Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی مسلمان مجھ پر سلام بھیجتا ہے تو میری روح کو اللہ تعالیٰ متوجہ کر دیتا ہے ، میں اس کا جواب دیتا ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم حضرت سلمان رضی اللہ عنہ کو بلایا، فرمایا : اللہ کا نبی چاہتا ہے کہ تجھے ایسے رحمانی کلمات بتائے ، جن کے ذریعے تو رحمن کی طرف راغب ہو اور ان کے وسیلے دن اور رات تو اللہ سے دعا کرے : اے اللہ ! میں تجھ سے صحت ایمان کا سوال کرتا ہوں ۔ حسن خلق میں ایمان کا سوال کرتا ہوں ، ایسی نجات کا سوال کرتا ہوں ، جس کے پیچھے فلاح ہو اور تجھ سے رحمت ، عافیت ، مغفرت اور خوشنودی کا سوال کرتا ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے رات کے وقت ہم پر تیر برسائے ، اس کا ہم سے کوئی تعلق نہیں ہے ۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : ایک مؤمن پر دوسرے مؤمن پر چھ حقوق ہیں : وہ سلام کریں ، جب اس سے ملاقات کرے۔ وہ اس کی چھینک کا جواب دے ، جب اسے چھینک آئے ، ( اور وہ بلند آواز سے الحمد للہ کہے ) ۔ جب وہ اسے دعوت دے ، تو وہ اسے قبول کرے ۔ وہ بیمار ہو تو اس کی بیمار پرسی کرے ۔ جب وہ فوت ہو تو اس کے جنازہ میں حاضر ہو اور جب وہ غائب ہو تو اس کے لئے مخلص ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : جمعہ کے دن ایک وقت ہوتا ہے جو قبولیت کا ہوتا ہے ، وہ بہت قلیل ہوتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نیک نامی اور شہرت وہاں سے ہوتی ہے ۔ آپ صلی اللہ علیہ و الہ وسلم نے اپنے ہاتھ سے آسمان کی طرف اشارہ کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جہنم کی طرف جب جہنم والے ہانک کر لائے جائیں گے ، جہنم ان کو اچک لے گی ، انہیں اپنی لپیٹ میں لے لے گی اور ان کی ہڈیوں پر گوشت تک نہیں چھوڑے گی مگر اس کو ( اتار کر ) اس کی ایڑھی کے اوپر کے سخت پٹھے پر ڈال دے گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت نکاح اپنے ولی کی اجازت سے کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سحری کیا کرو کیونکہ سحری کرنے میں برکت ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : غازی کے گھوڑے اور اس کے غلام پر زکٰوۃ نہیں ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے مجھے حکم دیا کہ مدینہ والوں میں اعلان کروں کہ ہر نماز میں قرأت ہے اگرچہ سورۃ فاتحہ کی ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے رمضان کے بعد صرف رجب اور شعبان کے روزے رکھے ۔