Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : امام ضامن ہے اور مؤذن امانت دار ہے ، اے اللہ ! ماموں کو ہدایت دے اور مؤذنوں کو بخش دے ۔

حضرت ابو ہریرہ رضی اللہ عنہ بیان کرتے ہیں کہ حضرت ابو ذر غفاری رضی اللہ عنہ نے عرض کیا : یا رسول اللہ صلی اللہ علیہ و الہ وسلم ! مالدار لوگ ہم پر نیکیوں میں سبقت لے گئے ۔ وہ نماز تو ہماری طرح ہی پڑھتے ہیں اور روزے بھی ہماری طرح ہی رکھتے ہیں لیکن ان کے پاس مال و دولت کی کثرت ہے ( جس سے وہ صدقہ و خیرات کر کے اضافی اجر کما لیتے ہیں ) اور ہمارے پاس اتنا کچھ بھی نہیں کہ اس سے صدقہ کر سکیں ۔ آپ صلی اللہ علیہ و الہ وسلم نے فرمایا : اے ابو ذر ! کیا میں تمہیں ایسے کلمات نہ سکھا دوں جن کو پڑھنے سے تم سبقت لے جانے والوں کو پالو اور پیچھے رہ جانے والے تجھ تک نہ پہنچ سکیں سوائے ان کے جو تیرے جیسے عمل کریں ۔ عرض کیا : کیوں نہیں ؟ یا رسول اللہ صلی اللہ علیہ و الہ وسلم ! آپ صلی اللہ علیہ و الہ وسلم نے فرمایا : ہر نماز کے بعد تینتیس مرتبہ سبحان اللہ ، تینتیس مرتبہ الحمد للہ اور تینتیس مرتبہ اللہ اکبر پڑھا کر۔ یہ بات مالداروں کو پہنچی تو انہوں نے وہی بات کی جو انہوں نے کی تھی ۔ وہ نبی کریم صلی اللہ علیہ و الہ وسلم کے پاس آئے اور انہیں خبر دی تو آپ صلی اللہ علیہ و الہ وسلم نے فرمایا : یہ اللہ کا فضل ہے وہ جسے چاہتا ہے عطا فرماتا ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم صبح کی نماز میں تشریف لائے اور نماز کیلئے تکبیر کہی پھر اشارہ کیا اور چلے گئے ۔ جب واپس لوٹے تو آپ کے بالوں سے پانی کے قطرے ٹپک رہے تھے ۔ آپ صلی اللہ علیہ و الہ وسلم نے لوگوں کو نماز پڑھائی اور اس کے بعد فرمایا : بے شک میں بھی ایک انسان ہوں ، اور میں اجنبی تھا لیکن غسل کرنا بھول گیا ۔ ( نوٹ : یاد رہے کہ یہ بات آپ صلی اللہ علیہ و الہ وسلم نے تعلیم امت کیلئے کی ورنہ حضور صلی اللہ علیہ و الہ وسلم کی ذات اطہر اس سے پاک و صاف ہے ، آپ کی ذات پاک کے متعلق ایسا گمان کرنا سوائے ایمان ضائع کرنے کے کچھ نہیں ۔ دستگیر غفرلہ ، )

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مونچھیں کٹواؤ اور داڑھی بڑھاؤ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : اہل جنت ، جنت میں اس حال میں داخل ہونگے کہ ان کے بدن پر کوئی بال نہ ہوگا، روشن چہرے اور سرمہ لگائے ہوئے ہونگے ۔ ان کی عمریں تینتیس برس کی ہونگی اور قد کاٹھ حضرت آدم علیہ السلام کی تخلیق کے مطابق ساٹھ ضرب سات ہاتھ ہوگا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس کے ساتھ اللہ عزوجل بھلائی کا ارادہ کرتا ہے ، اس کو دین کی سمجھ دیتا ہے ۔

حضرت ابو صالح بیان کرتے ہیں کہ حضرت ابو ہریرہ رضی اللہ عنہ نے ایک آدمی کو دیکھا جو مسجد اذان کے بعد نکل رہا تھا ، آپ نے کیا : اس نے ابو القاسم صلی اللہ علیہ و الہ وسلم کی نافرمانی کی ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : تم میں مجھے زیادہ محبوب وہ ہیں جن کے اخلاق اچھے ہیں ، وہ دوستوں کو جوڑنے والے جو محبت کرتے ہیں ، اور ان سے محبت کی جاتی ہے ۔ اور تم میں میرے نزدیک زیادہ قابل نفرت وہ ہیں جو چغلیاں کھاتے پھرتے ہیں اور محبت کرنے والوں میں جدائیاں ڈالتے ہیں اور شہوت سے پاک لوگوں پر عیب لگاتے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا کہ ہم سے کوئی نماز کو مختصر پڑھے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا :قرب قیامت کی علامات میں سے چاند کا پھیل جانا بھی ہے ۔ لوگ ایک دن کا چاند دیکھیں گے اور کہیں گے یہ دو دن کا ہے ۔

حضرت ابو ہریرہ رضی اللہ عنہ بیان کرتے ہیں کہ نبی کریم صلی اللہ علیہ و الہ وسلم نے فرمایا : چوہیا مسخ کی ہوئی مخلوق ہے اور اس کی علامت یہ ہے کہ وہ بکری کا دودھ پیتی ہے اونٹنی کا دودھ نہیں پیتی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم یہ دعا کرتے تھے : " اصلح لی دینی الذی جعلتہ عصمۃ امری الیٰ آخرہ " ۔