Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مشرق والوں میں سے بہتر عبدالقیس ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جوشی زیادہ مقدار میں ہو تو نشہ دے ، اس کی تھوڑی مقدار بھی حرام ہے۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے اپنے بھائی کا دنیا میں گوشت کھایا ، قیامت کے دن اس کے قریب کیا جائے گا، اس کو کہا جائے گا : اس کو کھا جس طرح مردے کو کھاتا تھا، وہ کھائے گا اور چیخے چلائے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : پچھنا لگانے اور لگوانے والا دونوں افطار کریں۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : غلام کو کھلاؤ ، پہناؤ، اس کو انتے کام کی تکلیف دو جتنی وہ طاقت رکھتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کسی کے گھر بغیر اجازت کے جھانکے تو اس کی دونوں آنکھیں پھوڑنا ، جائز ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دینار اور ہم درہم کی حرص والا ہلاک ہوا، عبدالخمیصہ کیلےافسوس ہے ، اگر اس کو دیا جائے تو خوش نما ہوتا ہے اور اگر نہ دیا جائے تو ناراض ہوتا ہے ۔ ہلاک ہو جائے اور لوٹ جائے اور جب اسے چیک دیا جائے تو پورا کر کے لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل نے ارشاد فرمایا : ہر انسان کے عمل کا بدلہ دس نیکیوں سے سات سو گنا تک ثواب ہے ، سوائے روزے کے کہ وہ میرے لیے ہے اور میں خود اس کی جزاء دوں گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے منع فرمایا کہ آدمی نماز میں ایک پاؤں کو دوسرے پاؤں پر رکھے ۔

حضرت ابو ہریرہ رضی اللہ عنہ فرماتے ہیں کہ آل محمد نے کبھی گندم کی روٹی پیٹ بھر کر نہ کھائی یہاں تک کہ حضور صلی اللہ علیہ و الہ وسلم کا وصال ہوا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب قیامت کا دن ہو گا تو اللہ عزوجل حکم دےگا، اعلان کرے گا : میں نے نسب بنایا تھا ، ہم نے بھی نسب بنایا تھا ، میں نے تم میں سے پرہیز گار کو عزت والا بنایا تھا ، تم نے انکار کیا، تم کہتے تھے کہ فلاں بن فلاں، فلاں بن فلان سے بہتر ہے ، میں آج کے دن اپنا نسب اونچا کروں گا اور تمہارا نسب نیچے کروں گا، پرہیز گار کہاں ہیں ؟ ( تاکہ میں ان کو بلند درجے عطا کروں ۔ )

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : اللہ عزوجل اس بندہ پر رحم کرے گاجس نے اپنے بھائی پر مال یا عزت کے لحاظ سے زیادتی کی ہو وہ اس سے معافی مانگ لے مرنے ( مؤاخذہ ) سے پہلے ، جس دن اس کے پاس دینار اور درہم نہیں ہوں گے ، اس کی نیکیاں ہوں گی تو اس کی نیکیاں لی جائیں گی، اگر نیکیاں نہیں ہوں گی تو اس کے گناہ لے کر اس کے نامہ اعمال میں ڈالے جائیں گے ۔