Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ اگر مجھے اپنی زندگی کے متعلق معلوم ہو کہ ایک دن بھی باقی ہے تو میں اللہ سے ملوں اس حالت میں کہ میں نے شادی کی ہو، کیونکہ میں نے حضور صلی اللہ علیہ و الہ وسلم کو فرماتے ہوئے سنا کہ تم میں بدترین وہ لوگ ہیں جو غیر شادی شدہ ہیں ( وہ شادی شدہ جو اپنی بیویوں کو ساتھ نہیں رکھتے بلکہ اکیلے ہی رہتے ہیں جہاں رہتے ہیں ) ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : آدمی کسی عورت سے اس کی خالہ پر اور خالہ سے اس کی بھانجی پر نکاح نہ کرے ، عورت اور اس کی پھوپھی کو ایک نکاح میں جمع نہ کرے ، چھوٹی بہن کی موجودگی میں بڑی سے اور بڑی کی موجودگی میں چھوٹی سے نکاح نہ کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے مؤذن کی مشکل دور کی تو قیامت کے دن اللہ تعالیٰ اس کے لیے پل صراط پر نور کے وہ شعبے بنائے گا ، جن کی روشنی سے ایک عالم روشن ہوگا۔ ان لوگوں کو اللہ رب العزت کے علاوہ کوئی نہیں گن سکے گا ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم بوجھ اٹھاؤ تو اسے پیچھے رکھو ، کیونکہ ٹانگیں بندھی ہوئی ہیں اور ہاتھ لٹکا ہوا ہوتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک دن چھوڑ کر زیارت و ملاقات کیا کرو، اس سے محبت میں اضافہ ہوتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : نرمی اور آسانی کرنے والے پر جہنم حرام کی جاتی ہے ۔

حضرت ابو ہریرہ رضی اللہ عنہ روایت ہیں کہ ہم نے احد کے دن مذاکرہ کیا اس حالت میں کہ رسول کریم صلی اللہ علیہ و الہ وسلم کھڑے نماز ادا کر رہے تھے ، جب آپ فارغ ہوئے اور نماز سے سلام پھیرا تو ہماری طرف متوجہ ہو کر فرمایا : کیا تمہیں احد کے دن کے متعلق بتاؤں ؟ مجھے دکھایا گیا کہ میرے ساتھ حضرت جبرائیل علیہ السلام دائیں جانب اور طلحہ میری بائیں جانب ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو لوگوں کا حکمران بنے اور اس کی نیت درست ہو تو اس کے ساتھ دو فرشتے مقرر کیے جاتے ہیں جو اس کی رہبری اور رہنمائی کرتے ہیں ، جو لوگوں کے ساتھ کسی کام کا امیر مقرر ہو اور اس کی نیت درست نہ ہو تو اللہ اس کو اسی کے حوالے کر دیتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جہنم والوں میں جسے سب سے کم عذاب ہوگا، اس کو دونوں جوتیاں آگ کی ہوں گی ، جن کے ذریعے اس کا دماغ ابلے گا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب جنت والے جنت میں اور جہنم والے جہنم میں داخل ہوں گے تو ایک اعلان کرنے والا اعلان کرے گا : اے جنت والو ! اس میں ہمیشہ رہو، اس میں موت نہیں ہے ، اے جہنم والو ! اس میں ہمیشہ رہو ، اس میں موت نہیں ہے ۔

حضرت ابو ہریرہ رضی اللہ عنہ روایت ہیں کہ ہم نے تیس روزوں کی نسبت حضور صلی اللہ علیہ و الہ وسلم کے ساتھ انتیس روزے زیادہ مرتبہ رکھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو دنیا میں دو چہروں والا ہوگا، قیامت کے دن اس کی دو زبانیں آگ کی ہوں گی ۔