Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : قیامت کے دن ( جسم کے حوالہ ) سے سب سے پہلے جو حساب لیا جائے گا، اللہ عزوجل فرمائے گا : کیا میں نے تجھے صحت نہیں دی تھی اور پیاس ختم کرنے کیلئے ٹھنڈا پانی نہیں دیا تھا ؟

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی جوتا پہنے تو پہلے دایاں جوتا پہنے اور جب اتارے تو پہلے بایاں اتارے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : امام ضامن ہوتا ہے اور مؤذن امانت دار ہوتا ہے ، اے اللہ ! اماموں کو ہدایت دے اور مؤذنوں کی مغفرت فرما۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس سے مجلس میں زیادہ لغو باتیں ہو جائیں وہ کھڑا ہونے سے پہلے یہ پڑھے : " سبحانک و بحمدک ، لا الہ الا انت ، استغفرک و اتوب الیک فانہ یغفر لہ ما کان فی ذلک المجلس " ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے صبح روزہ رکھ کر بھول سے کچھ کھا پی لیا ( تو اس کا روزہ اپنی جگہ قائم ہے ، اسے ) اللہ نے کھلایا اور پلایا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اے بنی ہاشم ! اے بنی عبدالمطلب ! اے رسول اللہ صلی اللہ علیہ و الہ وسلم کی پھوپھی صفیہ ! اے فاطمہ بنت محمد صلی اللہ علیہ و الہ وسلم ! جب کل قیامت کے دن لوگ اٹھائے جائیں گے تو میں نہیں جانتا اور تم دنیا لے کر آؤ گے ، مجھ سے محبت کرنے والے قیامت کے دن وہ ہوں گے جو پرہیز گار ہوں گے ، میری مثال تم میں اس آدمی کی طرح ہے جو اپنی قوم کو نصیحت کرے ، وہ کہے : اے قوم ! تم صبح و شام آؤ، میں ڈر سنانے والا ہوں موت سے اور قیامت آنے کا وعدہ دلاتا ہوں۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک دن مٹی پر سجدہ کیا یہاں تک کہ میں نے آپ صلی اللہ علیہ و الہ وسلم کی پیشانی اور ناک مبارک پر ( مٹی کے ) نشانات دیکھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی آدمی دنیا میں اپنے بچوں کو قرآن کی تعلیم دے گا، تو قیامت کے دن جنت میں اس کے والدین کو تاج پہنایا جائے گا ، جنت والے اس کا مقام جان لیں گے جو دنیا میں اپنے بچے کو قرآن کی تعلیم دینے کی وجہ سے ہو گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میرے گھر اور منبر کے درمیان والی جگہ جنت کے باغوں میں سے ایک باغ ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : کچھ گناہ ایسے ہیں جو نماز اور حج اور عمرہ سے معاف نہیں ہوتے ہیں ۔ عرض کی گئی : یا رسول اللہ ! پھر کیسے معاف ہوتے ہیں ؟ آپ صلی اللہ علیہ و الہ وسلم نے فرمایا : معاش کی طلب میں پریشان ہونے کی وجہ سے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دوڑ جائز نہیں ہے سوائے گھوڑے اور اونٹ کے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت جبرائیل علیہ السلام سے فرمایا : کیا آپ کا رب نماز پڑھتا ہے ؟ عرض کی : جی ہاں ! آپ نے فرمایا : اللہ کی نماز کیا ہے ؟ حضرت جبرائیل علیہ السلام نے عرض کی : سبوح قدوس، میری رحمت میرے غضب پر غالب ہے۔