Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری امت سے ستر ہزار کا گروہ جنت میں داخل ہو گا، ان کے چہرے چودھویں رات کے چاند کی طرح ہو گی۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے اپنے ساتھی سے جمعہ کے دن کہا : خاموش ہو جا ! اور امام خطبہ دے رہا تو اس نے لغو بات کی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری امت سے کچھ لوگ گمراہی میں پڑیں گے ، ان میں سے ایک کہے گا: اللہ نے مجھے پیدا کیا، اللہ کو کس نے پیدا کیا ؟

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت کی دبر میں وطی کرنے والے نے (نعمت ) کا انکار کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل فرماتا ہے : اگر میرا بندہ تنہائی میں میرا ذکر کرتا ہے تو میں بھی اکیلا اسے یاد کرتا ہوں ، اگر وہ مجھے کسی گروہ میں یاد کرے تو میں فرشتوں کے گروہ میں اسے یاد کروں گا، اگر میری طرف چل کر آئے گا تو میں دوڑ کر آؤں گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : وہ کیا وقت ہوگا جب حضرت ابن مریم علیہ السلام تشریف لائیں گے اور امام تم میں سے ہو گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : قیامت کے دن میری امت کے اعضاء چمک رہے ہوں گے ، جوتم میں سے اپنے حسن میں اضافہ کرنا چاہے ، وہ کثرت سے وضو کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی نماز کیلئے آئے تو سکون سے آئے ، جو مل جائے وہ پڑھ لے اور جو رہ جائے وہ بعد میں پڑھ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اگر آسمان والے اور زمین والے ایک مؤمن کے قتل پر جمع ہو جائیں تو اللہ ان سب کو جہنم میں ڈالے گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے کھڑے پانی میں پیشاب کرنے سے منع کیا کہ پھر اس سے وضو کرے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دینے والے کا ہاتھ اوپر والا ہے اور سب سے بہتر صدقہ وہ آدمی کو مالدار باقی رکھے اور تو اس آدمی کو صدقہ دیتے سے ابتدا کر جو تیری کفالت میں ہے ۔ ( ایسا نہ ہو ) تیری بیوی کہے : مجھ پر خرچ کرو ورنہ مجھے طلاق دے ۔ تیری اولاد کہے : اے ہمارے باپ ! ہمیں کس کے سہارے چھوڑا ہوا ہے اور تیرا خادم کہے: مجھے کھانا کھلا اور مجھ سے کام لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو آدمی اپنا سر امام سے پہلے اٹھائے ، اس کا سر گدھے کی طرح ہو جائے گا۔