Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تین آدمیوں سے اللہ عزوجل قیامت کے دن کلام نہیں فرمائے گا اور نہ ان کی طرف نظر رحمت کرے گا، ان کیلئے درد ناک عذاب ہوگا، ایک وہ آدمی جو سامان فروخت کرنے کیلئے جھوٹی قسم اٹھاتا ہے ۔ تحقیق اس کو زیادہ دیا گیا ، اس سے جو ( پہلے ) دیا گیا، ایک وہ آدمی جو جھوٹی قسم اٹھاتا ہے عصر کے بعد تاکہ جائز طریقے سے کسی مسلمان کا مال ہتھیا لے اور ایک وہ آدمی جو اضافی پانی سے منع کرتا ہے کیونکہ اللہ عزوجل قیامت کے دن فرمائے گا : آج میں تم کو اپنا فضل نہیں دوں گا ، جس طرح تو نے اضافی پانی نہیں دیا تھا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا :جب تم کسی آدمی کو دیکھو جس کو دنیا میں بے رغبتی دی گئی اور کم بولنا تو اس کے قریب رہو کیونکہ اس کو حکمت دی گئی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تم میں ہر گز کوئی یہ نہ کہے کہ اے اللہ ! مجھے میری حجت سکھا دے کیونکہ کافر کو بھی اس کی حجت تو سکھائی ہی جاتی ہے بلکہ عرض کرے : یا اللہ ! مجھے موت کے وقت ایمان کی حجت کی تلقین فرمانا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آدمی چار کاموں کے وقت ظلم و زیادتی کا شکار ہوتا ہے : جب اکیلا سوئے ، جب سوئے تو چت لیٹے ، جب معصفر لگے بستر میں سوئے ۔ جب کھلی فضا میں نہائے ۔ پس جو کھلی فضا میں غسل نہ کرنے کی طاقت رکھے ۔ پس اگر وہ ایسا کرنے پر مجبور ہو تو ایک لمبی لکیر کھینچ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے دو سیاہ اور سینگوں والے بکروں کی قربانی کی ، ایک اپنی اور گھر والوں کی طرف سے اور دوسرا اپنی اس امت کی طرف سے جو قربانی نہیں کر سکتی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کی راہ میں لگنے والا گرد و غبار اور جہنم کا دھواں مسلمان کے پیٹ میں اکٹھا نہیں ہو سکتا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب نصف شعبان ہو جائے تو روزے نہ رکھو ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ( اللہ عزوجل ارشاد فرماتا ہے : ) انسان کی ہر نیکی کا ثواب دس گنا سے لے کر سات سو گنا تک ملتا ہے سوائے روزہ کے کہ وہ میرے لیے ہے اور میں خود اس کی جزاء دوں گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو دنیا میں اپنے بھائی کی تکلیف کو دور کرتا ہے تو اللہ عزوجل آخر میں اس کی تکلیف دور کرے گا ، اور اللہ عزوجل اس بندہ کی مدد فرماتا ہے جو اپنے مسلمان بھائی کی مدد کرتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تم وضو کے آثار کی وجہ سے وہ لوگ ہو ، جن کے اعضاء قیامت کے دن چمک رہے ہوں گے ، تم میں سے جو اپنی چمک زیادہ کرنے کی طاقت رکھتا ہے ، وہ ایسا کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم اذا السماء انشقت اور اقرا باسم ربک میں سجدہ کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : بنی تمیم میں تین چیزیں ہیں جن کی وجہ سے میں مسلسل اور ہمیشہ ان سے محبت کرتا ہوں ۔ حضور صلی اللہ علیہ و الہ وسلم کے پاس بنی تمیم سے صدقہ کے اونٹ آئے تو آپ نے فرمایا : یہ میری قوم کے صدقہ اونٹ ہیں ۔ آپ نے ان کو اپنی قوم بنایا ، حضرت عائشہ رضی اللہ عنہا نے اولاد اسماعیل سے غلام آزاد کرنے کی نذر مانی تھی ، آپ صلی اللہ علیہ و الہ وسلم کے پاس بنو خولان کے قیدی آئے ۔ حضور صلی اللہ علیہ و الہ وسلم نے فرمایا : ان میں سے آزاد کرو کیونکہ یہ اولاد اسماعیل ہیں ۔ بنی تمیم کے لوگ تمام لوگوں سے زیادہ جال پر سخت ہوں گے ۔