Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب مجھے معراج کروائی گئی تو میں جس بھی آسمان کے پاس سے گزرا، وہاں میں نے پنا نام محمد صلی اللہ علیہ و الہ وسلم لکھا ہوا اور اپنے پیچھے حضرت ابو بکر صدیق کا نام لکھا ہوا پایا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے سانپ کو ڈر کی وجہ سے نہ مارا، اس کا ہم سے کوئی تعلق نہیں ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اسلام کے بعد آدمی کو جو اچھی چیز ملی وہ نیک بیوی ہے ، جب اس کو دیکھے تو خوش ہو، جب شوہر موجود نہ ہو تو اپنے حفاظت کرے اور شوہر کے مال کی حفاظت کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ولیمہ پہلے دن حق ہے، دوسرے دن نیکی اور تیسرے دن ریاکاری اور دکھاوا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری اس مسجد میں نماز پڑھنا دوسری مساجد میں سوائے مسجد حرام کے نماز پڑھنے سے ہزار نمازوں سے زیادہ ثواب رکھتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو جنازہ کے ساتھ چلے اس پر نماز جنازہ پڑھے ، پھر واپس آئے تو اس کیلئے ایک قیراط کے برابر ثواب ہے اور اگر جنازہ کے ساتھ چلے اور جنازہ پڑھے اور پھر دفن کر کے واپس آئے تو دو قیراط کے برابر ثواب ہے ، ان دونوں میں سے ہر ایک قیراط احد پہاڑ کے برابر ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بیشک بندہ کوئی گناہ کرتا ہے ۔ پس جب وہ اس کو یاد کرے تو اپنے کیے پر پشیمان ہو تو جب اللہ تعالیٰ دیکھتا ہے کہ وہ اپنے کیے پر پشیمان ہے تو اسے بخش دیتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اچھا خواب اللہ کی طرف سے اور برا خواب شیطان کی طرف سے ہے ، جب تم میں سے کوئی ناپسندیددہ خواب دیکھے تو بائیں جانب تھوکے اور اس کے شر سے اللہ کی پناہ مانگے ، اس کو ہر گز نقصان نہیں دے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آگے بڑھنے کی شرط لگانا جائز نہیں ہے سوائے تین کے : تیر ، اونٹ اور گھوڑے میں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے دباء اور مزفت کے برتنوں سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مریض کی عیادت کرنے والا اللہ کی رحمت میں ڈوبا ہوتا ہے جب اس کے پاس بیٹھتا ہے تو اللہ کی رحمت میں غوطہ زن ہوتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم سے گم شدہ شی کے متعلق پوچھا گیا تو آپ نے فرمایا : گم شدہ شی جائز نہیں ہے ، جس کو گم شدہ ملے تو وہ اس کا اعلان کرے ، اگر اس کا مالک آ جائے تو واپس کر دے اور اگر نہ آئے تو اس کی طرف سے صدقہ کر دے ، اگر اس کے بعد آ جائے تو اس کو اختیار ہو گا چاہے تو ثواب لے یا اپنی چیز لے ۔