Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب تم میں سے کوئی خوشبو لگائے تو طاق مرتبہ لگائے کیونکہ اللہ عزوجل خود طاق ہے اور طاق کو پسند کرتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: علیین والوں میں سے ایک آدمی جنت والوں پر جھانک کر دیکھے گا گویا وہ چمکتا ہوا ستارہ ہے۔ ابو بکر و عمر بھی انہیں میں سے ہیں اور دونوں بڑی نعمتوں والے ہیں۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم کے اصحاب میں سے ایک آدمی کو سانپ نے ڈس لیا' جو اللہ نے چاہا اُسے تکلیف محسوس ہوئی' یہ بات حضور صلی اللہ علیہ وآلہ وسلم تک پہنچی تو آپ نے فرمایا: جو کوئی صبح و شام یہ کلمات تین مرتبہ پڑھے: " اعوذ بکلمات اللہ التامات من شر ما خلق " تو اس کو کوئی شی نقصان نہیں دیتی ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ پر ایمان لانے کے بعد سمجھ دار ی یہی ہے کہ لوگوں کے ساتھ اچھے طریقے سے پیش آئے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : جو ہر جمعہ اپنے والدین میں سے کسی کی زیارت کرتا ہے' تو اللہ اس کو بخش دیتا ہے اور نیک لوگوں میں اس کو لکھ دیتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: دنیا سے بے رغبتی کرو (اس سے دو فائدے ہوتے ہیں: ) دل سکون میں رہتا ہے اور جسم راحت پاتا ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : جنت کے ایک دروازے کانام ریان ہے' قیامت کے دن اس دروازے سے صرف روزے رکھنے والے ہی داخل ہوں گے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ کی سب سے زیادہ فضیلت والی عبادت ، اللہ کے دین میں سمجھ بوجھ ہے۔ ایک فقیہ شیطان پر ہزار عابد سے زیادہ سخت ہے۔ ہر چیز کا ستون ہے اور اس دین کا ستون فقہ ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: علم سیکھو ' علم سکون اور وقار کے لئے سیکھو' جس سے سیکھا ہے، اس کے لئے عاجزی کا مظاہرہ کرو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : کسی سے دوستی درمیانی کرو' ہو سکتا ہے کہ اس سے کسی دن ناراضگی ہو جائے اور کسی سے بغض بھی درمیانہ رکھو ' ہو سکتا ہے کہ کسی دن اس سے دوستی ہو۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل سے" جب الحزن سے پناہ مانگو۔ صحابہ کرام نے عرض کی: یا رسول اللہ ! " جب الحزن " سے مراد کیا ہے؟ فرمایا: جہنم میں ایک وادی ہے کہ جہنم بھی اس کے شر سے ہر روز چار سو مرتبہ پناہ مانگتی ہے' اس میں غرار ون کون ہیں؟ فرمایا: جو دنیا میں اپنے اعمال دکھاوے کے لئے کرتے تھے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے نماز جنازہ پڑھی تو اس کے لئے ثواب ایک قیراط کی طرف ہے' جس نے نماز جنازہ پڑھا اور دفن کر کے واپس آیا تو اس کے لئے دو قیراط کا ثواب ہے' ایک قیراط اُحد پہاڑ کی طرح ہے۔