Al Muajam Al Kabir Tibrani

اے ابو بکر ! تین چیزیں حق ہیں ، نہیں ہے کوئی آدمی جس پر ظلم کیا جائے اور وہ اللہ کی رضا کے لیے اسے پوشیدہ رکھے تو اللہ تعالیٰ اس ظلم کے بدلے اس کی مدد فرمائے گا ۔ وہ آدمی جو اللہ کی رضا کے لیے عطیہ کا دروازہ کھولتا ہے یا صلہ رحمی کرتا ہے تو اللہ تعالیٰ اس کو کثرت عطا فرمائے گا اور جو آدمی ، زیادہ کی خواہش میں گداگری کا دروازہ کھولے گا تو اللہ تعالیٰ اس کے بدلے اس کی قلت میں اضافہ کرے گا۔

حضرت بریدہ فرماتے ہیں : عورتوں میں سے حضرت فاطمہ اور مردوں میں سے حضرت علی ، رسول کریم صلی اللہ علیہ و الہ وسلم کو سب سے زیادہ پسند تھے ۔

حضرت ابو ہریرہ سے ہے کہ رسول کریم صلی اللہ علیہ و الہ وسلم نے فرمایا : جب لونڈی زنا کرے پھر زنا کرے پھر زنا کرے تو اسے بیچ ڈالو اگرچہ ڈھنگے والی رسی کے بدلے بکے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دو مسلمان جب ملتے ہیں اور مصافحہ کرتے ہیں ، ایک دوسرے سے حال احوال پوچھتے ہیں ، اللہ عزوجل سو رحمتیں نازل کرتا ہے اور ننانوے ان میں سے اس آدمی کو عطا فرماتا ہے ، اور ننانوے ان میں سے اس آدمی کو عطا فرماتا ہے جو اپنے بھائی سے حال احوال پوچھنے میں زیادہ خوشی ، کھلے چہرے، نیکی اور خوش اخلاقی سے پیش آتا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : چار پہاڑ جنتی ہیں اور چار نہریں جنتی ہیں ، جنتی پہاڑ، طور، لبنان ، طور سیناء، طور زیتا، اور جنتی نہریں : فرات نیل ،سیحان اور جیحان ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے زوال کے وقت نماز سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب امام آمین کہے تو تم بھی آمین کہو، جس کی آمین فرشتوں کی آمین فرشتوں کے موافق ہو جائے تو اس کے پہلے گناہ معاف ہو جائیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تحفہ دے کر واپس لینے والا ایسے ہے جس طرح کتا قے کر کے اسے چاٹ لیتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم مزفت ( رال ملے ہوئے برتن ) دباء ( کدو کی توہنی یعنی تو بنی ) اور نقیر ( چوبیس برتن ) میں نبیذ بنانے سے منع فرماتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت میمونہ رضی اللہ عنہا سے حالت احرام میں شادی کی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل عرفات والوں کیلئے آسمان میں فرشتوں کے سامنے فخر کرتا ہے ، فرماتا ہے : میرے ان بندوں کو دیکھو کو شوریدہ سر اورغبار آلود حالت میں ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے آمین ، آمین ، آمین ، تین دفعہ فرمایا ، عرض کی گئی : یا رسول اللہ ! آپ نے ایسے کیوں کہا تھا ؟ آپ صلی اللہ علیہ و الہ وسلم نے فرمایا : حضرت جبرائیل علیہ السلام میرے پاس آئے اور عرض کی : اس کی ناک خاک آلودہ ہو وہ اللہ کی رحمت سے دور ہو جو رمضان کا مہینہ پائے ، اور اپنی بخشش نہ کروا سکے ؟ میں نے کہا : آمین ! پھر عرض کی : اس کی ناک خاک آلودہ ہو اور وہ اللہ کی رحمت سے دور ہو جس نے والدین دونوں کو یا ایک کو بڑھاپے میں پایا ،اور جنت میں داخل نہ ہو سکا تو میں نے کہا : آمین ! پھر عرض کی : اس کی ناک خاک آلودہ ہو اور وہ اللہ کی رحمت سے دور ہو جس کے پاس آپ صلی اللہ علیہ و الہ وسلم کا ذکر ہو اور وہ آپ کی بارگاہ میں درود نہ پڑھے ، میں نے کہا : آمین ۔