Al Muajam Al Kabir Tibrani

حضور صلی اللہ علیہ و الہ وسلم نے فرمایا : جس نے نماز جنازہ پڑھی اس کیلئے ایک قیراط کے برابر ثواب ہے ، جس نے جنازہ پڑھا اور ساتھ دفن کر کے واپس آیا تو اس کیلئے دو قیراط کے برابر ثواب ہے ۔ حضرت ابو ہریرہ رضی اللہ عنہ سے عرض کی گئی : قیراط سے مراد کیا ہے ؟ فرمایا : دونوں میں چھوٹا احد کی طرح ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ایک آدمی اپنی فلاں کمائی سے پھل صدقہ کرتا ہے ، وہ کسی کے ہاتھ میں رکھتا ہے تو اللہ عزوجل اس کو اپنے دائیں دست مبارک سے قبول کرتا ہے ، اس کیلئے بڑھاتا رہتا ہے جس طرح تم میں سے کسی کا اونٹ کا بچہ بڑھتا ہے ، اتنا اس کو بڑھاتا ہے جیسے پہاڑ یا اس سے بھی بڑا کر دیتا ہے ۔

حضور صلی اللہ علیہ و الہ وسلم نے فرمایا : ان ایڑیوں کیلئے ہلاکت ہے جہنم آگ سے جو خشک رہ جاتی ہے ۔

حضور صلی اللہ علیہ و الہ وسلم نے فرمایا : جو دنیا میں کسی آدمی کے عیب پر پردہ ڈالتا ہے تو اللہ قیامت کے دن اس کے عیب پر پردہ ڈالے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک آدمی کو دیکھا جو اپنی دو انگلیوں سے دعا کر رہا تھا ، آپ صلی اللہ علیہ و الہ وسلم نے اس کو منع فرمایا اور فرمایا : ایک کے ساتھ یعنی دائیں انگلی کے ساتھ دعا کر۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم سے عرض کی گئی : یا رسول اللہ ! کیا ہم جنت میں صرف اپنی بیویوں سے جماع کریں گے ؟ آپ صلی اللہ علیہ و الہ وسلم نے فرمایا : وہ ذات جس کے قبضہ قدرت میں میری جان ہے ! آدمی ایک دن میں سو حوروں سے جماع کر سکے گا ( اگر چاہے گا ) ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آگ سے پکی ہوئی شی کھانے کے بعد وضو ( یعنی کلی کرو اور ہاتھ دھو لو ) ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے ہر فرض نماز کے بعد تینتیس مرتبہ سبحان اللہ ، تینتیس مرتبہ اللہ اکبر، تینتیس مرتبہ الحمد اللہ پڑھا اور یہ پڑھا : " لا الہ الا اللہ وحدہ لا شریک لہ الیٰ آخرہ" تو اس کے گناہ معاف کیے جائیں گے ، اگرچہ سمندر کی جاگ سے زیادہ ہوں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ہر شی کا نسب ہے اللہ کا نسب قل ھو اللہ احد ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مومن کے وصال کا وقت آتا ہے تو فرشتے ریشم کا کپڑا کستوری اور عمدہ خوشبو لگا کر لاتا ہے ، اس کی روح اس طرح نکالتا ہے ، جس طرح آتے سے بال نکالا جاتا ہے اور کہا جاتا ہے : اے نفس مطمئنہ ! نکل آ اس حال میں تو اللہ سے راضی اور اللہ تجھ سے راضی یعنی تجھ سے راضی ۔ اور اس پر ریشم لپیٹ دیا جاتا ہے پھر اسے علیین میں بھیجا جاتا ہے اور کافر پر جب موت کا وقت آتا ہے تو فرشتے ایسا کپڑا لاتے ہیں ، جس میں آگ کے انگارے ہوتے ہیں اور وہ اس کی روح بہت زیادہ سختی سے نکالتے ہیں اور کہا جاتا ہے : اے پلید نفس ! نکل آ اس حال میں کہ تو اللہ پہ ناراض اور اللہ تجھ سے پہ ناراض ، ذلت اور عذاب کی طرف۔ اور جب اس کی روح نکلتی ہے تو اس انگارے پر رکھ دی جاتی ہے کیونکہ اس میں پانی کے کھولنے کی آواز ہوتی ہے پھر اس کو اس کپڑے میں لپیٹ دیا جاتا ہے اور سیدھا سجین کی طرف لے جایا جاتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری امت کے صبح کے کاموں میں برکت رکھی گئی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سفر عذاب جہنم کا ٹکڑا ہے ، تم میں سے ہر کسی کو نیند لذت کھانے پینے سے روکتا ہے ، جب تم میں سے کوئی سفر سے اپنی ضرورت پوری کر لے تو جلدی اپنے گھر والوں کی طرف آ جائے ۔