Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ میرے خلیل حضرت ابو القاسم صلی اللہ علیہ و الہ وسلم نے مجھے تین کاموں کی وصیت فرمائی جنہیں میں ہمیشہ کیلئے نہیں چھوڑوں گا : سونے سے پہلے وتر ادا کرنے کی ، اور ہر جمعہ کے دن غسل کرنے کی وصیت کی اور ہر ماہ تین روزے رکھنے کی وصیت کی ۔

حضرت ابو ہریرہ رضی اللہ عنہ فرماتے ہیں کہ کچھ لوگوں نے حضور صلی اللہ علیہ و الہ وسلم سے پوچھا ، انہوں نے عرض کی : یا رسول اللہ ! ہم نے تین یا پانچ ماہ تک پانی نہیں پایا، ہم میں حیض و نفاس اور غسل جنابت والے ہوتے ہیں ۔ آپ صلی اللہ علیہ و الہ وسلم نے فرمایا : تم مٹی سے تیمم کر لیا کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تمہارے رب کی بعض نشانیاں آئیں گی ، فرمایا : سورج کا مغرب کی طرف سے طلوع ہونا۔

حضرت ابو ہریرہ رضی اللہ عنہ فرماتے ہیں کہ ہم حضور صلی اللہ علیہ و الہ وسلم کی معیت میں مدینہ سے نکلے تو ہمیں بنو جراد قبیلے سے ایک آدمی ملا۔ ہم نے اپنے کوڑے اور ڈنڈے خوب چلائے ۔ پس وہ ہمارے سامنے گر پڑا تو ہم نے اس کے بارے رسول کریم صلی اللہ علیہ و الہ وسلم کی بارگاہ میں سوال کیا ۔ فرمایا : سمندری شکار کر لینے میں کوئی حرج نہیں ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو وضو کرتے ہوئے دیکھا اور عمامہ کے ( نیچے ہاتھ داخل کر کے ) مسح کرتے ہوئے اور موزوں پر مسح کرتے ہوئے دیکھا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم سورہ اقرا باسم ربک میں سجدہ تلاوت کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : خواب، نبوت کے چھیالیس اجزاء میں سے ایک جز ہے ، مومن کا خواب قرب قیامت جھوٹا نہیں ہوگا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کسی کی نماز میں شیطان اسے خیال کروائے کہ اس کا وضو ٹوٹ گیا ہے تو وہ آدمی نماز نہ توڑے جب تک کہ آواز نہ سنے یا بدبو نہ محسوس کرے ۔

اور جو اونٹ والا زکوٰۃ نہیں دے گا، وہ قیامت کے اسے لائے گا، اس سے زیادہ جو اس پر گزریں گے پھر اسے کھلے ہموار میدان میں ڈال دیا جائے گا پھر اس پر دوڑتے ہوئے پہلے اور پچھلے گزریں گے ۔ جب پہلا گزرے گا تو دوسرا لوٹ کر آ جائے گا یہاں تک کہ اللہ تعالیٰ اپنے بندوں کے درمیان فیصلہ فرما لے اس دن میں جس کی مقدار پچاس ہزار سال ہو گی، اس حساب سے جو تم لگاتے ہو پھر وہ جنت یا جہنم جانے کا راستہ دیکھے گا۔

اور جو مال مویشی والا زکوٰۃ نہیں دے گا، وہ قیامت کے دن لایا جائے گا، اس سے زیادہ جو کچھ اس پر لازم ہوتا تھا پھر اس آدمی کو کھلے میدان میں ڈالا جائے گا ۔ اپنے پاؤں سے روندیں گے ۔ وہ اسے سینگوں سے کچلیں گے ، ان میں کوئی مڑے ہوئے سینگوں والا نہیں ہو گا، نہ کٹے ہوئے سینگوں والا اور نہ ہی کوئی بے سینگ ہو گا۔ جب پہلا گزرے گا تو دوسرا لوٹ کر آ جائے گا یہاں تک کہ اللہ تعالیٰ اپنے بندوں کے درمیان فرما لے اس دن میں جس کی مقدار پچاس ہزار سال ہو گی، اس حساب سے جو تم لگاتے ہو پھر وہ جنت یا جہنم جانے کا اپنا راستہ دیکھے گا۔

عرض کی گئی : اے اللہ کے رسول ! گدھوں کے بارے میں کیا ہے ؟ فرمایا : ان کے بارے میں اللہ تعالیٰ نے مجھ پر کوئی حکم نازل نہیں کیا مگر یہی آیت جو جامع اور منفرد ہے : " اور جو ذرہ بھر برائی کرے گا ، وہ اسے دیکھے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت اور اس کی پھوپھی اور اس کی خالہ کو ایک نکاح میں جمع کرنا جائز نہیں ۔