Al Muajam Al Kabir Tibrani

حضرت ابو ہریرہ رضی اللہ تعالیٰ عنہ روایت کرتے ہیں کہ ایک آدمی نے حضور صلی اللہ علیہ وآلہ وسلم سے پوچھا ' اس نے عرض کی: یا رسول اللہ ! آپ بتائیں کہ کوئی آدمی جانور ذبح کرتے وقت بسم اللہ پڑھنا بھول جائے تو ؟ آپ صلی اللہ علیہ وآلہ وسلم نے فرمایا: اللہ کا نام ہر مسلمان کے منہ میں ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب گناہ خفیہ کیا جائے تو صرف کرنے والے کو نقصان ہو گا' اگر اعلانیہ کرے تو عوام کو بھی اس کا نقصان ہو گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : مسلمانوں کے گھروں میں سب سے بہتر وہ گھر ہے ، جس گھر میں کسی یتیم کے ساتھ اچھا سلوک کیا جاتا ہو اور مسلمانوں کے گھروں میں سب سے بُرا گھر وہ ہے ، جس میں یتیم کے ساتھ بُرا سلوک کیا جاتا ہو۔

حضرت ابو ہریرہ رضی اللہ تعالیٰ عنہ سے مروی ہے : نبی کریم صلی اللہ علیہ وآلہ وسلم نے فرمایا: جو آدمی بھی گھر سے نکلتا ہے تو اس کے دروازے پر دو جھنڈے ہوتے ہیں: ایک جھنڈا ، فرشتے کے ہاتھ میں اور ایک جھنڈا شیطان کے ہاتھ میں ہوتا ہے۔ پس اگر وہ ایسا کام سر انجام دینے کے لئے گھر سے نکلتا ہے، جو اللہ کو پسند ہے تو فرشتہ اپنا جھنڈا لے کر اس کے پیچھے ہو لیتا ہے اور مسلسل اس کے ساتھ رہتا ہے یہاں تک کہ وہ اپنے گھر لوٹ آئے اور اگر (خدانخواستہ) وہ ایسا کام کرنے کے لئے گھر سے نکلتا ہے، جس میں اللہ تعالیٰ کی ناراضگی ہے تو شیطان اپنا جھنڈا لے کر اس کے ساتھ ہو لیتا ہے اور وہ آدمی مسلسل شیطان کے جھنڈے کے نیچے رہتا ہے یہاں تک کہ واپس لوٹے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: تجارت میں بھلائی نہیں ہے سوائے اس آدمی کے جو فروخت کی جانے والی شی کی تعریف نہ کرے اور خریدی جانے والی چیز کی مذمت نہ کرے اور حلال کمائے۔ حق کی راہ میں عطا کرے اور اس وجہ سے حلف سے جدا رہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جس نے حسن و حسین رضی اللہ تعالیٰ عنہما سے محبت کی ، اس نے مجھ سے محبت کی ' جس نے ان دونوں سے بغض رکھا ، اس نے مجھ سے بغض رکھا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جب مانگنے والے کو تین دفعہ دے چکا ہو تو اس ک جھڑکنے میں تیرے اوپر کوئی حرج نہیں ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: جو لوگ اکٹھے ہوں اور اللہ کا ذکر کیے بغیر جدا ہو جائیں تووہ مردار سے بھی زیادہ بدبو دار شی سے جدا ہوئے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا : اگر کسی آدمی نے اللہ کی رضا کے لئے نفلی روزہ رکھا پھر اسے زمین بھر سونا دیا گیا تو اس ایک روزے کا اجر پورا نہ ہوا' بس وہ قیامت کے دن ہی پورا ہو گا۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: انسان کا ہر عمل اس کےلئے ہے مگر روزہ میرے لیے ہے' میں خود اس کی جزاء دوں گا' روزے دار کے منہ کی خوشبو اللہ کے ہاں کستوری کی خوشبو سے زیادہ پاکیزہ ہے۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: میرے د وست صلی اللہ علیہ وآلہ وسلم نے مجھے تین کاموں کی وصیت کی: نماز چاشت' سونے سے پہلے وتر ادا کرنے کی اور ہر ماہ تین روزے رکھنے کی۔

حضرت ابو ہریرہ رضی اللہ تعالیٰ عنہ روایت کرتے ہیں کہ حضور صلی اللہ علیہ وآلہ وسلم نے فرمایا: اللہ عزوجل نے سورہ ٔ طٰہٰ و یٰسین حضرت آدم علیہ السلام کی ولادت سے ایک ہزار پہلے پڑھیں' جب فرشتوں نے قرآن سنا تو انہوں نے کہا: اس امت کے لئے خوشخبری جس پر یہ نازل ہو گا اور مبارک ہے، ان سینوں کے لئے جو اسے اٹھائیں گے اور ان زبانوں کے لئے خوشخبری جو اس کی تلاوت کریں گے۔