Al Muajam Al Kabir Tibrani

اور اسی سند سے مروی ہے کہ حضور صلی اللہ علیہ و الہ وسلم نے فرمایا : جو میت کو غسل دے ، وہ خود کو غسل کرے ، جو اسے اٹھائے وہ وضو کرے ۔ زہیر بن محمد علاء سے ، یہ ان کے والد سے یہ حضرت ابو ہریرہ سے روایت کرتے ہیں کہ حضور صلی اللہ علیہ و الہ وسلم نے فرمایا : آگے حدیث مکمل ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : اللہ عزوجل اس آدمی کی طرف نظر رحمت نہیں کرتا ہے جو اپنی بیوی کی دبر میں جماع کرے۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم کو فرماتے ہوئے سنا : اللہ عزوجل نے رحمت کے سو حصے بنائے ننانوے حصے روک لیے اور ایک حصہ دنیا میں اتارا، اس حصہ کی وجہ سے مخلوق ایک دوسرے پر رحم کرتی ہے یہاں تک کہ گھوڑا اپنے پاؤں اپنے بچے سے اٹھا لیتا ہے کہ اسے تکلیف نہ ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو انصار سے محبت کرے گا میری وجہ سے کرے گا اور جو انصار سے بغض رکھے گا ، وہ میری وجہ سے رکھے گا۔

حضرت ابو ہریرہ رضی اللہ عنہ فرماتے ہیں کہ میں نے حضور صلی اللہ علیہ و الہ وسلم کو فرماتے ہوئے سنا : تم میں سے کوئی میری کنیت پر اپنی کنیت نہ رکھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : قیامت کے دن وعدہ کا دن ہے اور عرفہ کا دن ، حاضری کا دن اور جمعہ کا دن گواہی کا، جمعہ کے دن سے کوئی دن افضل نہیں ، جس دن سورج طلوع ہو، اس دن میں ایک گھڑی ایسی ہے ، جس میں کوئی مسلمان بھلائی کی دعا کرے تو وہ قبول ہوتی ہے اور جو کسی شی سے پناہ مانگتا ہے تو اللہ اسے پناہ دیتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : صلہ رحمی کی عبادت کا ثواب سب سے جلدی دیا جاتا ہے ۔ بیشک کسی گھر والے فاسق و فاجر بھی ہوتے ہیں لیکن جب وہ صلہ رحمی کرتے ہیں تو ان کے مال بڑھتے ہیں اور ان کی افرادی قوت زیادہ ہوتی ہے ۔ بیشک بغاوت ، خیانت اور یمین غموس کی سزا جلدی دی جاتی ہے ۔ مال ختم ہوتا ہے اور رحم و کرم میں کمی آتی ہے اور علاقے ویران ہو جاتے ہیں ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم لباس پہنو اور جب وضو کرو تو دائیں جانب سے شروع کرو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس کا میں مددگار اس کا علی مددگار ہے ، اے اللہ ! تو اس سے دوستی کر جو ا س سے دوستی کرے ، تو اس سے دشمنی رکھ جو اس سے دشمنی رکھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مظلوم کی بددعا رد نہیں ہوتی، اگرچہ وہ فاسق و فاجر ہو۔ اس کا گناہ اس کے سر ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : حضرت داؤد علیہ السلام اپنے ہاتھ کی کمائی ہی کھاتے تھے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب تم میں سے کوئی مسجد میں کوئی بدن کے پھنسی پھوڑا پر پیدا ہونے والا کیڑا یا جوں پائے تو وہ اس کو دفن کرے یا اسے دور کرے ۔