Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم پینے والی شی کو تین سانس میں پیتے تھے ، جب برتن اپنے منہ کے قریب کرتے تو بسم اللہ پڑھتے تھے ، جب اٹھاتے تو الحمد للہ ، پڑھتے ، آپ ایسا تین مرتبہ کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم جمعہ کے دن نماز جمعہ پڑھانے کے لیے جانے سے پہلے اپنے ناخن اور مونچھیں کاٹتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل قیامت کے دن ان کیلئے چمکتا ہوا نور رکھے گا جو اندھیروں میں چل کر مسجدوں کی طرف آتے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کی عادت پاک تھی کہ جب لوگوں پر بارش آتی اور پر نالے بہتے تو فرماتے : اس سال تم پر قحط سالی نہ ہو گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے ابو ہریرہ ! ولیمہ کرو اگرچہ ایک بکری ذبح کر کے ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ولد الزنا جنت میں داخل نہیں ہوگا اور نہ اس کی سات نسلیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل نے فرمایا : جب میرا بندہ بیمار ہوا اور تین ( دن ) سے پہلے اس نے اپنی بیماری کو ظاہر کو کیا گو گویا اس نے مجھ سے شکایت کی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے تنگ دست کو مہلت دی یا معاف کر دیا، قیامت کے دن اللہ اس کو اپنے عرش کا سایہ عطا کرے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ایک عمرہ دوسرے عمرہ تک کے گناہوں کا کفارہ ہے ور حج مبرور کی جزاء صرف جنت ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دو بیع کرنے والوں کو اختیار ہوتا ہے جب تک دونوں جدا نہ ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس میں تین چیزیں ہوں ، اللہ عزوجل اس کا حساب آسان کر دے گا اور اسے جنت میں داخل کرے گا۔ میں نے عرض کی : یا رسول اللہ ! وہ کون سے عمل ہیں ؟ آپ صلی اللہ علیہ و الہ وسلم نے فرمایا : جو تعلق توڑے اس سے تعلق جوڑنا ، جو نہ دے ا س کو دینا جو ظلم کرے اس کو معاف کرنا۔

حضرت قیس بن سائب رضی اللہ عنہ فرماتے ہیں کہ حضور صلی اللہ علیہ و الہ وسلم نماز فجر پڑھاتے جب آسمان کا نور ڈھلنے لگتا اور نماز ظہر جب سورج ڈھلنے لگتا اور عصر جب سورج چمک رہا ہوتا اور مغرب جب روزہ افطار کرنے کا وقت ہوتا اور عشاء سے دیر پڑھاتے ۔