Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کھا کر شکر ادا کرنے والا ،ایسے ہے جس طرح کہ روزہ رکھ کر صبر کرنے والا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کھڑے ہوئے ، آپ نے ایسی دعا کی کہ اس کی مثل دعا نہیں سنی گئی ، ایسی پناہ مانگی کہ اس کی مثل لوگوں نے پناہ نہیں مانگی، پس لوگوں نے آپ سے عرض کی : یا رسول اللہ ! آج کے دن سے پہلے ہم نے آپ کو اس طرح کی دعا اور اس طرح کی پناہ مانگتے ہوئے نہیں سنا ہے ؟ آپ صلی اللہ علیہ و الہ وسلم نے فرمایا : تم یہ دعا کرو : " اللھم انا نسالک مما سألک محمد عبدک و رسولک الیٰ آخرہ"۔

حضرت ابو ہریرہ رضی اللہ عنہ فرماتے ہیں : ایک دن میں نبی کریم صلی اللہ علیہ و الہ وسلم کی معیت میں نماز نہ پڑھ سکا اور میرے بھائیوں میں سے کسی نے مجھے نہ بلایا۔ پس میں نے ( اکیلے ) عشاء کی نماز پڑھی میں نے سونے کا ارادہ کیا ، لیکن میں سو نہ سکا اور میں نے نفل نماز پڑھنے کا ارادہ کیا لیکن میں مجھے ہمت نہ ہوئی۔ اچانک میری نگاہ پڑی تو میں نبی کریم صلی اللہ علیہ و الہ وسلم کے حجرہ مبارک کے پاس ایک آدمی دیکھا تو میں اس کے پاس آیا تو رسول کریم صلی اللہ علیہ و الہ وسلم نماز ادا فرما رہے تھے ۔ آپ نے نماز پڑھی اور اسی ستون سے ٹیک لگا لی جس کے سامنے نماز پڑھ رہے تھے ۔ فرمایا : یہ کون ہے ؟ کیا ابو ھر ہے ؟ میں نے جواب دیا : ہاں ۔ فرمایا : آج رات عشاء کی نماز تمہاری ہم سے بچھڑ گئی ۔ میں نے عرض کی : ہاں ۔ فرمایا : گھر جا کر کہو : کھانا دے دو جو تمہارے پاس ہے ۔ پس گھر والوں نے مجھے ایک پیالہ دیا جس میں کھجور کا حلوہ تھا۔ پس میں نے نبی کریم صلی اللہ علیہ و الہ وسلم کے پاس لا کر آپ کے سامنے رکھ دیا ۔ پس آپ صلی اللہ علیہ و الہ وسلم نے فرمایا : مسجد والوں کو میرے پاس بلا لاؤ ! میں نے دل میں کہا : میرے لیے بربادی جو میں نے کم کھانا دیکھا اور میرے لیے نافرمانی کی بربادی ۔ پس میں ایک سوئے ہوئے آدمی کے پاس آیا۔ میں نے اسے جگایا اور کہا : آؤ چلو ! دوسرے کے پاس آیا تو وہ نماز پڑھ رہا تھا۔ میں نے کہا : چلو حتی کہ وہ سب نبی کریم صلی اللہ علیہ و الہ وسلم کے پاس اکٹھے ہو گئے ۔ پس آپ نے اس میں اپنی انگلیاں ڈالیں اور اس کے کناروں کو دیکھ کر کہا : اللہ کا نام لیکر کھاؤ۔ پس انہوں نے کھایا یہاں تک کہ سیر ہو گئے اور میں نے بھی سیر ہو کر کھایا تو فرمایا : اے ابو ہرھریرہ ! اسے پکڑ کر آل محمد کے پاس پہنچا دو۔ پس آل محمد کے پاس کھانا نہیں ہے تاکہ کوئی اسے کھا لے ، یہ ایک انصاری نے ہمیں تحہدیہ کیا تھا ۔ پس میں نے پیالے کو پکڑ کر اٹھایا تو وہ اتنا ہی تھا ، جتنا میں نے رکھا تھا ، بس صرف اس میں نبی کریم صلی اللہ علیہ و الہ وسلم کی انگلیوں کی لکیروں کے نشانات تھے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : تم پر دیہات والے تمہاری نماز کے نام پر غالب نہ آ جائیں اللہ نے اس کا نام " عشاء " رکھا اور دیہات والے عتمہ رکھتے ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا :ولیمہ پہلے دن حق ہے ، دوسرے دن نیکی ، تیسرے دن ریاکاری اور دکھاوا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : افضل صدقہ وہ ہے جو حالت مال داری میں دیا جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : دیہاتی شہری کیلئے بیع نہ کرے ، جس نے وہ جانور خریدا جس کے تھنوں میں دودھ روک لیا گیا تھا تو اس کو دو کاموں کا اختیار ہے ، اگر چاہے تو روک لے اور اگر چاہے تو واپس کرے اور ساتھ ایک صاع کھجور بھی دے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم میں کوئی وتر پڑھے تو طاق تعداد میں پڑھے کیونکہ اللہ طاق ہے اور طاق کو پسند کرتا ہے ، کیا تم نہیں دیکھتے ہو کہ آسمان سات ہیں اور درمیان میں زمینیں سات ہیں ، اور طواف سات چکر ہیں ، اور کنکریاں بھی سات ماری جاتی ہیں ۔ اور دوسری اشیاء کا بھی ذکر کیا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : اللہ عزوجل اپنی مخلوق سے چالیس اخلاق ( والوں ) کو جنت میں داخل کرے گا ، ان میں اعلیٰ اخلاق دودھ دینے والی بکری عطا کرنا ہو گا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : اگر مجھے اپنی امت پر مشقت کا خدشہ نہ ہوتا تو میں ہر نماز کے وقت مسواک کرنے کا حکم دیتا ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کائنات کی چار عورتیں افضل ہیں : فاطمہ بنت محمد صلی اللہ علیہ و الہ وسلم ، خدیجہ بنت خویلد، مریم بنت عمران، آسیہ بنت مزاحم رضی اللہ عنہن ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تمہیں کوئی پریشانی لاحق ہو تو اذان پڑھو کیونکہ شیطان اذان سننے کے وقت بھاگ جاتا ہے اس طرح کی اس کی ہوا خارج ہو رہی ہوتی ہے ۔