Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے لوگوں سے مانگا تاکہ اس کا مال بڑھے تو وہ جہنم کا انگارہ لے رہا ہے ، تو جو چاہے اسے زیادہ کرے اور جو چاہے کم کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو کوئی تم میں سے جمعہ کے بعد نماز پڑھنا چاہے تو چار رکعت پڑھے ۔

حضرت ابو ہریرہ رضی اللہ عنہ روایت ہیں کہ دو آد میوں کو حضور صلی اللہ علیہ و الہ وسلم کے پاس چھینک آئی ، آپ صلی اللہ علیہ و الہ وسلم نے ان میں سے ایک کی چھینک کا جواب دیا اور دوسرے کا جواب نہیں دیا ، ۔ اس نے عرض کی : یا رسول اللہ ! آپ نے دوسرے کی چھینک کا جواب ارشاد فرمایا : لیکن میری چھینک کا جواب نہیں دیا۔ آپ صلی اللہ علیہ و الہ وسلم نے فرمایا : اس نے اللہ کی حمد کی تھی اور تو نے اللہ کی حمد نہیں کی تھی ۔

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا : تم سے پہلے لوگوں میں ایک آدمی تھا، جس نے شراب خریدی اور اس میں ملاوٹ کی ۔ پس اس کا کچھ حصہ پانی بنا دیا پھر اسے لیکر چلا۔ اسے جا کر بیچ دیا۔ ( اس کے بدلے ) دینار لے لئے ۔ ان کو اپنے تھیلے میں رکھ لیا، سمندر میں ( کشتی پر ) سوار ہو گیا ۔ ایک بندر بھی ساتھ سوار کر لیا۔ پس جب وہ سمندر میں تھے تو بندر نے تھیلا پکڑا اور اسے پھاڑ کر اوپر چڑھا یہاں تک کہ بادبان کے ڈنڈے کی چوٹی پر جا بیٹھا پھر اس نے تھیلا کھول کر ایک دینار سمندر میں اور ایک دینار کشتی میں ڈالنا شروع کر دیا یہاں تک کہ جو تھیلے میں تھے ، اسی طرح کر دیئے ۔ جب آدمی ملاوٹ کرتا ہے تو بندر اسی طرح کرتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک گناہ ہے وہ ہے جس کی بخشش ہے ، ایک وہ گناہ ہے جس کی بخشش نہیں ہے ، ایک وہ گناہ ہے جس کی سزا دی جائے گی ، وہ گناہ جو بخشا نہیں جاتا وہ یہ ہے کہ اللہ کے ساتھ شریک ٹھہرایا جائے اور وہ گناہ جو بخش دیا جائے گا وہ گناہ ہے جو تجھے اور صرف تیرے رب کو معلوم ہے اور جس کی تجھے سزا ملے گی وہ گناہ ہے جو تو نے اپنے بھائی پر ظلم کیا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : عید الفطر کے بعد چھ روزے لگاتار رکھنا ایسے ہے کہ گویا اس نے پورے سال کے روزے رکھے

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم نے فرمایا : قیامت کے دن اعمال اللہ کی بارگاہ عالیہ میں پیش ہوں گے ۔ پس نماز آ کر عرض کرے گی : اے میرے رب ! میں نماز ہوں ۔ اللہ فرمائے گا : تو خیر پر ہے ۔ صدقہ آ کر عرض کرے گا : اے میرے رب ! میں صدقہ ہوں ۔ اللہ فرمائے گا : تو خیر پر ہے ۔ روزہ آ کر عرض کرے گا : اے میرے رب ! میں روزہ ہوں ۔ اللہ فرمائے گا : تو خیر پر ہے یہاں تک کہ اسلام آ کر عرض کرے گا : اے میرے رب ! تو سلام ہے اور میں اسلام ہوں ۔ اللہ فرمائے گا تو خیر پر ہے ۔ میں آج تیری وجہ سے ہی ( جس نے تجھے نہیں مانا، اس کی ) گرفت کروں گا اور تیری وجہ سے ہی ( جس نے تیرا اقرار کیا ، اسے ) عطا کروں گا ۔ پس اللہ تعالیٰ فرمائے گا : بیشک اللہ کے نزدیک پسندیدہ دین اسلام ہے " اور جو اسلام کے علاوہ کوئی دین تلاش کرے گا، اس سے ہر گز قبول نہ کیا جائے گا اور وہ آخرت میں گھاٹا پانے والوں میں ہو گا۔

اسی سند کے ساتھ حضرت ابو ہریرہ رضی اللہ عنہ سے مروی ہے کہ رسول کریم صلی اللہ علیہ و الہ وسلم نے فرمایا : سب سے پہلے بندے سے جس چیز کے بارے میں سوال کیا جائے گا ، وہ اس کی نماز ہے ۔ پس اللہ تعالیٰ فرشتوں سے فرمائے گا : میرے بندے کی نماز دیکھو ۔ پس اگر وہ مکمل ہو گی تو عرض کی جائے گی : اے رب مکمل ہے اور اگر وہ مکمل ہو گی تو عرض کی جائے گی : اے رب مکمل ہے اور اگر کم ہو گی تو عرض کی جائے گی : اے رب کم ہے ۔ اللہ فرمائے گا : دیکھو ! کیا میرے بندے کے نامہ اعمال میں نفلی نمازیں ہیں ؟ عرض کی جائے گی : ہاں ۔ بہت ہیں ۔ فرمان ہوگا : نفل نمازوں سے فرض نمازوں کا حساب مکمل کر دو پھر دیگر اعمال اسی مقدار سے لیے جائیں گے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم میں سے کسی کی جوتی کا تسمہ ٹوٹ جائے تو وہ ایک جوتی پہن کر نہ چلے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم میں سے کسی کے برتن میں کتا منہ مارے تو اس برتن کو سات مرتبہ دھو کر پاک کرو۔

حضرت ابو ہریرہ رضی اللہ عنہ روایت ہیں کہ رسول کریم صلی اللہ علیہ و الہ وسلم کو فرماتے ہوئے سنا : جب غازی اللہ کی راہ میں نکلتا ہے تو اس کے دروازے پر اس کے گناہوں کی پل بنا دی جاتی ہے ۔ جب وہ کوئی چیز پیچھے چھوڑتا ہے تو اپنے تمام گناہ ہی پیچھے چھوڑتا ہے ۔ پس ان میں سے اس پر ایک مچھر کے پر کے برابر بھی کوئی گناہ باقی نہیں رہ جاتا ۔ اللہ تعالیٰ اس کے لیے چار چیزوں کا ضامن ہوتا ہے : اس کے پیچھے چھوڑ جاتا ہے اور جو کوئی فوت ہوتا ہے تو اللہ اسے جنت میں داخل کرتا ہے ۔ اگر وہ صحیح سلامت واپس آتا ہے تو مال غنیمت اور اجر لے کر آتا ہے اور و سورج غروب ہوتا ہے تو اس کے گناہ لے کر غروب ہوتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : بے زبان جانور اگر کسی کو مارے تو اس کی دیت نہیں ہے ، کنویں اور کان میں گرنے والے کی دیت نہیں ہے اور دفن شدہ خزانے میں خمس ہے ۔