Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم جب قضائے حاجت کا ارادہ کرتے تھے تو میں آپ کے پاس پانی لاتا، آپ اس سے استنجاء کرتے اور اپنے دست مبارک زمین پر رگڑتے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : لوگوں پر ایسا زمانہ آئے گا کہ باندھا ہوا اونٹ اور دوزاد راہ آدمی کو زیادہ پسند ہوگا، ہر اس چیز سے جس کا وہ مالک ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عنقریب تم پر قیصر اور ہر قل کا شہر فتح ہوگا، اس کا مال ترکہ کے ساتھ تقسیم کیا جائے گا ، اس کی آواز سنیں گے ، دجال ان کے پیچھے نکلے گا ، جو ان کے پاس ہو گا پھینک دیں گے ، وہ نگلیں گے اور اس سے لڑیں گے ۔

حضرت ابو ہریرہ رضی اللہ عنہ فرماتے ہیں کہ انصار کے ایک نابینا صحابی نے حضور صلی اللہ علیہ و الہ وسلم کی طرف پیغام بھیجا کہ میرے لیے میرے گھر میں خط کھینچیں کہ میں اس میں نماز پڑھوں ۔ حضور صلی اللہ علیہ و الہ وسلم تشریف لائے ، وہاں پر صحابہ کرام جمع ہوئے ، ان میں سے ایک آدمی نہ آیا، حضور صلی اللہ علیہ و الہ وسلم نے فرمایا : فلاں نہیں آیا؟ بعض لوگوں نے عرض کی : ہاں ! حضور صلی اللہ علیہ و الہ وسلم نے فرمایا : کیا وہ بدر میں شریک نہ ہوا تھا ؟ صحابہ کرام نے عرض کی : حاضر ہوا تھا لیکن اس اس طرح ۔ حضور صلی اللہ علیہ و الہ وسلم نے فرمایا : یقینا ً اللہ نے بدر والوں کو دیکھا ۔ فرمایا : تم جو چاہو عمل کرو ، میں نے تم کو معاف کر دیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے وعدہ والے کو ناحق قتل کیا وہ جنت کی خوشبو نہیں پائے گا حالانکہ جنت کی خوشبو سو سال کی مسافت سے محسوس کی جائے گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو لوگ اپنے دین کو چھوڑتے ہیں ، وہ گروہ ان میں کوئی شی نہیں ہے ، آپ نے فرمایا : وہ اس امت کا بدعتی اور خواہشات کی پیروی کرنے والے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مہینہ کی سترہ ، انتیس اور اکیس کو پچھنے لگواؤ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میرے صحابی کو گالی نہ دو، وہ ذات جس کے قبضہ قدرت میں میری جان ہے ، اگر تم میں سے کوئی احد پہاڑ کے برابر سونا خرچ کرے تو صحابہ کے ایک مد خرچ کرنے کے برابر نہیں ہو سکتا ، نہ اس کے نصف کو پا سکتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اس کی مثال جو علم حاصل کرتا ہے ، پھر اس کو بیان نہیں کرتا اس خزانہ کی طرح ہے جو خرچ نہیں کیا جاتا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : لوگ کانیں ہیں ، جو جاہلیت میں بہتر تھے وہ اسلام میں بھی بہتر ہیں بشرطیکہ دین کی سمجھ رکھتے ہوں ۔

حضرت صلی اللہ علیہ و الہ وسلم نے فرمایا : ( یہودی کے ساتھ ) سلام کرنے میں ابتداء نہ کرو، جب تم راستے میں ملو تو ان کو تنگ راستے کی طرف مجبور کرو۔

حضور صلی اللہ علیہ و الہ وسلم نے فرمایا : تم میں سے کوئی آگ کے انگارے پر بیٹھے کہ اس کے کپڑے جلیں تو اس کیلئے بہتر ہے اس سے کہ وہ قبر پر بیٹھے ۔