Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی مسلمان میری بارگاہ میں سلام پڑھتا ہے تو اللہ عزوجل میری روح کو متوجہ کر دیتا ہے اور میں اس کے سلام کا جواب دیتا ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تین آدمیوں سے لا الہ الا اللہ کی گواہی قبول نہیں ہے : سوار ہونے والا، جس پر سوار ہوا جائے ، سوار ہونے والی جس پر سوار ہوا جائے ، اور ظالم بادشاہ کی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ثیبہ ( یعنی طلاق یافتہ یا بیوہ ) سے اس کے نکاح کرنے کے سلسلے میں اجازت لی جائے گی ، اگر وہ خاموش رہے تو اس کی اجازت ہے اور اگر انکار کرے تو اس کی اجازت نہیں ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کی لعنت ہو قدر یہ پر جو تقدیر کو جھٹلانے والے ہیں اور بعض تقدیر کا انکار کرنے والوں اور بعض تقدیر کی تصدیق کرنے والوں پر۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب آدمی جمعہ کے دن غسل کرے اور خوشبو لگائے اور خاموش رہے ، کوئی لغو بات نہ کرے ، امام کے خطبہ سے فارغ ہونے تک اور جو چیزیں منع کی ہیں روک دے تو اس کے ایک جمعہ سے لے کر دوسرے جمعہ تک اور تین اضافی دنوں کے گناہ معاف کیے جائیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ایک آدمی نے راستے سے کانٹے دار شاخ اٹھائی حالانکہ اس نے نیکی کبھی نہیں کی تھی ، یا ایک درخت راستے میں تھا اس کو کاٹا یا پڑاتھا اس کو دور کیا ، اللہ نے اس کی نیکی قبول کی ، اس کو جنت میں داخل کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سونا ، سونے کے بدلے اور چاندی، چاندی کے بدلے فروخت کرو، ایک آدمی کیلئے زیادتی کر کے نہ فروخت کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اولاد اپنے ماں باپ کا حق ادا کر سکتی ہے ؟ ہاں ! ایک صورت یہ ہے کہ ان کو غلام پائے اور ان کو آزاد کر دے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک سریہ ( چھوٹے لشکر ) کو نکالنے کا حکم دیا، وہ نکلے انہوں نے عرض کی : یا رسول اللہ ! ہم رات کو نکلیں یا صبح تک ٹھہر جائیں ؟ آپ صلی اللہ علیہ و الہ وسلم نے فرمایا : کیا تم پسند نہیں کرتے ہو کہ جنت کے باغوں میں سے ایک باغ میں رات گزارو۔

حضرت ابو ہریرہ رضی اللہ عنہ فرماتے ہیں کہ جو بندہ ایک بار اللہ کیلئے تسبیح کرتا ہے ، حمد کرتا ہے یا بڑائی بیان کرتا ہے ، تو اللہ تعالیٰ اس کے لئے جنت میں درخت لگاتا ہے ، جس کی جڑیں ، سونے کی ، شاخیں ایسے جواہر کی جن پر موتی اور یا قوت جڑا ہوا ہے ، پھل ، کنواری عورتوں کے پستانوں کی مانند ہیں ، جو مکھن سے زیادہ نرم ہیں اور شہد سے زیادہ میٹھے ہیں ۔ جب بھی ان میں سے کوئی پھل لے گا تو وہ دوبارہ اسی طرح لگ جائے گا ، پھر رسول کریم صلی اللہ علیہ و الہ وسلم نے یہ آیت تلاوت کی : " نہ ختم ہونے والے اور نہ ان سے روکا جانے والا ہے " ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب حاکم فیصلہ کرے اور کوشش کر کے درست فیصلہ کرے تو اس کیلئے دگنا ثواب ہے ،جب فیصلہ کرے اور کوشش کرے پھر اس میں ( یعنی فیصلہ میں ) غلطی کرے تو اس کیلئے ایک ثواب ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا :عورت پر اس کی پھوپھی یا اس کی خالہ سے نکاح نہ کیا جائے ۔