Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : قیامت کے دن ایک بڑا موٹا آدمی لایا جائے گا، اس کو وزن مچھر کے پر کے برابر بھی نہیں ہوگا، پھر فرمایا : یہ آیت پڑھو : " اور قیامت کے دن ہم ان کو کوئی اہمیت نہیں دیں گے "۔

حضرت ابو ہریرہ رضی اللہ عنہ فرماتے ہیں کہ نبی کریم صلی اللہ علیہ و الہ وسلم نے فرمایا : ( حدیث قدسی میں ) اللہ تعالیٰ کا فرمان ہے : " میں نے اپنے نیک بندوں کے لیے جو تیار کر رکھا ہے ، اسے نہ کسی آنکھ نے دیکھا ہے ، نہ کسی کان نے اس کے بارے میں سنا ہے اور نہ کسی فرد بشر کے دل میں اس کا خیال آیا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : پانچ افراد پر جمعہ نہیں ہے ، عورت ، مسافر، غلام ، بچے اور دیہات والوں پر۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بیماری متعدی نہیں ہوتی ، نہ ھام اور صفر ہے ، مریض کی بیماری تندرست کو نہیں لگتی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : بربری کا ایمان اس کے گلے سے آگے نہیں بڑھتا ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم فرمایا کرتے تھے : رمضان سے ایک یا دو دن پہلے روزے نہ رکھا کرو، ہاں وہ آدمی رکھ سکتا ہے جو پہلے سے روزے رکھ رہا ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ کی راہ میں قتل کیا جانے والا شہید ہے ، اللہ کی راہ چلتے ہوئے ڈوب کر مرنے والا شہید ہے ، پیٹ کی بیماری میں مرنے والا اللہ کی راہ میں شہید ہے ۔

حضرت ابو ہریرہ رضی اللہ عنہ فرماتے ہیں کہ گویا میں اب بھی حضور صلی اللہ علیہ و الہ وسلم کی بغلوں کی سفیدی کو دیکھ رہا ہوں اس حالت میں کہ آپ سجدہ کر رہے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم " اذا السماء انشقت اور اقراء باسم ربک میں سجدہ تلاوت کرتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو آدمی اندھے پن میں تیر اندازی سے قتل کیا گیا کہ ان کے درمیان پتھر ، ڈنڈا یا کوڑا ہو تو یہ قتل خطا ہے ۔ اس کی دیب قتل خطا والی ہو گی اور جس شخص کو جان بوجھ کر قتل کیا گیا تو اس کا قصاص ہے ۔ جو آدمی درمیان میں رکاوٹ بنا، اس پر اللہ کی لعنت اور غضب ہے ۔ اس کی نفلی اورفرضی عبادات ناقابل قبول ہوں گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے ابو ہریرہ تم ہر گز کسی امیر کے پاس نہ جانا، اگر تو اس کام پر غالب آ جائے تو میری سنت سے آگے نہ بڑھنا اور اس کی تلوار سے مت ڈرنا اور اس کی تلوار ( کا خوف ہو گا) اگر تو انہیں اللہ سے ڈرنے اور اس کی اطاعت کرنے کا حکم دے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم ، عبداللہ بن ابی بن سلول کے پاس سے گزرے جبکہ وہ ایک سایہ میں بیٹھا ہوا تھا ، آپ صلی اللہ علیہ و الہ وسلم نے فرمایا : ابن ابی کبشہ ہم سے لڑنا چاہتا ہے ۔ عبداللہ بن عبداللہ کے بیٹے نے عرض کی : وہ ذات جس نے آپ کو عزت دی اور آپ پر قرآن نازل کیا ، اگر آپ ارشاد فرمائیں تو اس کا سر اتار کر آپ کی بارگاہ میں لے آؤں ۔ حضور صلی اللہ علیہ و الہ وسلم نے فرمایا : نہیں ! بلکہ تو اپنے والد سے نیکی کا سلوک کر اور اچھائی سے اس کے ساتھ دو۔