Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ہر پیر اور جمعرات کو زمین والوں کے نامہ اعمال پیش کیے جاتے ہیں ، ہر مسلمان کو بخش دیا جاتا ہے جو اللہ کے ساتھ شریک نہ ٹھہرائے اور جس کے اور اس کے بھائی کے درمیان ناراضگی ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نماز جمعہ میں مسلمانوں کو ابھارنے کیلئے سورہ جمعہ پڑھتے تھے اور دوسری رکعت میں منافقوں کو ڈرانے کیلئے سورۃ منافقون پڑھتے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو جھوٹی قسم اٹھائئے ، اسے چاہیے کہ اپنا ٹھکانہ جہنم میں بنا لے ۔

حضرت سالم بن عبداللہ فرماتے ہیں : حضرت عبداللہ بن عمر رضی اللہ عنہ آئے تو ان سے عرض کی گئی : حضرت ابن عباس نکاح متعہ کی اجازت دیتے ہیں " ۔ حضرت ابن عمر نے کہا : " سبحان اللہ ! میں یہ گمان نہیں کر سکتا کہ حضرت ابن عباس ایسا کریں ۔ لوگوں نے کہا : کیوں نہیں ، وہ اس کی اجازت دیتے ہیں ۔ حضرت ابن عمر نے کہا : حضرت ابن عباس تو رسول کریم صلی اللہ علیہ و الہ وسلم کی ظاہری زندگی میں ابھی چھوٹے بچے تھے پھر حضرت ابن عمر نے کہا : اس سے رسول کریم صلی اللہ علیہ و الہ وسلم نے ہمیں منع فرمایا : اور ہم بدکاری کرنے والے نہیں ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مشرکین اپنی داڑھی کو مہندی نہیں لگاتے ، تم بڑھاپے کی سفیدی کوبدلو۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : رحم کا لفظ ( اللہ کے نام ) رحمان سے لیا گیا ہے ۔ یہ ( رشتے ) رحمان کی پناہ سے متعلق ہیں ۔ ( حدیث کا لفظی معنی ہے : کمر کے دونوں اطراف سے بندھے ہوئے ہیں ۔ ) آپ کہتے ہیں : اے اللہ ! جو مجھ سے اچھا سلوک کرے تو اس سے اچھا سلوک کر اور جو مجھ سے تعلق توڑے تو بھی اس سے تعلق توڑ"۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : تمہارا کیا حال ہو گا ، جب تمہارے جوان فسق کریں گے اور تمہاری عورتیں سر کشی کریں گی؟ صحابہ نے عرض کی: اے اللہ کے رسول ! کیا یقناً یہ ہو گا ؟ فرمایا : اس سے بھی بری حالت ہو سکتی ہے ۔ تمہارا کیا حال ہو گا ، جب تم نیکی کو برائی وار برائی کو نیکی خیال کرو گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو کوئی مسلمان مجھ پر سلام بھیجتا ہے تو میری روح کو اللہ تعالیٰ متوجہ کر دیتا ہے ، میں اس کا جواب دیتا ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم حضرت سلمان رضی اللہ عنہ کو بلایا، فرمایا : اللہ کا نبی چاہتا ہے کہ تجھے ایسے رحمانی کلمات بتائے ، جن کے ذریعے تو رحمن کی طرف راغب ہو اور ان کے وسیلے دن اور رات تو اللہ سے دعا کرے : اے اللہ ! میں تجھ سے صحت ایمان کا سوال کرتا ہوں ۔ حسن خلق میں ایمان کا سوال کرتا ہوں ، ایسی نجات کا سوال کرتا ہوں ، جس کے پیچھے فلاح ہو اور تجھ سے رحمت ، عافیت ، مغفرت اور خوشنودی کا سوال کرتا ہوں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے رات کے وقت ہم پر تیر برسائے ، اس کا ہم سے کوئی تعلق نہیں ہے ۔

حضرت ابو ہریرہ رضی اللہ عنہ فرماتے ہیں کہ رسول کریم صلی اللہ علیہ و الہ وسلم نے فرمایا : ایک مؤمن پر دوسرے مؤمن پر چھ حقوق ہیں : وہ سلام کریں ، جب اس سے ملاقات کرے۔ وہ اس کی چھینک کا جواب دے ، جب اسے چھینک آئے ، ( اور وہ بلند آواز سے الحمد للہ کہے ) ۔ جب وہ اسے دعوت دے ، تو وہ اسے قبول کرے ۔ وہ بیمار ہو تو اس کی بیمار پرسی کرے ۔ جب وہ فوت ہو تو اس کے جنازہ میں حاضر ہو اور جب وہ غائب ہو تو اس کے لئے مخلص ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : جمعہ کے دن ایک وقت ہوتا ہے جو قبولیت کا ہوتا ہے ، وہ بہت قلیل ہوتا ہے ۔