Al Muajam Al Kabir Tibrani

حضرت ابو ہریرہرضی اللہ عنہ فرماتے ہیں کہ حضور صلی اللہ علیہ و الہ وسلم سے جمے ہوئے گھی میں چوہا گرنے کے بارے میں پوچھا گیا تو آپ صلی اللہ علیہ و الہ وسلم نے فرمایا : اس کو نکال کر اردگرد کے گھی کو بھی پھینک دو، پھر جو باقی بچے اسے استعمال کرو۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم نے فرمایا : بیشک تین گروہ چلے تو راستے میں انہیں بارش نے آ لیا۔ انہوں نے ایک غار میں پناہ لی۔ اسی دوران کہ وہ اس میں تھے کہ پہاڑ کے ٹوٹنے سے ایک چٹان لڑھک کر ان کے اوپر آ پڑی یہاں تک کہ غار کا منہ بند ہو گیا ۔ قوم نے ایک دوسرے سے کہا : بارش رک گئی ہے اور اس کا اثر بھی ختم ہو گیا ہے اور تمہیں اللہ کے سوا دیکھنے والا کوئی نہیں ہے ( کہ تمہیں بچائے ) ۔ پس تم میں سے ہر ایک اپنی زندگی کا سب زیادہ فضیلت والا عمل دیکھے اور اس کا وسیلہ پیش کر کے ، اللہ سے دعا کرے ۔ پس ان میں سے ایک نے کہا : اے اللہ یقیناً تو جانتا ہے ، میں اپنے والدین سے نیکی کرنے والا ہوں ، میں ان کے لئے شام کا دودھ نکال کر ( شراب بنا کر : یاد رہے پہلی امتوں میں شراب حلال تھی ) لاتا اور انہیں پلاتا اور کبھی میں ان کے لئے شام کا دودھ لاتا اور انہیں دیکھتا کہ وہ اپنی خوابگاہوں میں جا کر سو گئے ہیں تو میں انہیں دیکھتا کہ وہ اپنی خوابگاہوں میں جا کر سو گئے ہیں تو میں انہیں جگانا پسند نہ کرتا اور انہیں پلانے سے پہلے واپس لوٹنا بھی پسند نہ کرتا اور ہمیشہ انتظار کرتا رہتا اور وہ سوتے رہتے یہاں تک کہ صبح ہو جاتی ۔ پس تجھے اچھی طرح معلوم ہے کہ میں نے یہ کام تیرے خوف سے کیا۔ " تو ہم سے یہ مشکل ٹال دے " ۔ فرمایا : ان سے کچھ مشکل دور ہو گئی حتیٰ کہ ان کو قدرے روشنی محسوس ہونے لگی۔ دوسرے نے عرض کی : اے اللہ ! میں نے ایک عورت کو چاہا۔ اس سے محبت کی ، اس پر اپنا مال خرچ کیا اور اسے پانے میں کامیاب بھی ہو گیا اور اس کی اس جگہ بیٹھ گیا، جہاں ایک خاوند اپنی بیوی کے بیٹھتا ہے تو اس نے مجھ سے کہا : تیرے لئے حلال نہیں ہے کہ تو ناحق میری مہر کھولے ۔ پس میں ( تیرے ڈر سے ) اسے چھوڑ کر اٹھ کھڑا ہوا۔ پس تجھے اچھی طرح معلوم ہے کہ میں نے تیرے خوف سے یہ کام کیا۔ پس چٹان جھکی۔ تھوڑی گنجائش پیدا ہوئی یہاں تک کہ قوم اگر نکلنا چاہے تو نکل سکے ۔ ایک اور بولا : اے اللہ ! تو جانتا ہے کہ میں نے لوگوں کو اجرت پر لگایا۔ انہوں نے کام کیا اور میں نے ان کو پوری پوری مزدوری ادا کر دی مگر ایک آدمی اپنی مزدوری لینے کے وقت نہ آیا اور اس نے اپنی مزدوری وصول نہ کی ( میں نے اس کا مال کاروبار میں لگا لیا ) یہاں تک کہ اس کا مال کئی گنا زیادہ ہو گیا تو اس کے بعد وہ آیا۔ اس نے اپنی مزدوری مانگی تو میں نے اس سے کہا : یہ ہے ، پکڑ لے ، تیری جملہ مزدوری ہے ۔ پس تجھے معلوم ہے کہ میں نے یہ کام تیرے ڈر کی وجہ سے کیا۔ " ہماری مشکل دور کر دے " ۔ فرمایا : چٹان جھکی اور لڑھک کرپیچھے ہٹ گئی۔ پس وہ اٹھ کر چل نکلے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اپنی رائے سے بیان کرنا، قرآن کی تفسیر کفر ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ایک آدمی سمندر میں کشتی کے اندر شراب فروخت کیا کرتا تھا، وہ اس میں پانی ڈالتا ، اس کشتی میں اس کے ساتھ بندر تھا، بندر نے وہ تھیلا پکڑا اور کشتی کے بیچ میں لگی لکڑی پر رکھا ۔ پس وہ ایک دینار کشتی میں اور ایک پانی میں ڈالنے لگا یہاں تک کہ ان کو دو حصوں میں تقسیم کر دیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کے پاس ایک جنازہ گزرا، لوگوں نے اس کی تعریف بیان کی تو آپ صلی اللہ علیہ و الہ وسلم نے فرمایا : واجب ہو گئی ! دوسرا جنازہ گزرا تو اس کی برائی بیان کی گئی آپ صلی اللہ علیہ و الہ وسلم نے فرمایا : واجب ہو گئی ۔ آپ صلی اللہ علیہ و الہ وسلم سے عرض کی گئی : کیا واجب ہوئی ؟ آپ صلی اللہ علیہ و الہ وسلم نے فرمایا : تم زمین میں اللہ کے گواہ ہو ، اگر تم چاہو تو بھلی تعریف کرو ، اگر تم چاہو تو بری بیان کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کے پاس سے ایک جنازہ گزرا ، لوگوں نے اس کی تعریف بیان کی تو آپ صلی اللہ علیہ و الہ وسلم نے فرمایا : واجب ہو گئی ! دوسرا جنازہ گزرا تو اس کی برائی بیان کی گئی ، آپ صلی اللہ علیہ و الہ وسلم نے فرمایا : واجب ہو گئی ۔ آپ صلی اللہ علیہ و الہ وسلم کے صحابہ نے آپس میں کہا : فلاں کا جنازہ آیا تو آپ صلی اللہ علیہ و الہ وسلم نے فرمایا : واجب ہوئی اور فلاں کا جنازہ آیا تو بھی آپ صلی اللہ علیہ و الہ وسلم نے فرمایا : واجب ہوئی ۔ پس آپ نے صحابہ کی بات کو سن لیا توفرمایا : یہ کیا ہے ؟ حضرت عمر نے عرض کی : میرے ماں باپ آپ پر قربان ہوں ۔ جس کی لوگوں نے بہت تعریف کی : اس کو بھی آپ نے فرمایا : واجب ہوئی اور فلاں کو لایا گیا تو لوگوں نے اسے برا کہا تو بھی آپ نے فرمایا : واجب ہوئی تو آپ صلی اللہ علیہ و الہ وسلم نے فرمایا : تمہارے ایک بھائی کو لایا گیا ، تم نے ایک گواہی دی تو تمہاری گواہی واجب ہو گئی ، پھر تمہارے ایک بھائی کو لایا گیا تو تم نے ایک گواہی دی تو وہ واجب ہو گئی ۔ تم زمین میں اللہ کے گواہ ہو ، اگر تم چاہو تو بھلی تعریف کر، اگر تم چاہو تو بری بیان کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آدمی جب تک نماز کے انتظار میں رہتا ہے نماز میں ہی ہوتا ہے ، جب تک کہ باوضو نہ ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : لیلتہ القدر ستائیس یا انتیس کو تلاش کرو، اس رات فرشتے زمین میں ستاروں کی تعداد سے زیادہ ہوتے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کے نزدیک سب سے زیادہ عزت والی چیز نماز ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جنت کی ایک اینٹ سونے اور ایک چاندی کی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب اللہ عزوجل نے حضرت ایوب علیہ السلام کو صحت دی تو ان پر سونے کی ٹڈیوں کی بارش برسائی ، آپ اپنے ہاتھ سے پکڑ کر انہیں اپنے کپڑے میں ڈالنے لگے ، آپ علیہ السلام سے کہا گیا : اے ایوب ! کیا آپ سیر نہیں ہو گئے ؟ آپ علیہ السلام نے عرض کی : اللہ کی رحمت سے کون سیر ہوتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک دن عشاء کی نماز پڑھی تو دو رکعت پڑھ کر سلام پھیر دیا اور ایک پڑی ہوئی لکڑی کی طرف چلے ، جلدی جلدی مسجد سے نکل گئے تو صحابہ نے آپس میں بات کی کہ کیا نماز مختصر ہو گئی ہے جبکہ لوگوں میں حضرت ابو بکر و عمر موجود تھے ۔ پس وہ کلام کرنے سے ڈرے جبکہ لوگوں میں ایک آدمی تھا، جسے " ذوالیدین " کہا جاتا تھا ، اس نے عرض کی : اے اللہ کے رسول ! کیا آپ بھول گئے یا نماز کم ہو گئی ہے ؟ رسول کریم صلی اللہ علیہ و الہ وسلم نے فرمایا : نہ میں بھولا نہ نماز کم ہوئی پھر رسول کریم صلی اللہ علیہ و الہ وسلم نے پوچھا : کیا اسی طرح ہے ، جس طرح ذوالیدین کہتا ہے ؟ لوگوں نے عرض کی : ہاں ۔ پس آپ صلی اللہ علیہ و الہ وسلم آئے اور مابقی نماز پڑھائی پھر سلام پھیر کر تکبیر کہی اور پہلے سجدے کے برابر یا اس سے کچھ لمبا سجدہ کیا اور سر اٹھا کر پھر اللہ اکبر کہہ کر پہلے سجدے کے برابر یا اس سے کچھ لمبا سجدہ کیا۔ راوی سے ان کے شاگردوں نے سوال کیا : کیا آپ نے سلام بھی پھیرا؟ تو کہا : مجھے خبر دی گئی کہ حضرت عمران بن حصین نے فرمایا : آپ نے سلام پھیرا ۔