Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب نماز کیلئے تثویب کی جائے تو تم میں سے کوئی بھی دوڑ کر نہ آئے ، سکون اور وقار سے آئے ، جو مل جائے ، وہ پڑھ لے اور جو رہ جائے اسے بعد میں پڑھ لے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جو بھول کر کھا پی لے ، وہ روزہ مکمل کرے ، یہ اللہ عزوجل نے اس کو کھلایا اور پلایا ہے ۔

حضور صلی اللہ علیہ و الہ وسلم نے فرمایا : اللہ عزوجل فرماتا ہے : ایک نیکی کا ثواب دس گنا ہے اور روزہ میرے لیے ہے اور میں خود اس کی جزاء دوں گا، روزے دار کے منہ کی خوشبو اللہ کے ہاں مشک کستوری سے بھی زیادہ ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : فرشتے اس پر لعنت کرتے ہیں ، اس پر جو کوئی تم میں سے اپنے بھائی کی طرف لوہے کے ساتھ اشارہ کرتا ہے ، اگرچہ اس کا باپ اور مان کی طرف سے ہو۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : شہری دیہاتی کی بیع نہ کرے ، جو اس سے کوئی شی خریدے تو اس کے مالک کو اختیار ہے ، جب بازار میں آئے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب قرب قیامت مؤمن کا خواب جھوٹا نہیں ہوگا، جتنا کوئی سچ ہوگا اس کا خواب بھی اتنا ہی اچھا ہوگا، مومن کا خواب نبوت کا اجزاء میں سے چھیالیسواں حصہ ہے ، اچھا خواب اللہ کی طرف سے خوشخبری ہے ، ایک خواب وہ ہوتا ہے کہ آدمی اپنے آپ سے گفتگو کرتا ہے ، احتلام شیطان کی طرف سے ہے جب تم میں سے کوئی نا پسندیدہ خواب دیکھے تو اسے بیان نہ کرے ۔

حضور صلی اللہ علیہ و الہ وسلم نے فرمایا : حضرت ابراہیم علیہ السلام نے تین ذو معنی ( یعنی ایسے لفظ بولنا جس کے دو معنی ہوں ) باتیں کی تھیں : دو اللہ تعالیٰ کی ذات کے بارے میں : ان کا قول : بیشک میں بیمار ہوں ، ان کا قول : بلکہ یہ کام ان کے بڑے نے کیا ہے اور آپ ایسی زمین سے گزرے جہاں ظالم و جابر بادشاہوں میں سے ایک جابر تھا جبکہ آپ کے ساتھ حضرت سارہ تھیں۔ پس اس نے آپ کی طرف آدمی بھیجا : یہ عورت کون ہے ؟ تو فرمایا : یہ میری دینی بہن ہے ۔ پس اس نے پیغام بھیجا کہ اس کو میری طرف بھیج دے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت اور اس پھوپھی اور خالہ کو ایک نکاح میں جمع نہ کیا جائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : عورت اور اس کی پھوپھی اور خالہ کو ایک نکاح میں جمع نہ کیا جائے ۔

حضور صلی اللہ علیہ و الہ وسلم نے فرمایا : اللہ عزوجل کے ننانوے نام ہیں ، جس نے ان کو یاد کیا ، وہ جنت میں داخل ہو گا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جب نماز کیلئے تثویب پڑھی جائے تو تم میں سے کوئی بھی دوڑ کر نہ آئے ، سکون اور وقار سے آئے جو تمہیں مل جائے وہ پڑھ لو اور جو رہ جائے اسے بعد میں مکمل کر لو۔

اور اسی سند سے مروی ہے کہ حضور صلی اللہ علیہ و الہ وسلم نے لعنت فرمائی اس عورت پر جو مردوں کا لباس پہنتی ہے اور اس مرد پر جو عورتوں کا لباس پہنتا ہے ۔