Al Muajam Al Kabir Tibrani

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم کے نعلین مبارک کے دو تسمے تھے اور حضرت ابو بکر اور حضرت عمر فاروق رضی اللہ عنہما کےنعلین کے بھی دو دو تسمے تھے ۔ سب سے پہلے جس نے ایک گرہ باندی وہ حضرت عثمان بن عفان رضی اللہ عنہ ہیں ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جب کتا کسی برتن میں منہ مار جائے تو اسے سات مرتبہ دھویا جائے ۔

حضرت ابو ہریرہ رضی اللہ عنہ بیان کرتے ہیں : ایک مرتبہ نبی کریم صلی اللہ علیہ و الہ وسلم نے ہمیں دن کی کوئی نماز پڑھائی اور دو رکعتوں کے بعد سلام پھیر دیا ایک شخص جسے ذوالیدین کہا جاتا تھا نے کہا : نماز میں کمی کر دی گئی ہے ؟ یا آپ صلی اللہ علیہ و الہ وسلم بھول گئے ہیں ؟ آپ صلی اللہ علیہ و الہ وسلم نے فرمایا بلکہ میں بھول گیا ہوں ۔ پھر آپ صلی اللہ علیہ و الہ وسلم نے دو رکعتیں پڑھائیں، پھر بیٹھے ہوئے دو سجدے کئے اور پھر سلام پھیرا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جس سے کوئی علم کی بات پوچھی گئی اور اس نے چھپا لیا تو اسے قیامت کے دن آگ کی لگام ڈالی جائے گی۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : بے شک اللہ تعالیٰ صدقات قبول فرماتا ہے اور ان میں سے صرف پاک ہی کو قبول فرماتا ہے اور دائیں ہاتھ سے قبول فرماتا ہے ۔ اور پھر اس صدقے کو صدقہ دینے والے کی پالتا ہے جیسے آدمی اپنے جانوروں کو پالتا ہے حتی کہ قیامت کے دن وہ ایک لقمہ احد پہاڑ جتنا بڑا ہو کر آئے گا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : چوپایوں پر کوئی تاوان نہیں اور معدنیات میں سے خمس ادا کیا جائے گا۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : با جماعت نماز کو تنہا ء نماز پر پچیس درجے فضیلت حاصل ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جس نے اپنے مسلمان بھائی پر ظلم کیا ہے وہ آج ہی اسے معاف کرو لے قبل اس کے کہ اس کی نیکیوں کو لے لیا جائے نہ کہ دینار اور درہم سے ادائیگی ہو گی ۔ اگر اس کے پاس نیک اعمال ہوئے تو اس کے ظلم کی مقدار کے مطابق اس کی نیکیاں لے لی جائیں گی اور اگر اس کے نیک اعمال نہ ہوئے مظلوم کے گناہ لے کر اس پر ڈال دیئے جائیں گے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم کسی جمعہ میں خطبہ دیتے ہوئے فرمایا : اے مسلمانو ! یہ ایسا دن ہے جسے اللہ تعالیٰ نے تمہارے لئے عید کا دن بنایا ہے ۔ لہذا اس دن غسل کیا کرو اور تم پر مسواک کرنا لازم ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : اگر آدمی جان جائے کہ مرنے کے بعد اس پر کیا بیتے گی تو وہ لقمہ تک نہ کھائے اور گھونٹ تک نہ پئے بلکہ روئے اور سینہ کوبی کرتا رہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جب تم میں سے کوئی مجلس میں آئے تو سلام کرے اور جب جائے تو بھی سلام کرے اور پہلا آدمی دوسرے سے زیادہ ( جگہ کا ) حقدار نہیں ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : جب گرمیاں ہوں تو نماز کو ٹھنڈا کیا کرو بے شک گرمی جہنم تپش میں سے ہے ۔