Al Muajam Al Kabir Tibrani

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : کامل ایمان والا ہے وہ ہے جس کے اخلاق اچھے ہوں ، تم میں بہتر وہ ہے جو اپنے گھر والوں کیلئے بہتر ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : حج مبرور کی جزاء جنت ہے اور ایک عمرہ سے دوسرے عمرہ تک ہونے والے گناہ معاف ہیں ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جو شخص جنازہ کے ساتھ نکلا یہاں تک کہ اسے دفن کرنے تک ساتھ رہا تو اس کیلئے دو قیراط ثواب ہے ، عرض کی گئی : قیراط کیا ہے ؟ آپ صلی اللہ علیہ و الہ وسلم نے فرمایا : یہ احد کی مثل ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : تین آدمی اللہ کو ناپسند ہیں : جھوٹا بادشاہ ، تکبر کرنے والا، فقیر مال اور بخیل ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : فرشتے اس شخص پر لعنت کرتے ہیں ، جو لوہے ( یعنی لوہے کے ہتھیار ) کے ذریعے اپنے بھائی کی طرف اشارہ کرے ، خواہ اس کا باپ اور ماں دونوں کی طرف سے بھائی ہی کیوں نہ ہو۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : سفر عذاب کا ٹکڑا ہے ، کیونکہ سفر بندہ کیلئے اس کی نیند اور کھانے پینے اور لذت سے رکاوٹ ہے ، جب تم میں سے کوئی اپنے کام سے فارغ ہو جائے تو جلدی گھر آ جائے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم چاند کی سترہ ، انیس اور اکیس تاریخ کو پچھنے لگواتے ۔

حضرت ابو ہریرہ رضی اللہ عنہ روایت ہیں کہ اگر مجھے اپنی زندگی کے متعلق معلوم ہو کہ ایک دن بھی باقی ہے تو میں اللہ سے ملوں اس حالت میں کہ میں نے شادی کی ہو، کیونکہ میں نے حضور صلی اللہ علیہ و الہ وسلم کو فرماتے ہوئے سنا کہ تم میں بدترین وہ لوگ ہیں جو غیر شادی شدہ ہیں ( وہ شادی شدہ جو اپنی بیویوں کو ساتھ نہیں رکھتے بلکہ اکیلے ہی رہتے ہیں جہاں رہتے ہیں ) ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : آدمی کسی عورت سے اس کی خالہ پر اور خالہ سے اس کی بھانجی پر نکاح نہ کرے ، عورت اور اس کی پھوپھی کو ایک نکاح میں جمع نہ کرے ، چھوٹی بہن کی موجودگی میں بڑی سے اور بڑی کی موجودگی میں چھوٹی سے نکاح نہ کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے مؤذن کی مشکل دور کی تو قیامت کے دن اللہ تعالیٰ اس کے لیے پل صراط پر نور کے وہ شعبے بنائے گا ، جن کی روشنی سے ایک عالم روشن ہوگا۔ ان لوگوں کو اللہ رب العزت کے علاوہ کوئی نہیں گن سکے گا ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جب تم بوجھ اٹھاؤ تو اسے پیچھے رکھو ، کیونکہ ٹانگیں بندھی ہوئی ہیں اور ہاتھ لٹکا ہوا ہوتا ہے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک دن چھوڑ کر زیارت و ملاقات کیا کرو، اس سے محبت میں اضافہ ہوتا ہے ۔