Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے گرہ لگائی پھر اس میں پھونک ماری ، جادو کیا اور جس نے جادو کیا اس نے شرک کیا، جس نے کوئی شی متعلق کی اس کو اسی کے سپرد کر دیا جائے گا۔

حضرت ابو ہریرہ رضی اللہ عنہ سے مروی ہے کہ رسول کریم صلی اللہ علیہ و الہ وسلم ایک غزوہ سے فارغ ہوئے تو صحابہ کرام کو بھوک کا احساس ہوا جبکہ ان کا زادراہ ختم ہو چکا تھا۔ پس وہ رسول کریم صلی اللہ علیہ و الہ وسلم کی خدمت میں بھوک کی شکایت لائے اور اجازت مانگنے لگے کہ ہمیں اپنی سواریوں میں سے بعض اونٹ ذبح کرنے کی اجازت دی جائے۔ پس آپ نے اجازت دے دی اور وہ آپ کی بارگاہ سے اٹھ کر نکلے تو حضرت عمر کے پاس سے گزرے ۔ انہوں نے کہا : تم کہاں سے آئے ؟ انہوں بتایا کہ رسول کریم صلی اللہ علیہ و الہ وسلم نے انہیں اپنے بعض اونٹ ذبح کرنے کی اجازت دے دی ہے ۔ کہا : واقعی تمہیں اجازت مل گئی ہے ؟ کہا : ہاں ۔ کہا : میں تمہیں قسم دے کر کہتا ہوں : تم میرے ساتھ رسول کریم صلی اللہ علیہ و الہ وسلم کی بارگاہ میں چلو ! ۔ پس وہ سارے آپ کے ساتھ لوٹ چلے ۔ پس حضرت عمر نے رسول کریم صلی اللہ علیہ و الہ وسلم کی خدمت میں آ کر عرض کی : اے اللہ کے رسول ! کیا آپ نے ان لوگوں کو اپنی سواری کے اونٹ ذبح کرنے کی اجازت دے دی ہے تو یہ کس چیز پر سوار ہوں گے ؟ رسول کریم صلی اللہ علیہ و الہ وسلم نے فرمایا : پس میں کیا کروں ؟ جبکہ بظاہر میرے پاس ان کو دینے کے لیے کچھ نہیں ہے ۔ حضرت عمر نے عرض کی : کیوں نہیں اے اللہ کے رسول ! آپ حکم فرمائیں ہر اس آدمی کو جس کے پاس کچھ زاد راہ باقی ہے کہ وہ لے آئے ۔ پس آپ اس کسی شے رکھ کر برکت کی دعائیں فرمائیں پھر ان کے درمیان تقسیم فرما دیں ۔ پس آپ نے ایسے ہی کیا ۔ پس آپ صلی اللہ علیہ و الہ وسلم نے لوگوں سے ان کا بچا ہو زاد راہ منگوایا۔ پس ان میں سے بعض تھوڑا اور بعض زیادہ لائے تو آپ صلی اللہ علیہ و الہ وسلم نے سب کو ایک برتن میں رکھ دیا پھر اس میں برکت کی دعا کی جو اللہ نے چاہا کہ آپ صلی اللہ علیہ و الہ وسلم دعا کریں پھر ان کے درمیان کھانا تقسیم کیا تو قوم میں سے کوئی بھی ایسا نہ تھا جس کے پاس موجود اس کا برتن بھر نہ گیا ہو اور بچ بھی گیا ۔ پس اپ صلی اللہ علیہ و الہ وسلم نے اس موقع پر فرمایا : میں گواہی دیتا ہوں کہ اللہ کے سوا کوئی سچا معبود نہیں ۔ اس کا کوئی شریک نہیں اور میں گواہی دیتا ہوں کہ حضرت محمد صلی اللہ علیہ و الہ وسلم اللہ کے برگزیدہ بندے اور سچے رسول ہیں ۔ جو آدمی اس کو لایا بغیر شکایت کے، اللہ اسے جنت میں داخل فرمائے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم موزوں اور عمامہ کے نیچے ( ہاتھ داخل کر کے ) مسح کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب آدمی کا مقروض مفلس قرار دے دیا جائے اور اسی دوران وہ اس مال کو بعینہ پائے تو دیگر سارے قرض خواہوں کی نسبت وہ اس کا زیادہ حقدار ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم نماز کیلئے ارادہ کرو تو نماز کیلئے آؤ سکون اور وقار کے ساتھ جو پا لو وہ پڑھ لو اور جو رہ جائے وہ بعد میں پڑھ لو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل فرماتا ہے : مجھے میرے وہ بندے پسند کرتے ہیں جو ( وقت ہو جانے کے بعد ) افطاری میں جلدی کرتے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نماز عشاء کو مؤخر کرو یہاں تک کہ تہائی رات کا حصہ گزر گیا پھر آپ صلی اللہ علیہ و الہ وسلم گھر سے نکل کر مسجد کی طرف آئے ۔ وہاں تھوڑے لوگ موجود تھے ۔ آپ کو غصہ آیا پھر فرمایا : تحقیق میں نے ارادہ کیا کہ جب جماعت کھڑی ہو جائے تو چند لوگوں کو حکم دوں کہ جو لوگ گھروں میں رہ گئے ہیں اور نماز میں حاضر نہیں ہوئے ، ان کے گھروں کو آگ لگا دیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اگر کوئی آدمی کسی کو کھانے کی دعوت دے تو اس کی دعوت کو قبول کرو، نماز کیلئے اذان ہو گئی ہو تو نماز کیلئے نہ آؤ ( بلکہ نماز بعد میں ادا کر لو ) ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نذر تقدیر سے کوئی شی رد نہیں کرتی ، ہاں بخیل سے مال نکلواتی ہے۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی نماز پڑھ رہا ہوں تو وہ شیطانی وسوسہ ( یعنی اس کی ہوا خارج ہوئی ہے ۔ ) پائے تو نماز نہ توڑے ، جب تک ہوا یا بدبو نہ پائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے بھول کر نماز میں گفتگو فرمائی تو آپ نے نماز وہیں سے شروع کی جس جگہ نماز میں گفتگو شروع کی تھی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا :میری اس مسجد میں نماز دوسری مسجدوں کے مقابلہ میں سوائے مسجد حرام کے سو نمازوں سے بہتر ہے ۔