Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : چاندنی رات اور روشن دن میں کثرت سے میری بارگاہ میں درود پاک پڑھو کیونکہ تمہارا درود میری بارگاہ میں پیش کیا جاتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی نماز کا ارادہ کرے تو پہلے اپنے سجدہ کی جگہ کو برابر کر لے ، اس لیے نہ چھوڑے کہ جب سجدہ کرے گا تو پھونک مار کر سجدہ کرے گا، تم میں سے کوئی آگ کے انگارے پر سجدہ کر لے تو اس کیلئے بہتر ہے اس سے کہ وہ پھونک مار کر سجدہ کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : نماز بہترین شی ہے ، جو تم میں سے طاقت رکھے ، نماز پڑھنے کی تو وہ کثرت سے نماز پڑھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی آدمی دس یا اس سے زیادہ کا امیر بنے اور انصاف نہ کرے قیامت کے دن اس حالت میں لایا جائے گا کہ وہ خیانت کرنے والوں کے زمرے میں ہوگا ، اللہ عزوجل چاہے تو معاف کر دے یا چاہے تو اس سے بدلہ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بیشک جب جہنم والوں کو جہنم کی طرف لایا جائیگا ، تو جہنم ایک لقمہ لے کر ان کو نگل جائے گی، پس ان کو جھلسا دے گی اور ان کی ہڈیوں پر گوشت نہیں چھوڑے گی مگر اس کو ان کی ایڑھی کے اوپر سخت پٹھے پر ڈال دے گی ۔

حضرت ابو ہریرہ رضی اللہ عنہ سے مروی ہے کہ حضور صلی اللہ علیہ و الہ وسلم نے فرمایا : جس نے سورۃ اخلاص دس مرتبہ پڑھی ، اس کیلئے جنت میں ایک محل بنایا جائے گا، جس نے بیس مرتبہ پڑھی تو اس کیلئے دو محل بنائے جائیں گے ، جس نے تین مرتبہ پڑھی تو اس کیلئے تین محل بنائے جائیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : کسی عورت کیلئے جائز نہیں ہے کہ وہ اپنے شوہر کی اجازت کے بغیر نفلی روزہ رکھے ، شوہر وہاں موجود نہ ہو تو کسی ایسے آدمی کو آنے کی اجازت نہ دے جسے شوہر ناپسند کرتا ہے ، جو عورت اپنی کمائی سے صدقہ کرے گی تو اسے صدقہ دینے کا آدھا ثواب ملے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت ٹیڑھی پسلی سے پیدا کی گئی ہے ، اس کیساتھ ٹیڑھے پن کے باوجود رہو، اگر اس کو سیدھا کرنا چاہو گے تو ٹوٹ جائے گی اس کا توڑنا طلاق دینا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے دھوکہ کی بیع سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے کنکر پھینک کر بیع کرنے سے منع فرمایا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بیواؤں اور مسکین پر خرچ کرنے والا ایسے ہے جس طرح کی اللہ کی راہ میں جہاد کرنے والا ہوتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے شراب پی تو اللہ عزوجل اس کے پیٹ سے ایمان نکال دیتا ہے ۔