Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم ایک قبر کے پاس سے گزرے ، فرمایا : قبر والا کون ہے ؟ صحابہ کرام نے عرض کی : فلاں ! آپ نے فرمایا : اس کو دو رکعت تمہاری باقی دنیا سے زیادہ پسند ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تم اپس میں غصہ نہ کرو اور نہ حسد کرو نہ اپنے بھائی کے نرخ پر نرخ کا اضافہ کرو، نہ شہری دیہاتی کیلئے بیع کرے ، لوگوں کا معاملہ چھوڑو ، اللہ عزوجل بعض کو بعض کی وجہ سے رزق دیتا ہے نہ کوئی عورت اپنی بہت یعنی سوکن کی طلاق کا مطالبہ کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کا جب وصال مبارک ہوا تو حضرت ابو بکر رضی اللہ عنہ کو خلیفہ بنایا گیا، عرب کے کچھ لوگ کافر ہوئے ، حضرت عمر رضی اللہ عنہ نے عرض کی : اے ابو بکر ! آپ لوگوں سے کیسے لڑیں گے حالانکہ حضور صلی اللہ علیہ و الہ وسلم نے فرمایا : مجھے حکم دیا گیا ہے کہ میں لوگوں سے جہاد کروں لا الہ الا اللہ محمد رسول اللہ کہنے تک ، جس نے لا الہ الا اللہ پڑھ لیا تو اس کا حساب اللہ کے ذمہ ہے ۔ حضرت ابو بکر رضی اللہ عنہ نے فرمایا ؛ میں ان لوگوں سے جہاد کروں گا ، جو زکوٰۃ اور نماز کے درمیان فرق کرتے ہیں ، اللہ کی قسم ! جو آدمی رسول کریم صلی اللہ علیہ و الہ وسلم کو بکری یا بھیڑ کا ایک سال کا بچہ زکوٰۃ دیتا تھا، اگر وہ مجھے نہیں دے گاتو میں اس کے زکٰوۃ روک لینے پر اس سے جنگ کروں گا۔ حضرت عمر رضی اللہ عنہ نے عرض کی : قسم بخدا میرا پختہ خیال ہے کہ اللہ تعالیٰ نے قتال کے لیے حضرت ابو بکر کا سینہ کھول دیا ہے یقینا یہ حق ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کے پاس ایک آدمی آیا ، اس نے عرض کی : یا رسول اللہ ! میرے لیے کچھ رشتہ دار ہیں ، میں ان سے تعلق جوڑتا ہوں ، وہ مجھ سے تعلق توڑتے ہیں ، میں ان سے اچھا سلوک کرتا ہوں ، وہ مجھ سے برے طریقے سے پیش آتے ہیں ۔ آپ نے فرمایا : اگر تو معاملہ ایسے ہی ہے ، جس طرح تو کہتا ہے تو اللہ عزوجل ان کے خلاف مسلسل تیری مدد کرے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کسی کے برتن میں کتا منہ مارے تو اسے پاک کرنے کے لیے سات مرتبہ دھوؤ، پہلی مرتبہ مٹی سے دھوؤ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب نماز کیلئے تثویب کی جائے تو تم میں سے کوئی بھی دوڑ کر نہ آئے ، سکون اور وقار سے آئے ، جو مل جائے ، وہ پڑھ لے اور جو رہ جائے اسے بعد میں پڑھ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو بھول کر کھا پی لے ، وہ روزہ مکمل کرے ، یہ اللہ عزوجل نے اس کو کھلایا اور پلایا ہے ۔

حضور صلی اللہ علیہ و الہ وسلم نے فرمایا : اللہ عزوجل فرماتا ہے : ایک نیکی کا ثواب دس گنا ہے اور روزہ میرے لیے ہے اور میں خود اس کی جزاء دوں گا، روزے دار کے منہ کی خوشبو اللہ کے ہاں مشک کستوری سے بھی زیادہ ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : فرشتے اس پر لعنت کرتے ہیں ، اس پر جو کوئی تم میں سے اپنے بھائی کی طرف لوہے کے ساتھ اشارہ کرتا ہے ، اگرچہ اس کا باپ اور مان کی طرف سے ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : شہری دیہاتی کی بیع نہ کرے ، جو اس سے کوئی شی خریدے تو اس کے مالک کو اختیار ہے ، جب بازار میں آئے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب قرب قیامت مؤمن کا خواب جھوٹا نہیں ہوگا، جتنا کوئی سچ ہوگا اس کا خواب بھی اتنا ہی اچھا ہوگا، مومن کا خواب نبوت کا اجزاء میں سے چھیالیسواں حصہ ہے ، اچھا خواب اللہ کی طرف سے خوشخبری ہے ، ایک خواب وہ ہوتا ہے کہ آدمی اپنے آپ سے گفتگو کرتا ہے ، احتلام شیطان کی طرف سے ہے جب تم میں سے کوئی نا پسندیدہ خواب دیکھے تو اسے بیان نہ کرے ۔

حضور صلی اللہ علیہ و الہ وسلم نے فرمایا : حضرت ابراہیم علیہ السلام نے تین ذو معنی ( یعنی ایسے لفظ بولنا جس کے دو معنی ہوں ) باتیں کی تھیں : دو اللہ تعالیٰ کی ذات کے بارے میں : ان کا قول : بیشک میں بیمار ہوں ، ان کا قول : بلکہ یہ کام ان کے بڑے نے کیا ہے اور آپ ایسی زمین سے گزرے جہاں ظالم و جابر بادشاہوں میں سے ایک جابر تھا جبکہ آپ کے ساتھ حضرت سارہ تھیں۔ پس اس نے آپ کی طرف آدمی بھیجا : یہ عورت کون ہے ؟ تو فرمایا : یہ میری دینی بہن ہے ۔ پس اس نے پیغام بھیجا کہ اس کو میری طرف بھیج دے ۔