Al Muajam Al Kabir Tibrani

حضرت ابو ہریرہ رضی اللہ عنہ تمام نمازوں کو پڑھنے کے بعد یہ پڑھتے تھے : " اسمعنا کم و مما اخفی علینا اخفینا علیکم " فرماتے تھے کہ ہم نے حضور صلی اللہ علیہ و الہ وسلم کو یہ پڑھتے ہوئے سنا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کھڑے ہوئے آپ صلی اللہ علیہ و الہ وسلم نے ایسی دعا فرمائی کہ ایسی دعا کبھی نہیں سنی، ایسی پناہ مانگی کہ ایسی پناہ کبھی نہیں مانگی۔ بعض لوگوں نے عرض کیا : یا رسول اللہ ! ہم یہ مانگ سکتے ہیں ، جو آپ نے مانگا ، ہم پناہ مانگ سکتے ہیں ان الفاظ سے جن الفاظ سے آپ صلی اللہ علیہ و الہ وسلم نے پناہ مانگی ۔ آپ صلی اللہ علیہ و الہ وسلم نے فرمایا : تم پڑھو : " اللھم انا نسألک بما سألک محمد عبدک و رسولک و نستعیذ مما استعاذ منہ محمد عبدک و رسولک " ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے اپنے صحابہ میں سے کسی کی عیادت فرمائی ، وہ صاحب بیمار تھے ، میں آپ صلی اللہ علیہ و الہ وسلم کے ساتھ تھا، آپ صلی اللہ علیہ و الہ وسلم نے اپنا دست مبارک اکٹھا کیا اور ایک دست مبارک اس کی پیشانی پر رکھا ، اس طرح مریض کی مکمل عیادت کرتے اور فرماتے : اللہ عزوجل نے فرمایا : یہ ( بخار ) میری آگ ہے ، اس میں اپنے مومن بندہ پر بھیجتا ہوں کہ دنیا میں جہنم کے حصہ کا عذاب مل جائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : پاک دامن دو طرح کی ہیں ، ایک پاک دامن، دوسری نکاح کی پاک دامن ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی عورت اپنے شوہر کی اجازت کے بغیر روزہ رکھتی ہے اور شوہر اس سے جماع کا ارادہ رکھتا ہو اور وہ عورت جماع نہ کرے ، اسے اللہ عزوجل تین کبیرہ گناہ کی صورت میں اس عورت کے نامئہ اعمال میں لکھ دے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تین دعائیں قبول ہوتی ہیں ، جن کے قبول ہونے میں کوئی شک نہیں ہے ، مظلوم کی بددعا ، ماں باپ کی اولاد کے حق میں دعا اور مسافر کی دعا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم صرف جمعہ کے دن روزہ رکھنے سے منع کرتے تھے ، ہاں اگر اس سے پہلے والے دن کا روزہ رکھا جائے تو پھر ٹھیک ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : تم کافروں سے مسلسل لڑتے رہو گے یہاں تک کہ تم ایسی قوم سے لڑو گے جن آنکھیں چھوٹی ہوں گی ، ناک بڑے ہوں گے ، ان کے چہرے پھٹے ہوئے انگور کی طرح ہوں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری امت سے کچھ لوگ ہمیشہ دمشق کے دروازوں اور اس کے اردگرد اور بیت المقدس کے دروازوں اور اس کے اردگرد جہاد کریں گے ، جو ان کو رسوا کرنا چاہے گا ان کو کوئی نقصان نہیں پہنچا سکے گا ، وہ قیامت تک حق پر قائم رہیں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : روزہ جہنم سے ڈھال ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے یہ دعا کی : اے اللہ ! قبیلہ مضر والوں کو ہلاک کر ، ان پر حضرت یوسف علیہ السلام کے زمانہ کی طرح قحط سالی نازل فرما۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل فرماتا ہے : اے ابن آدم ! اگر زیادہ مال خرچ کر لے تو تیرے لیے بہتر ہے ، اگر تو روک لے تو تیرے لیے برا ہے ، مال دینے میں ابتداء اس سے کر جو تیرے زیر کفالت ہیں ، بطور کفایت رکھنے پر ملامت نہیں ہے ، اوپر والا ہاتھ نیچے والے ہاتھ سے بہتر ہے ۔