Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ایک آدمی نے راستے سے کانٹے دار شاخ اٹھائی حالانکہ اس نے نیکی کبھی نہیں کی تھی ، یا ایک درخت راستے میں تھا اس کو کاٹا یا پڑاتھا اس کو دور کیا ، اللہ نے اس کی نیکی قبول کی ، اس کو جنت میں داخل کیا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سونا ، سونے کے بدلے اور چاندی، چاندی کے بدلے فروخت کرو، ایک آدمی کیلئے زیادتی کر کے نہ فروخت کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اولاد اپنے ماں باپ کا حق ادا کر سکتی ہے ؟ ہاں ! ایک صورت یہ ہے کہ ان کو غلام پائے اور ان کو آزاد کر دے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے ایک سریہ ( چھوٹے لشکر ) کو نکالنے کا حکم دیا، وہ نکلے انہوں نے عرض کی : یا رسول اللہ ! ہم رات کو نکلیں یا صبح تک ٹھہر جائیں ؟ آپ صلی اللہ علیہ و الہ وسلم نے فرمایا : کیا تم پسند نہیں کرتے ہو کہ جنت کے باغوں میں سے ایک باغ میں رات گزارو۔

حضرت ابو ہریرہ رضی اللہ عنہ فرماتے ہیں کہ جو بندہ ایک بار اللہ کیلئے تسبیح کرتا ہے ، حمد کرتا ہے یا بڑائی بیان کرتا ہے ، تو اللہ تعالیٰ اس کے لئے جنت میں درخت لگاتا ہے ، جس کی جڑیں ، سونے کی ، شاخیں ایسے جواہر کی جن پر موتی اور یا قوت جڑا ہوا ہے ، پھل ، کنواری عورتوں کے پستانوں کی مانند ہیں ، جو مکھن سے زیادہ نرم ہیں اور شہد سے زیادہ میٹھے ہیں ۔ جب بھی ان میں سے کوئی پھل لے گا تو وہ دوبارہ اسی طرح لگ جائے گا ، پھر رسول کریم صلی اللہ علیہ و الہ وسلم نے یہ آیت تلاوت کی : " نہ ختم ہونے والے اور نہ ان سے روکا جانے والا ہے " ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب حاکم فیصلہ کرے اور کوشش کر کے درست فیصلہ کرے تو اس کیلئے دگنا ثواب ہے ،جب فیصلہ کرے اور کوشش کرے پھر اس میں ( یعنی فیصلہ میں ) غلطی کرے تو اس کیلئے ایک ثواب ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا :عورت پر اس کی پھوپھی یا اس کی خالہ سے نکاح نہ کیا جائے ۔

حضرت ابو ہریرہ رضی اللہ عنہ فرماتے ہیں کہ رسول صلی اللہ علیہ و الہ وسلم نے فرمایا :جس آدمی نے دنیا میں اپنا گلہ دبا کر اپنے آپ کو قتل کیا، وہ دوزخ میں اپنا گلہ دبائے گا اور جس نے نیزہ مار کر خود کشی کی ، وہ دوزخ میں خود کشی کرے گا اور جس نے خواہ مخواہ اپنی جان کو مشکلات میں ڈالا، وہ دوزخ میں مشکلات کا شکار ہوگا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل اس آدمی کے پہلے گناہ معاف کرے ، جو مسلمانوں کے راستے سے کانٹے دار شاخ دور کرے ۔

حضرت ابو ہریرہ رضی اللہ عنہ فرماتے ہیں کہ نبی کریم صلی اللہ علیہ و الہ وسلم نے میرا ہاتھ پکڑ کر فرمایا : اللہ تعالیٰ نے ہفتے کے دن مٹی ( زمین ) پیدا فرمائی ، اتوار کو اس میں پہاڑ پیدا کیے ، درخت سوموار کے روز، مکر منگل کو ، نور ( روشنی ) بدھ کے دن اور جمعرات کے روز جانور پیدا فرمائے ۔ اور ایسے گن کر پیدا کیا جیسے عورتیں گنتی ہیں اور جمعہ کے دن عصر کے بعد دن کی آخری ساعتوں میں عصر اور رات کے درمیان حضرت آدم علیہ السلام کو پیدا فرمایا ۔

حضرت ابو ہریرہ رضی اللہ عنہ سے مروی ہے کہ رسول کریم صلی اللہ علیہ و الہ وسلم نے نجد والی طرف ایک چھوٹے لشکر کے ساتھ حضرت ابان بن سعید بن عاص کو مدینہ کی طرف بھیجا ۔ پس حضرت ابو ھرہرہ رضی اللہ عنہ فرماتے ہیں : پس ہم آئے اور ہم نے خیبر فتح کیا، اس سے پہلے کہ ہم تقسیم کریں جبکہ ان کے گھوڑوں کی لگامیں کھجور کے پتوں کی تھیں تو حضرت ابان بن سعید نے عرض کی : اے اللہ کے رسول ! ان کے درمیان تقسیم نہ کریں ( تو اچھا ہے ۔ ) پس حضرت ابان نے کہا : تو اے دیہاتی ! پہاڑ کی چوٹی سے گرے تو آپ صلی اللہ علیہ و الہ وسلم نے مال غنیمت میں سے کوئی چیز ان کے درمیان تقسیم نہ فرمائی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے اللہ کی رضا کیلئے ایک روزہ رکھا اس کو جہنم سے ستر سال کی مسافت جتنا دور کر دیا جائے گا۔