Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو کوئی آدمی اپنی زوجہ کو اپنے پاس بلائے اور وہ نہ آئے اور وہ اس سے ناراض ہو تو رات سے لے کر صبح تک فرشتے اس عورت پر لعنت کرتے ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جہنم میں کافر کی ڈاڑھ ' احد پہاڑ کے برابر ہو گی' اس کی جلد کی موٹائی تین میل جتنی ہوگی ۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے وضو کیا اس کی نماز نہیں' جس نے بسم اللہ سے وضو شروع نہیں کیا تو اس کا وضو نہیں ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جمعہ کے دن ایک گھڑی ایسی ہوتی ہے، جو کسی کو مل جائے کہ اس وقت کوئی بندہ خلوص سےدعا کرتا ہے تو اللہ تعالیٰ اس کی دعا قبول کرتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جنت میں ایک امت داخل ہو گی قضاء کے ساتھ' قضا یہ ہے کہ نہ وہ ناجائز دم کرواتے ہوں گے نہ کاہن کےپاس جاتے ہوں گے' وہ اپنے رب کے بھروسہ کرتے ہوں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نےپیٹ سے بچہ گرنے کی صورت میں ایک غلام یا لونڈی یا گھوڑے یا خچر کو دیت کے طور پر دینے کا فیصلہ فرمایا' آپ صلی اللہ علیہ وآلہ وسلم نے اس کے متعلق فیصلہ فرمایا جس نے نہ کھایا اور پیا اور نہ چھینک ماری' اسی طرح کی دیت باطل ہے۔ حضور صلی اللہ علیہ وآلہ وسلم نے فرمایا: یہ شاعرانہ بات ہے: ایک غلام ، لونڈی، گھوڑا یا خچر چٹی ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے طلوع شمس سے پہلے فجر کی نماز کی ایک رکعت پڑھی اس نے نماز کو پالیا' جس نے عصر کی دو رکعتیں غروب شمس سے پہلے پڑھیں پس اس نے نماز کو پالیا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب میں اپنے بندہ کی دو محبوب چیزیں (آنکھیں ) لے لوں اور وہ صبر کرے اور ثواب کی نیت رکھے تو اس کی جزاء جنت ہے۔

حضرت ابو ہریرہ رضی اللہ تعالیٰ عنہ فرماتے ہیں: رسول کریم صلی اللہ علیہ وآلہ وسلم منبر پر تشریف لائے۔ پس جب سیڑھی پر پاؤں رکھا تو کہا: آمین ۔ دوسری پر چڑھے تو کہا: آمین۔ تیسری پر چڑھے تو کہا: آمین۔ فرمایا: میرے پاس جبریل علیہ السلام آئے اور کہا: جس نے رمضان کا مبارک مہینہ پایا اور اس حال میں فوت ہوا کہ ااس کی بخشش نہیں ہوئی تو اللہ تعالیٰ اسے اپنی رحمت سے دور کرے۔ میں نے کہا: آمین۔ کہا: اور جس نے والدین کو یا ان میں سے ایک کو پایا۔ اور اس حال میں فوت ہوا کہ اس کی بخشش نہیں ہوئی تو اللہ اسے اپنی رحمت سے دور کرے۔ میں نے کہا: آمین ۔ کہا: جس آدمی کے پاس میرا ذکر کیا گیا اور اس نے مجھ پر درود نہیں پڑھا تو اللہ اسے اپنی رحمت سے دور کر دے۔ میں نے کہا: آمین۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: چھ اعمال میں جلدی کرو: دجال' دھواں ' زمین سے نکلنے والا جانور ' سورج کا مغرب کی جانب سے طلوع ہونا' امر عامہ اور تم میں سے خاص کو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: نماز کے بعد دوسری نماز کے انتظار میں رہنا ' یہ زیادہ افضل ہے' اللہ کی راہ میں گھوڑا تیار رکھنے سے ' فرشتے اس کےلئے دعا کرتے رہتے ہیں'جب تک آدمی بے وضو نہ ہو یا نہ اُٹھے ' یہ بہت بڑی اللہ عزوجل کی راہ میں نگہبانی کرنا ہے۔

حضرت معاویہ بن قرہ اپنے والد سے روایت کرتے ہیں کہ میں اپنے والد کے ساتھ حضور صلی اللہ علیہ وآلہ وسلم کی طرف گیا' آپ صلی اللہ علیہ وآلہ وسلم نے تہبند باندھا ہوا تھا' میرے والد آپ کے پیچھے ہوئے اور اپنا ہاتھ آپ صلی اللہ علیہ وآلہ وسلم کی مہر نبوت مبارک پر رکھا۔