھ پکڑو ۔ وہ ہاتھ پکڑ کر چل پڑے گا یہاں تک کہ رب تبارک و تعالیٰ کے پا آئے گا جبکہ وہ مخلوق سے اعراض کر کے فرمائے گا: اے ابن آدم جنت کے دروازوں میں سے جس میں چاہے داخل ہو جا۔ پس وہ عرض کرے گا : اے میرے رب ، میرے ساتھ میرا باپ بھی ہے ، کیونکہ تو نے میرے ساتھ وعدہ کیا تھا کہ تو مجھے رسوا نہیں کرے گا۔ اللہ تعالیٰ اس سے اعراض کرے گا اور اس مخلوق کی طرف متوجہ ہوجائے گا ، جس سے اعراض کر رہا ہوگا۔ پھر اس کی طرف متوجہ ہو کر فرمائے گا : اے ابن آدم ! جنت کے دروازوں میں سے جس میں چاہے ، داخل ہو جا۔ پس وہ عرض کرے گا : اے میرے رب ! میرے ساتھ میرا باپ بھی ہے ، کیونکہ تو نے میرے ساتھ وعدہ کیا تھا کہ تو مجھے رسوا نہیں کرے گا۔ اللہ تعالیٰ اس کے باپ کی شکل مسخر کر دوزخ میں ڈال دے گا۔ پھر اس کے کان سے پکڑ کر اس کے سامنے کر کے کیا یہ تیرا باپ ہے ؟ وہ کہے گا : نہیں ۔ تیری عزت کی قسم ! یہ میرا باپ نہیں ہے ۔ حضرت محمد بن سیرین کا قول ہے کہ ہم آپس میں کہا کرتے تھے کہ شاید وہ حضرت ابراہیم ہوں ۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : جس نے دو گھوڑوں کے درمیان اپنا گھوڑا داخل کیا جبکہ وہ اس بات سے بے خوف ہے کہ کوئی اس سے آگے بڑھ جائے گا تو یہ بھی جوا شمار ہو گا۔

حضرت ابوہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : مالدار آدمی کا ٹال مٹول کرنا ظلم و زیادتی ہے اور جب تو کسی غنی ( قرض ادا کرنے کے قابل ) پر قرض ڈالے ( یا کسی کا قرض تیرے سپرد کیا جائے ) تو قبول کر لے یا حیلہ کر یعنی اسے پورا کرنے کی کوشش کر۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کے پاس سے ایک آدمی گزرا ، آپ بول مبارک فرما رہے تھے ، اس نے آپ صلی اللہ علیہ و الہ وسلم پر سلام کیا، آپ نے اس کے سلام کا جواب نہیں دیا، جب آپ فارغ ہوئے ، تو آپ نے دونوں ہاتھ زمین پر مارے ، تیمم کیا، پھر اس کے سلام کا جواب دیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے بنو سلمہ ! تمہارا سردار کون ہے ؟ عرض کی : جد بن قیس، لیکن ہم اس کو بخیل خیال کرتے ہیں ، پوچھا : بخل سے بڑی کوئی بیماری نہیں ہے ، تمہارا سردار عمر بن جموح ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس آدمی کو قاضی بنایا گیا ،پس وہ بغیر چھری کے ذبح کیا گیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اپنی رائے سے بیان کرنا، قرآن کی تفسیر کفر ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کے ہاں ، دعا سے زیادہ کوئی عزت والی چیز نہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آدمی نماز میں ہوتا ہے جب تک وہ نماز والی جگہ میں ہوتا ہے ،جس میں اس نے نماز پڑھی ہے ، اور جب تک با وضو رہے ۔