Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نماز میں دائیں بائیں جانب دیکھ لیا کرتے تھے ، پھر اللہ عزوجل نے یہ آیت نازل فرمائی : ایمان والے کامیاب ہو گئے اور جو نمازوں میں خشوع کرے گا" حضور صلی اللہ علیہ و الہ وسلم خشوع کرتے تھے ، اس کے بعد آپ صلی اللہ علیہ و الہ وسلم دائیں بائیں ملتقت نہیں ہوتے تھے ۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم نماز عصر اور نماز عصر کے درمیان نماز پڑھتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو امام کے ساتھ رکوع میں مل گیا ، اس نے سجدہ ( رکعت کو ) پا لیا ۔

حضرت ابو ہریرہ رضی اللہ عنہ روایت کرتے ہیں کہ حضور صلی اللہ علیہ و الہ وسلم جب نماز جنازہ پڑھاتے تھے تو یہ دعا کرتے تھے : اللھم انت خلقتہ و انت ھدیتہ للاسلام الیٰ آخرہ "۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے نیکی کا ارادہ کیا اور نیکی کی نہیں تو اس کیلئے ایک نیکی کا ثواب لکھا جائے گا اور اگر اس نے نیکی کر لی تو دس سے لیکر جتنی اللہ چاہے نیکیوں کا ثواب لکھا جائے گا ، جس نے برائی کا ارادہ کیا اور برائی کی نہیں تو اس کا گناہ نہیں لکھا جائے گا، اگر وہ برائی کر لی تو ایک گناہ لکھا جائے گا یا ( اگر اس نے جلدی توبہ کر لی تو ) وہ بھی مٹا دیا جائے گا۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : ایک مسلمان کے دوسرے مسلمان پر پانچ حق ہیں : اگر بیمار ہو جائے تو اس کی عیادت کرے ، اگر مر جائے تو اس کے جنازہ میں شرکت کرے ، اگر اس کے پاس سے گزرے تو اسے سلام کرے ، اگر اس کو چھینک آئے تو اس کو چھینک کا جواب دے ، اگر دعوت دے اگرچہ وہ دعوت بکری کا کم گوشت پنڈلی کی طرف ہو تو اس میں شرکت کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جہنم میں ایک منادی ندا کرے گا : اے پیار کرنے والے ( رب ) احسان کرنے والے( رب )

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے اپنے بھائی کی طرف لوہے کے ساتھ اشارہ کیا تو فرشتے مسلسل اس پر لعنت کرتے ہیں ، جب تک کہ وہ اس کو رکھ نہ دے اگرچہ اپنی والدہ اور والد کی طرف اشارہ کرے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : جس نے تیر اندازی سیکھی پھر اس کو بھلا دیا تو اس نے نعمت کی نا شکری کی ۔

حضرت ابو ہریرہ رضی اللہ عنہ روایت ہیں کہ ایک آدمی حضور صلی اللہ علیہ و الہ وسلم کے پاس آیا، اس نے عرض کی : یا رسول اللہ ! کیا ہم میں سے کوئی ایک کپڑے میں نماز پڑھ سکتا ہے ؟ آپ نے فرمایا : کیا ہر کوئی دو کپڑے پاتا ہے ؟

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم کو دو کاموں کا اختیار دیا جاتا تو آپ آسان کام کو اختیار کرتے ۔

حضرت ابو ہریرہ رضی اللہ عنہ روایت ہیں کہ حضور صلی اللہ علیہ و الہ وسلم نے فرمایا : آخر زمانہ میں ظالم حکمران ہوں گے ، ان کے وزراء خاموش قاضی خائن اور فقہاء جھوٹے ہوں گے ، جو تم میں سے وہ زمانہ پائے تو تم میں سے نہ تو کوئی ان کے لیے خراج وصول کرنے پر مقرر ہو، نہ منتظم بنے اور نہ سپاہی ۔