Al Muajam Al Kabir Tibrani

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم سے عرض کی گئی : یا رسول اللہ ! کیا ہم جنت میں صرف اپنی بیویوں سے جماع کریں گے ؟ آپ صلی اللہ علیہ و الہ وسلم نے فرمایا : وہ ذات جس کے قبضہ قدرت میں میری جان ہے ! آدمی ایک دن میں سو حوروں سے جماع کر سکے گا ( اگر چاہے گا ) ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : آگ سے پکی ہوئی شی کھانے کے بعد وضو ( یعنی کلی کرو اور ہاتھ دھو لو ) ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے ہر فرض نماز کے بعد تینتیس مرتبہ سبحان اللہ ، تینتیس مرتبہ اللہ اکبر، تینتیس مرتبہ الحمد اللہ پڑھا اور یہ پڑھا : " لا الہ الا اللہ وحدہ لا شریک لہ الیٰ آخرہ" تو اس کے گناہ معاف کیے جائیں گے ، اگرچہ سمندر کی جاگ سے زیادہ ہوں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : ہر شی کا نسب ہے اللہ کا نسب قل ھو اللہ احد ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : مومن کے وصال کا وقت آتا ہے تو فرشتے ریشم کا کپڑا کستوری اور عمدہ خوشبو لگا کر لاتا ہے ، اس کی روح اس طرح نکالتا ہے ، جس طرح آتے سے بال نکالا جاتا ہے اور کہا جاتا ہے : اے نفس مطمئنہ ! نکل آ اس حال میں تو اللہ سے راضی اور اللہ تجھ سے راضی یعنی تجھ سے راضی ۔ اور اس پر ریشم لپیٹ دیا جاتا ہے پھر اسے علیین میں بھیجا جاتا ہے اور کافر پر جب موت کا وقت آتا ہے تو فرشتے ایسا کپڑا لاتے ہیں ، جس میں آگ کے انگارے ہوتے ہیں اور وہ اس کی روح بہت زیادہ سختی سے نکالتے ہیں اور کہا جاتا ہے : اے پلید نفس ! نکل آ اس حال میں کہ تو اللہ پہ ناراض اور اللہ تجھ سے پہ ناراض ، ذلت اور عذاب کی طرف۔ اور جب اس کی روح نکلتی ہے تو اس انگارے پر رکھ دی جاتی ہے کیونکہ اس میں پانی کے کھولنے کی آواز ہوتی ہے پھر اس کو اس کپڑے میں لپیٹ دیا جاتا ہے اور سیدھا سجین کی طرف لے جایا جاتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : میری امت کے صبح کے کاموں میں برکت رکھی گئی ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : سفر عذاب جہنم کا ٹکڑا ہے ، تم میں سے ہر کسی کو نیند لذت کھانے پینے سے روکتا ہے ، جب تم میں سے کوئی سفر سے اپنی ضرورت پوری کر لے تو جلدی اپنے گھر والوں کی طرف آ جائے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : دو بھوکے بھیڑیے بکریوں کے ریوڑ میں رات گزاریں، اور بکریوں کے مالک اس سے غافل ہوں، وہ تیزی سے کھائیں تو اتنا نقصان نہیں کریں گے جتنا کوئی مال اور عزت کا بھوکا ، اسلام کا نقصان کرتا ہے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : جس نے یقین کے ساتھ " لا الہ الا اللہ محمد رسول اللہ " پڑھا وہ جنت میں داخل ہوگا۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے فرمایا : انسان کا سارا جسم گل جائے گا۔ سوائے ریڑھ کی ہڈی کی ، قیامت کے دن لوگ اس پر سوار ہوں گے ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم منبر پر کھڑے ہوئے ، آپ کے دست مبارک میں کتاب تھی ، فرمایا : میں یہ کتاب اس آدمی کو دوں گا جو اللہ اور اس کے رسول سے محبت کرتا ہو گا اور اللہ اور اس کا رسول اس سے محبت کرتے ہوں گے ، اے عثمان بن ابو العاص ! کھڑا ہو۔ حضرت عثمان بن ابو العاص رضی اللہ عنہ کھڑے ہوئے ، آپ نے وہ کتاب ان کو دے دی ۔

حضرت ابو ہریرہ رضی اللہ عنہ فرماتے ہیں کہ حضور صلی اللہ علیہ و الہ وسلم نے حضرت عمرو بن جدعان سے فرمایا : جب تو جوتا خریدے تو عمدہ قسم کا لے اور جب تو کپڑا خریدے تو اچھی قسم کا کپڑا خرید۔