Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو وضو کرتے دیکھا اور آپ صلی اللہ علیہ و الہ وسلم نے سر کا مسح ایک مرتبہ کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : امام ضامن اور مؤذن امانت والا ہوتا ہے ، اے اللہ ! ائمہ کو ہدایت دے اور اذان دینے والوں کو بخش دے ۔

حضور صلی اللہ علیہ و الہ وسلم نے فرمایا : مال داری کی حالت میں صدقہ دینے والا بہتر ہے ، اوپر والا ہاتھ نیچے والے ہاتھ سے بہتر ہوتا ہے ، ابتداء ان سے کرو، جو تیرے زیر کفالت ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے دباء ( کدو کی توہنی ) حنتم ( سبر لاکھی گھڑا ) اور نقیر ( چوبیس برتن ) میں نبیذ بنانے سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ( احتیاط یہ ہے کہ ) مریض : تندرست پر وارد نہ ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے لا الہ الا اللہ محمد رسول اللہ ، پڑھا تو اسے ایک دن میں ایک زمانے سے زیادہ فائدہ ہو گا ، اگرچہ اسے عذاب پہنچ جانے کے بعد ہو۔

حضرت ابو ہریرہ رضی اللہ عنہ فرماتے ہیں جب بنی کریم صلی اللہ علیہ و الہ وسلم نے علا بن حضرمی کو بحرین کی طرف بھیجا تو میں ان کے پیچھے گیا۔ پس میں نے ان میں تین خاص خوبیاں دیکھیں ، میں فیصلہ نہ کر پایا کہ ان میں سے کونسی سب سے اچھی ہے ۔ ہم سمندر کے کنارے پہنچے تو انہوں نے کہا : اللہ کا نام لیا اور سمندر میں اتر گئے ۔ پس ہم نے عبور کیا تو صرف ہمارے اونٹوں کے پاؤں کے تلوے گیلے ہوئے ۔ پس جب ہم واپس لوٹے تو ہم ان کے ساتھ چٹیل میدان میں تھے جبکہ ہمارے پاس پانی نہیں تھا ۔ پس ہم نے ان کے پاس شکایت کی تو انہوں نے دو رکعت نماز پڑھ کر دعا کی۔ اچانک ڈھال کی مانند بادل امذ آیا پھر اس نے اپنے ڈول ڈھیلے چھوڑ دیئے ۔ پاس اس نے ہمیں خوب سیراب کیا، اور ہم خوب سیراب ہوئے اور ان کا وصال ہو گیا تو ہم نے ان کو ریت میں ہی دفن کر دیا۔ پس ہم زیادہ دور نہ گئے تھے کہ ہم نے کہا : کہیں ایسا نہ ہو درندے آ کر انہیں کھا لیں ۔ پس ہم واپس آئے تو ( تلاش بسیار کے باوجود ) ہم نے انہیں نہ پایا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس سے علم کے متعلق پوچھا گیا اور اس نے چھپایا تو اس کو قیامت کے دن آگ کی لگام ڈالی جائے گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : خراسان سے سیاہ جھنڈے والے نکلیں گے ، انہیں کوئی چیز روک نہ سکے گی ، وہ ایلیاء کے مقام پر اس کو گاڑ کر آئیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک آدمی کو اپنی دو انگلیوں کے ساتھ اشارہ کرتے ہوئے دیکھا تو فرمایا : ایک ، ایک ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت خدیجہ رضی اللہ عنا کیلئے جنت میں ایسے گھر کی خوشخبری دی جس میں شور اور تھکاوٹ نہ ہو گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : حضرت مبرور کی جزاء صرف جنت ہے اور دو عمرے ، درمیان میں ہونے والے گناہوں کا کفارہ ہیں ۔